検索条件をリセット
Borboas trip
  • Adrian Borboa
  • Jeannine Borboa
  • Marion Fluck

Borboas trip

Adrian, Jeannine & Marionによる207日間のアドベンチャー もっと詳しく
+5
フォローする概要カレンダー共有共有死ぬまでにやっておきたいことリスト
最新のものから
  • Borboas trip

    Ranthambhore tiger nationalpark

    2024年1月17日, インド ⋅ ☀️ 22 °C

    Hüt isch es scho sehr früeh los gange. Mir sind am 6.30 vomene jeep abgolt worde, zum e tiger-safari mache im Ranthambhore nationalpark. De park isch recht gross und mer chan ganz vill verschideni tier gseht. Am morgä isch es leider sehr neblig gsie. Mir hend aber trotzdem vill reh und hirsche gseh, sowie au krokodil.

    Am namitag nachemene längere schlöffli, hemmer e zweiti safari gmacht. Mir hend wieder villi reh und hirsche gsehe. Mir hend kei tiger gseh, aber defür leoparde. Es isch au schön, wenn t natur na paar überraschige parat het 🙂.

    Am abig hets natürlich na e rundi skip.bo gä😉.    もっと詳しく

    翻訳をご覧ください
  • Borboas trip

    Ab nach Noida🏎

    2024年1月18日, インド ⋅ ☁️ 8 °C

    Am Morge frühe ischs los uf eusi langi Fahrt vom Rathambore nationalpark nach Noida.

    Erstmal hemmer müsse go Geld hole, am 3te ATM ischs den endli gange🥳💸
    De ATM isch inere Bank gsi, nach dem mer fertig gsi sind mit Geld zieh, het eus en Bankmitarbeiter gfrögt ob er döf es Foti mit de Jeannine und de Marion mache. Am Schluss hend all eis gmacht😂
    Den isch die wild Fahrt los gange. Jeannine het die ganz Fahrt dure Pfuused, sie isch offiziel die neu Schlafkönigin.

    In Noida acho hemer eus gfreut is Hotel zgah und öpis Esse well mer eigendli na nüt gesse hend hüt.. Tja... euses Hotel hets irgendwie 3x geh... immer mit liecht unterschiedlichem Name.. mir sind den diversi Strässli abgfahre und a Ort gsi wo gar nüt gsi isch.... eusi Nerve sind langsam all chli be 0 gsi.... und all chli Hangry....
    Mir hend den eigendli scho fix denkt das seg eh Verarschig...
    Den hemer aber nomal eis gfunde mit glichen Name, das hemer den au zackig gfunde. Et Voila es isch euses gsi, sie hend au eh Reservation vo eus kah. Sie hend den aber gmeint sie nehmed nur iheimischi Gäst und mir müssed wieder gah... Tja den simer wieder gange und au biz froh gsi, wells würkli sehr unfründlich gsi sind.
    Zum Glück gits Booking und mir hend es netts Hotel ide nöchi gfunde.

    Den isch Ziit worde de Irfan euse Fahrer zverabschiede. Eusi zwei Wüchig Tour isch ez offiziel verbi🥲

    Hungrig ischs den los uf d Jagd nach Esse🥐🍚🥣🫕 Tja das isch leider hangry und ih dere Ungebig nöd ganz eifach gsi... het alles nur Restis kah wo eus chli schmuddlig vor cho sind.... Churzerhand hemer beschlosse en Mac oder BurgerKing z finde- und tadadaaa het eine ide Nöchi kah🥳

    Im BurgerKing hets en huufe Veggie Sache geh und viel mit Paneer. Au wenn mir denkt hend mir essed hüt mal kei Indisch, au BurgerKing Sache hend sehr Indisch nach Curry gschmöckt😄    もっと詳しく

    翻訳をご覧ください
  • Borboas trip
    1

    My big fat indien wedding

    2024年1月19日, インド ⋅ ☀️ 17 °C

    Hüt isch useputz tag, mir gönd an e indischi hochziig 🕺👯👳‍♂️👳‍♂️. Als vorbereitig simmer it Mall of India öpis go esse und zum coifeur ga. Mir hend alli recht hunger ka also hemmer 3 talis pstellt. Es isch soo vill esse gsie, keine vo eus het möge ufesse. Es het blöderwiis niemer vor her vorgschlage, ob mer nöd 2 talis für alli 3 wend nä. Witz, t marion het das gseit und t jeannine und de adrian hend sie nur entgeistered aglueged😂😂. Zum a de hochziit chli chic usgseh hend sich d jeannine und t marion t haare wäsche und frisiere la. De adrian het e komplett überarbeitig brucht und het sich t haare schniide und de bart rasiere la.

