Hochzeitsgeschenk 😍

Hüt heimer es Hochzytsgschänk vom Wäutbeschtä Team (Danke Debitoren Insel u Regula) dörfä ihlösä. Mir si am Morgä am 7ni abghout wordä vo 2 ganz flottä Thais u hei dr ganz Tag e privat Tour gha. Zersch simer mitem Outo richtig Flughafä gfahrä bis mir de gli mau bimnä Long Tail Boot hei aghautä.
Nacheme feinä Kaffi simer mitem Boot richtig James Bond Island und Phang Nga Bay gfahrä. Dert heimer e Stopp gmach mit viunä Fotos u natüürlech no es Souvenir ihkouft. Witer isches zumne Fischerdörfli mit 1500 Ihwohner mit eigener Schueu u Super Market. I däm Dörfli hets ou viu Restaurant gha, wo mir zumnä Zmittag si ihgladä wordä.
Nachem Mittag isches mitem Boot witer gange dür d Mangrove Wäuder. Hei sogar no es schöns farbigs Vögeli gseh….
Nachdäm mir wieder bim Outo si gsi, simer mau richtig Hotel gfahre, hei aber plötzlech nomau ahghautä.
Last stop: E Tämpu mit ganz ganz viu freiä Affä womä sogar het dörfä fuehrä (Der Troum für Tina natüürlech 😂) Villech no zur Erklärig: da ig nur es Trägerli ha annä gha, hani für i Tämpu mi müessä bedeckä mitä Badtürchli.
Es isch Absolut e tolle u seehr lehrrichä Tag für üs gsi. Für Touris hei die Thais geng e Nickname damit mir besser chöi sägä.
Somit ou es Dankä ah Mister Sugar, Mister Coffee u üse Guide wo üs überau het begleitet der Mister T.Read more