2. Letscht Tag

D Nicole hets iz leider ouno verwütscht mit Chränkele, drum simer nochli gmüetlech ungerwägs. Dürä Tag chillä mirs am Strand u ploudere viu mit der Phon (ganz e liebi Thai).
Die liebi Phon het üs hüt es Getränk gschänkt zum versueche us Zuckerrohr. Kuul gsi das mau ds testä aber isch nit ganz mi Gschmack 😅 Ha später no es Thai Tea probiert mit Honig u Miuch u das wiederum isch sehr lecker gsi 😋 Was ouno ds erwähne isch: d Nicole het hüt mau e grilliertä Mais wöuä u niene gfungä. Was macht üsi liebi Phon? Si nimmt dr Roller und isch in ganz Patong Beach uf d suechi 🥹
Am abä gömer wie geng uf Gass go ässe u shoppa und danach no Massage. Was sit 3 Tag derzue isch cho, mini Bebe Büsi ga fuehre und luege obsne guät geit 😍
Bim heiga düemer aube no mit üsere liebe Security Frou redä. Wiusi so härzig isch heimer ihrä Schwizer Schoggi gschänkt u sie hets chuum chönnä gloubä wieso sii das bechunnt. 😅 us Dank hetsi üs es Foto gmacht vodä Söhn, wie fröid si hei gha. Wirde die Thai Lüt hie uf jede fau meega vermissä 🥲Read more