    Mir sind uf die 9i am abig a die hochziit und sind alli echli nervös gsie, was erwated eus nur detä?
    Detä acho simmer sehr herzlich vo de schwöster vo de brut in empfang gno worde. Chum simmer dine gsie, simmer vo ganz vill chellner belagered worde und hend ganz vill esse um eus ume ka. Es nei danke isch vo ihne nöd akzeptiert worde 😅😅. Wies so isch, sind au sache serviert worde, wo euse gaume nöd grad en freudetanz macht. Zum biespiel hets en shake mit paan gä. Betelnut, us was paan bestaht, wird au mit tabak gmischt und als chautabak konsumiert. Für die zentraleuropäischi gschmackschnospä eher fluech als sege.
    Villi gest vo de hochziit sind sehr neugirig uf eus zue cho und hend wellä wüsse vo wo mir sind 🙂. Hüt abig isch t verlobigs party gsie, wo de brütigam de bruut de ring an finger asteckt. Beidi familie siitene liefered sich en tanzwettkampf zu indischer musig. De jeannine ihre traum isch in erfüllig gange mitem indische tanz-flashmob 😂😂.

    Es het es giganisches büffet mit ässe gä. Alles isch vegetarischi chost gsie. Sehr fein aber doch eher pikant 😂😂.
    Nach mitternacht isch s fest richtig los gange und mir hend mit de anderne gest nöd nur s tanzbei sonder au eusi schultere und ärm ordentlich im indische stiel gschütled 😂😂.    もっと詳しく

    翻訳をご覧ください
  • Borboas trip
    12Sie mag nüme😴😅

    Second Wedding Day

    2024年1月20日 ⋅ ☀️ 16 °C

    Nach em Usschlafe, wo simmer ächt hi? Natürli wieder it d Mall🤣
    Mir händ grad chli en overload vo indischem ässe gha, drum simer ines westlichs Resti, wo de Bsitzer vo de Unterkunft eus empfohle het.
    De Adi het wiedermal Poulet gässe, wills meiste da Veggi isch.
    D Marion het ein Mezze-Teller gha und Jeannine Pasta.

    Wieder zrug i de Unterkunft hämer es Powernap gmacht. Mir hend den nonig wüsst, wie froh mir um das no werdet si😂

    D Marion und Jeannine parat imene Saari und de Adi ebefalls im indische Style simer uf die 10 am Abig wieder zu de Location gfahre.

    Wo mer acho sind, hämer de Bräutigam inere Kutsche mit enere riiise Ketti voller Gäld entdeckt. Trummler sind au scho i ihrem Elemänt gsi und hend vollgas ge🥳 D Lüüt händ eus grad wiedererchännt und hend eus grad empfange.

    Wo den de Brütigam in Saal ine het wele, het er sich zerst bi de Familie vo de Bruut müsse ichaufe. Es isch es lustigs Schauspiel gsi, wie d Schwöster vo de Bruut immer meh Geld het wele. Irgendwenn ischs Geld vo de Ketti ufbrucht gsi und mir händ alli ine chönne😂
    Es isch en andere Saal gsi, wie Gester. Alles nomal grösser und pompöser, wie au alli Gäst. Sie hend nomal e Schippe drufgleit. Au zum innelaufe isch en Teppich usgleit gsi. Mir sind us em Stuune nüme use cho.

    Mir händ en Bueb, um die 14i känne glernt. Er het eus den I das ganze Ässe ifgüert und eus soviel zum probiere ge🤤🤤🤤 Er isch en riise Fan vom Adi gsi und isch den de ganz Abig mit eus gsi.
    Irgendwenn isch den d Brut cho. Sie het sooooo umwerfend schön usgse, mir sind usem stuune gar nüm use chl. Ihre Uftritt isch au super inszeniert gsi, unter emene Bluemedach, viel Rauch (gmacht mit Trocheiss) und Fürwerk.
    Den ischs grösse Fötele losgange. S Brutpaar allei uf de Bühni, im Saal, Vorusse und s Brutpaar mit allne Gäst.

