& another chill day

Hüt morge hemmer a Bowl gesse, wo zwar guet gsi isch aber soo mastig, dass üs nochher beidne schlecht gsi isch. Eigentli hani denkt i han drus glernt kai so Schoko/Cacao oder Peanut Bowl zneh aber anschinend doch nonid😄 (Foto isch leider kake worde) Ih han denn müesse im Zimmer zerst chli relaxe bis min Mage sich erholt het und Alissa isch scho mal zum Strand, sie het müesse schnell ins Wasser will sie gfühlt 1000 Moskuito bites het und es überall bisst! Ih han fast keini 🤷🏼‍♀️🙈
Ih hans hüt schlecht ide Sunne usghalte und denn isch nach e Stund neblig worde, grad guet gsi. Hends denn anere Beachbar chli chillt und i han witer mini Philippine-Reis organisiert, was sich übringens sooo kompliziert gstaltet mit all dene Inlandflüg und Fähre und und und.. d Philippine hend 7000 Insle, 880 davo hend en Name, oder sowas:) und denn söttme sich für paar entscheide, und es sind eifach alli zu schön😄.
S isch langsam Obig worde, mer hend duscht und in üsem Hotelresti wieder fein indonesisch gesse :) Morn wird üse Plan denn wieder chli spannender, mer mietend en Motorbike und gönnd d Insle go erkunde + über e Bruck zunere anderi Insle, Nusa Ceningan. Ah und mer kriegend s Motorbike für en einheimische Pris, willmer hüt bim zmorge en Schwizerin kenneglernt hend wo mitme Indonesier verhürotet (gsi isch🙈) und uf Bali usgwanderet isch. Sie kennt sich do us, mer treffend morn ihre Sohn, de Nishan und er verhandelt denn😄Read more