Uluwatu Temple, Kecak dance

hüt morge simmer eigentli recht früeh ufgwacht, sind aber denn trotzdem bisem mittag im hostel gsi willmer probiert hend en guete plan für de tag zmache (gueti bowl zum zmorge, en drink am single fin’s mit usblick und nocher no zum uluwatu tempel + tanz)! s isch leider ganz anders usecho als plant, wills öppe geg de mittag bisam obig gschiffet het und mier im the loft gfange gsi sind - ohje!😄 naja, denn hemmer halt üse nomittag dött verbrocht und hend afoh d reis fürd romana ufde philippine zplane und hend üses nögste hotel in ubud buecht - uhh vorfreud!!😍 nebabi hemmer no 2 us amsterdam neb üs kah womer im gspröch cho sind. sie hend recht e chilligs lebe und chönnd reise wärend em schaffe - ziemli nice🙈 fo dene hemer denn en “bad” chai latte und sus en drink spendiert kriegt. sie sind auscho in scuol und st. moritz ide ferie gsi - betone in st. moritz —> badrutts palace! also hettends üs au grad üsi ferie chöne spendiere hahah! öppe am 16:00 hets denn chli ufkhört regne und mer hend üs uf de weg zum temple gmacht!

agressivi affe, hend de lüt desinfektionsmittel us de rucksäck klaut😄 Romana isch ganz wiit weg gloffe haahah! nochher hemmer e show gluegt “kecak fire dance” wo eigentli wärend em sunset stattfindet nur hemmer ja kai sunne🤷🏼‍♀️ isch lustig gsi, s isch um e frau gange wo in gfangeschaft gsi isch und am schluss befreit worde isch. d 70 männer hend die ganz ziit s gliche gsunge (cha cha cha)👏🏽🙈 das alles het ufme cliff stattgfunde mitme temple, hammer usblick!

leider hemmers nüm ganz zum temple gschafft wills nach de show zue gsi isch. mer hend denn en sehr ufdringliche scooterdriver troffe wo am schluss sogar gratis mit üs gfahre wär - kasch dänka!!😂 ah und e frau het nach de show es fötteli mit romana welle, will sie so e schöni frau sig😂
am schluss vom obig simmer im Nurish go esse und es het pizza geh😍😁 hunger isch gstillt - ab jetzt gits indonesisschs esse!

am schluss ufem haiweg hets no am the place with no name en coole livemusicer mit gitarra geh - dött hemmer no en guete ginger drink gnoh und sind denn go schlofe😴Read more