    Es sind immer wieder gwundrigi Lüüt zu eus cho und hend es Schwätzli mit eus ghalte. Würklich so herzlich und fründlich gsi vo allne. Mir händ eus scho fast wie en Teil vo de Familie gfühlt.
    Ussert ein Kellner. De isch zum Adi cho und het ihn uf hindi öpis gfrägt. Natürli het er nüt verstande, drum isch de Bueb cho. Es het sich usegstellt, dass de Kellner de Adi um Gäld bäte het. Das isch echt chli schräg gsi. Es mag für de Kellner viellicht so vor cho si, de Adi als Inder (kein Scherz, alli meinet er isch Inder) mit zwei wiise Fraue muess Geld ha... wer weiss...

    Den isch lang nüt passiert und irgendwenn isch 3 i de Nacht gsi. Den hets Brutpaar und d Familie zerst mal gässe. D Kellner hend eus nonstop scho Sache bracht und mir händ eus suscht scho dureprobiert, dass mer kein Bisse meh händ chöne ässe, jänuu😂😂😂

    Sie hend eus gseit gha, mir sölled nonig hei ga, will d Zeremonie erst no chömed.
    Wos fertig gässe hend, simer I sones Zwüscherümli, wo isschalt gsi isch. Dete hets 2 Priester gha, wo den Sache gmumlet hend und es Füürli azündet hend. Zeremonie isch drum gange, wie d Brut vo de eigene Familie gat und vo de neue Familie ufgno wird. D Eltere vo de Brut hend zerst beidi gsägnet und no einiges gmacht, wo mer nöd verstande hend. Denn het s Bruutpaar 7x um das Füür müsse laufe, zerst sie vorus und den er. Nach no andere Sache isch eifach mal wieder nüt passiert und es isch scho 5i gsi😂😂😂 alli händ kei Lust me gha, weder d Gäst, S Brutpaar und au mir sind langsam müed worde. Mir händs eus nöd chöne erchläre, uf was all die Mänsche warted😂😂😂😂 es isch so e absurdi Situation gsi, aber mir händs unheimlich spannend gfunde😊
    Irgendwenn isch es gälbs Tuech uftaucht und es isch wieder bewegig I das ganze cho. De Brütigam het de Brut mit roter Farb en Strich uft Haarscheitel und d Stirn gmalt, s Zeiche, das d Frau verhürated isch. Nachher hend all Fraue us de Familie vom Brütigam au Farb uf ihre Stirn gmacht. Uf das Abe, isch d Bruut mit Gold und emene Tuech beschänkt wurde. Das söll als ihri Absicherig diene, falls em Ma öpis passiert.
    Irgendwenn het de Brütigam sini Schue zrugerchauft vo de Familie vo de Brut. Die händ sie nämlich versteckt😂 und es isch fertig gsi. D Handyuhr het tatsächlich 6.30 azeiget. Fix und fertig, aber überglücklich mit all dene neue Idrück und neue Bekanntschafte, simer mit em Uber is Hotel und sofort in Tüüfschlaf gheit😴    もっと詳しく

    翻訳をご覧ください
  • Borboas trip
    1

    Taj Mahal

    2024年1月21日, インド ⋅ ☀️ 18 °C

    En richtige Kampf is hüt gsi usem Bett z'cho.... um 11.30 het de Wecker glütet und mir hend all chum us de Auge gseh...
    Mir sind am 12i abgholt worde und sind los nach Agra.

    Diesmal hemer all chli im Auto döst, bis mer 3h spöter in Agra acho sind.
    Det het eus euse Fahrer emphole hüt Namittag no zum Taj Mahal z'gah, au wemer für morn Morge scho eh Sunneufgang Tour hend... die wird aber zu 99% sehr neblig si und mer gsechi en nöd würkli...

