another day @ the beach

Heute habe ich leider kein Foto für dich! 😁

Mier hend hüt chli besser chöne usschlofe und hend denn alles packt zum Hotel wechsle, welles nur 1km entfernt isch😄. Unterwegs zum Hotel hemmer nomol e Bowl gnoh im Bali Eco Deli. Bismer s Hotel denn mol gfunde hend ischs ewigs gange, will uf Booking.com en falsche Kartestandort hinterleit gsi isch. Aber mit nohfroge hets denn klappt. Mier hend icheckt und zersta wasi gmerkt han isch dassmer wieder kai warms Wasser hend!🙃🙈 naja, git schlimmers. Nochher simmer direkt zum Strand und hend en wiitere Tag dött gnosse, leider nur mit 2h Sunne und nid soo en schöne sunset wie gester. Aber trotzdem ischs uh warm und schön gsi. Am Obig hemmer s Restaurant vom Hotel tested, will das uf Booking so guet bewertet gsi isch. Es isch würkli de hammer gsi und im Veglich zu anderne Restis womer bis jetzt gsi sind viel billiger. Do werdemer die nögste Täg au esse und dazue chli Geld spare!🤭Read more