Nusa Penida

Gfühlt simmer mit den Hotel nebme Puurehof glandet, will jetzt nid nume 1 Gückel singt sondern öppe 100 machend es ganzes Konzert sit sicher 4 am Morge 🙄😂 aber sus ischs do super und mer fühlend üs viel wohler als im andere. Am 8:00 chunnd de Pick-Up und mer machend üs hüt ufem Weg fürne Tagesusflug uf die zweit Insle no wiiter une —> Nusa Penida, das söll eine fo de schönste si! Also entweder sind d Indonesier e halb Stund bis zunere Stund zfrüeh oder e halb Stund zspot, so was wie Pünktlichkeit kennen sie nid😄 mer werdend 8:30! abgholt und es foht mir de Fähre ab Nusa Lembongan ah. Es isch nid würkli e Fähre, nur sones chlises Böötli aber es erfüllt sin Zweck😋 nach 20 Min. in Nusa Penida acho startets mitme Auto durch d Insle. Mer hend üsi Truppe kenneglernt und es isch voll es Europäer gmisch —> England, Frankrich, Denmark & Schwiiz😉 und de fahrer kann fast kai Englisch, aber immerhin kennt er de Weg! Es goht irgendswie ewigs bismer am erste Stop sind - zum Glück simmer nid selber mitem Motorbike gfahre. Nusa Penida chunnd üs nomol viel ärmer vor als Nusa Lembongan, Touriste machend scho au viel kaputt, aber sie sind trotzdem froh simmer do. Mer sind de ganz Tag durch d Insle gfahre und hend insgsamt 8 Stops gmacht, vom einte Ort zum Andere ischs eifach immer ewigs gange und mit dere Hitz dazue simmer eifach so unglaublich müed gsi. Bi de Stops simmer amigs nur kurz bliebe, wennme eswo hettend welle abelaufe hetme bis 1.5 Stund brucht. Wär zwar schön gsi aber mer hend zwenig Zit kah (vorallem willmer hend „müesse“ en grösseri Route mache will de Rest fo de Gruppe das het welle)🙈 Aber schlussendlich simmer froh gsi hemmer das nid gmacht und hend üs denn gege Schluss richtig ufs Hotel und e Duschi gfreut! Oh und mier hend hüt vo wiitem Mantas gseh - wunderschöön!
An üsem letschte Obig in Nusa Lembongan simmer zum Ginger & Jamu zum Sunset & esse. Leider ischer hüt nid so schön hervor cho, aber d Stimmig isch mega ahgnehm gsi♥️もっと詳しく