    So hemer hüt Namittag im Sunneuntergang bereits de Taj Mahal bestunt und es isch unglaublich gsi😍😍

    De Taj Mahal isch eh Grabstätte wo en König für sini gliebti Frau erschaffe lah het, wo be de Geburt vo ihrem 14 Chind gstorbe isch.

    Würkli sehr sehr müed simer is Hotel, hend fein gesse und aschlüssend all is Bett😄    もっと詳しく

    翻訳をご覧ください
  • Borboas trip
    Wer gseht de Taj Mahal?
    Sehr gueti mit so vill gasfläsche velo fahre

    Taj Mahal bi nebel

    2024年1月22日, インド ⋅ ⛅ 17 °C

    Hüt morgä simmer wieder mal früeh us em nest gstiege. Mir sind the Taj mahal bi sunneufang go aluege. Für das simmer uf es Tuktuk ghüpfed und sind im Nebel verschwunde. De fahrer isch zunere hauptstass und dur en huufe ängi gässli gfahre mit sim Tuktuk. Ala indiä, isch er gfahre als wäri er ufere Kamikaze-mission. De Adrian het t route wo er gfahre isch uf goole maps verfolgt und gmerkt, de macht en riese bogä. Er het ihn au gfröged ob er richtig fahrt. Am Fahrer sini artwort isch leider nöd ganz verständlich gsie 🤷‍♂️🤷‍♂️. Mir hend gmerkt das mir zspaat chömed und hend am tour-guid aglüte. De het ganz locker gseit, don't worry. I'll wait here.
    Dr Fahrer het eus irgendwo innere gasse usglade will er nüme det dörfe wiiterfahre het aber gmeint, da nur na grad us. Mir sind de wegbeschriebig gfolfed vom fahrer und sind schlussendlich tatsächlich vor em Taj Mahal glandet 🤣🤣.
    Mir sind zum ort wo mer mit em Guid abgmacht hend. Sehr erfreut, das mer uftaucht sind bi dere Nebelsuppe, het er eus gföged woher mir sind und wie mir heissed. Au het er eus gföged zu wellere ziit eusi tour starte würi. Es het sich usegstellt, dass de herr 1.5 stunde uf eus gwarted het, will die vermittligsargentur ihm 6 und eus 7 gseit het. Er isch au nöd de herr am telefon gsie, wo mer informiert hend, das mer echli zspaat chömed.

    Mir hend sehr nöch an Taj Mahal müsse, zum ihn i dere Nebelsuppe gseh. Defür hemmer ihn ganz für eus älleige ka 😁.

    Mir sind nach em mittag wieder in Delhi acho. Mir hend es päckli hei gschicked mit allem züg, wo mir in Indie posted hend und das sind scho na paar sache gsie 😅😅.
    Mit all eusem züg zum hei schicke simmer in es postamt i de nöchi vo eusem hotel. Die hend eus aber wiiter gschicked wills kei schachtlene hend🤣🤣.
    Mir hend zumene grössere postbüro müsse. Zerst hends eus gseit, dass sie detä au kei schachlte händ. Nachere churze diskussion under de agstelltä, hends den aber eini gfunde und eus füre bracht. Nacher hends gseit sie heged aber kei chlebband. Nomal hend die agstelltä churz underenand diskutiert und den isch doch eis i de schublade vo de dame füre cho, wo eus bedient het.
    Am schluss het alles klapped und mir hend euses päckli chöne schicke.    もっと詳しく

    翻訳をご覧ください
  • Borboas trip

    Ab nach Varanasi, oder doch nöd?

    2024年1月23日, インド ⋅ ☀️ 18 °C

    Euse Flug vo Delhi uf Varanasi isch vom Nami uf de Abig verschoben worde. Drum hämer äntlich chöne usschlafe😊 Nach emene feine Chai Masala simer in en Park i de nöchi vo ois. Zuegeh, i de letschte 2 Wuche mit eusem Fahrer hämer eus nöd allzu fest bewegt und eusi täglichi Schrittzahl chum erreicht (ussert a de Hochziit, wo mer eusi Tanzbei gschwunge händ). Drum hets eus richtig guet ta, chli go spaziere😅

