HaNoi - turbulenti Roller-Hauptstadt

Jede, wo scho mol z Amsterdam gsii isch, weiss es: Det hets fucking viel Velos! Und das, was Amsterdam so a Velos het, het HaNoi a Scooter...nur no viiel übertriebener...immer, überall, zu jeder ziit - Scooter!
So erwiest sich HaNoi als sehr überfüllti, hektischi und luuti Stadt, wo extrem viel loos isch und jedi überquerig vunere Stross, zunere schwierige Ufgob werde cha.
Durs Zentrum führt es grosses, unübersichtlichs Netz a schmale, aber trotzdem viel befahrene, Strössli mit überall chliine Läde, wo alli chli s gliiche vechaufed.
Doch leider het HaNoi die letzte Täg kei speziell gueti Fötteli hergee welle :(
Au hani do s erste mol uf minere Reis schlechts Wetter erlebt.
Trotz dene ned so positive Pünkt isch Hanoi e sehr intressanti Erfahrig und en riese Kontrast zu Laos gsii. Die 3 Täg do hani gnosse und doch bini ez froh, ez wieder chli ufs Land noch Sa Pa chöne z goo.Read more