Nusa Ceningan

Hüt hemmer uscheckt und sind zum 3. Hotel uf dere Insle, de Receptionist isch en komische gsi haha, und mier müend leider alles bar zahle, hoffemer dasmer no gnueg hend für alles. Üses Hotel isch dasmol perfekt! Es het e Klimaahlag 🙏🏼 (nachdem mer die letschte Nächt fast gschmolze sind..🫠) und e getrennti duschi vom WC🙈🙃 Mier hend guet zmorge gesse und üse Mage isch wieder top! Nochher hemmer üs uf de Suechi gmacht nachme Motorbike und hend denn mit einem chöne verhandle und grad üse Boat-Ticket zruck uf Sanur und Motorbike zeme mit Discount kriegt :) wahrschindli wüssend mier aber de richtig Priis nid und sind verarscht worde😂 aber sött glaub öppe passe wenn ma die Prise im Internet verglicht. Mer sind denn gstartet und i han mi zerst mol müesse dra gwöhne dassme ja do links uf de Stross fahrt.. die Europäer😄 und ma dörf do überall huupe, vorallem vor jederi Kurve - das isch supper!😂 mir sind zerst zum Dreambeach (rieese Welle) und nocher simmer über die gelb Bruck nach Nusa Cenanga. Bi de yellow brigde hets riese Plantagene kah, dött werdend Alge gsammlet, die werdend international exportiert und denn wird Schminki drus gmacht. Also mier hend zerst mal en Cliffclub gsuecht, en Fresh Juice trunke und d Lüt beobachtet wo vom Cliff gsprunge sind.. es isch soo hoch! Aber mer probierends glaub au🙈 —— uuuund mer hends nid gmacht. Dobe acho hemmer Lüt troffe wo gmeint hend mer hend die falsche Schueh zum wieder ufeklettere. Mit dene vo Alissa wärs evtl. gange, aber mer hettend müesse mit dene springe und sie zu 99% verlore🙈 sind denn wieder zruck und hend no paar schöni Ussichte chöne gseh - sogar ganz grossi Tartaruge vo witem😍 . Zruck überd Bruck nach Nusa Lembongan simmer wieder zum Dreambeach und dasmol ind Wellene gsprunge:) gege Obig hemmer denn grad im Resti obedra Nasi & Mie Goreng gesse und sind denn zruck gfahre. I han denn de ganz obig gfühlt mal mini Kleider chli gwäsche im Brünneli :)

Fazit: mer hend in 3h meh gseh vo Nusa Ceningan als in 3 Täg vo Nusa Lemongan😄 aber ehrlich gseit gseht me do au nid vieel meh, es isch eher zum chli obenabe cho und s Insel/Beachfeeling gnüsse:) und das machemer!Read more