Vom Zistig bis am Donnstig simer mitem Schiff nach Port Elizabeth gfare. Vor der Abfahrt heimer äs Training gha wiemer z Schiff im Notfau müesste evakuiere.
D'Überfahrt isch guet gange. Mir hei aues wosech chönnt bewege müesse mit Spannset aabinge und no denn simer ab und zue öppisem nachegsprunge.
Seechrank bini zum Glück nid worde. Mä wird eifach extrem Müed und Hungrig.
I bi während em läsä ir Bibliothek igschlafe, ha i mini Kabine wöue zum witerschlafe aber has nume bis uf z nächste Sofa im Ufenthautsrum gschafft. (Dä isch ca. füf Schritte vor Bibliothek entfernt) Und ig bi bi witem nid die einzigi gsi wos so isch gange...
Äs paar Lüt hei während der Fahrt Delfine gse. Ig hase leider verpasst.Read more