    Voller Vorfreud uf Varanasi simer an Flughafe gfahre. Churze Input, de Fahrer vo de Rundreis het für die Strecki 30$ wele, euses Hostel 14$ und Uber 2$! Mir händ es Uber gno😊

    Am Flughafe acho simer durt Kontrolle. D Jeannine und de Adi sind usegno worde. Bim Adi händs die chlini Batterie und de Fäldstächer seeeehr genau aglueget und sis Führzüg weggrüert. D Jeannine het de ganz Rucksack müsse uspacke, will sie gmeint hend, ihre Rucksack het en zweite Bode. So isch ihre Rucksack öpe 3x duregla worde und alles ganz genau agluegt worde. Die einzig wo anscheinend schlau cha packe und nöd usegnoh worde isch, isch d Marion.

    Äntlich dinne simer bim Gate go warte. D Bordingtime wär langsam gsi, aber passiert isch nüt. Mir händ gwarted und gwarted. Plötzlich isch d Info cho, euse Flug isch cancelled!!! Noooooooo!!!!
    Den isch es Chaos losgange und einigi Inder sind so richtig hässig worde und hend s Personal agschreit. Da alles uf Hindi gsi isch, simer nüme drus cho😂😂😂 nach emene Hinundher het eus en Bus zum Arrival bracht, das mer euses Gepäck händ chöne hole. Mir händ wele en Nachzug bueche. De Adi hets probiert und probiert. Er het e spezielli Nr. brucht, wo mer nöd kha gend. Den het er eifach mal randum öpis I ghe und tadaaaa es isch gange und Zahlung het au funktioniert. ABER den het er s Passwort vo dere Nr. müsse ige, wo er logischerwiis nöd gha het. Es het sich usegstellt, dass es als Touri gar nöd möglich isch, so e Nr. zbecho. Den het en Inder eus abote, sin Account znutze, aber den hets eus vom Flughafe an Bahnhof nüme glanget. Tja s Universum het offesichtlich nöd wele, dass mir uf Varanasi gönd. Zum Glück gits booking und mir händ es Hotel i de nöchi vom Flughafe gfunde.
    Det acho hämer e Teambesprächig gmacht und eusi Optione aglueget. Varanasi isch weder mit Flugzüg oder Zug für eus am nöchste Tag erreichbar gsi und für 1 Tag het sichs nöd glohnt. So hämer churzerhand en Flug vo Delhi nach Mumbai buecht. Mit zwei mini Pizzas und enere neue Serie hämer eusi Abstigi gnosse und sind schnäll igschlafe.

    Zum Hotel muss mer no sege- dass fast as grüssel Hostel in Udaipur ane cho isch.... Better sind schmudlig gsi und s WC het abartig gstunke. Da hets au de Adrian fast glupft. Und das obwohl so unglaublich gued bewertet gsi isch... im Nachhinein hemer aus usegfunde wiso die so guet bewertet sind- sie hend under de Marion ihrem Account (wie au immer sie das gmacht hend) en Fake Itrag gmacht!!!! Natürli hemer das alles grad gmolde.    もっと詳しく

    翻訳をご覧ください
  • Borboas trip

    Ab in den Süden🚀

    2024年1月24日, インド ⋅ ☀️ 29 °C

    Nach dem mer d Nacht im grüsel Hotel 2.0 duregfrohre hend, is wieder an Flughafe.

    Nach abwäge vo euse Optione hemer gester beschlosse mir lönd Varanassi is Wasser gheie...😪 aber neui Flüg währed übertüürt gsi und au wieder Risiko das nöd flüged....

    Also simer nach(Trummelwiirbel🥁) :Mumbai

    No am Delih Flughafe mit allem ipackt was mer a Chleider gah hend, hemer eus den in Mumbai zimli schnell nur no im Tshirt vergnüegt.

    In Mumbai hets no meh Verchehr... no meh Lüüt und no meh Huupene.... 😄 defür ischs schön warm.

    I checkt hemer den relativ spat im Hotel in Südmumbai. Well be soviel Autos hets natürli au viel Stau. Am Flughafe hend s usserdem s Uberfahre revolutioniert- es isch wie benem Taxi unternehme, mer wartet nach de Buechig inere Schlange und chunt es Auto zuegwise über. Es het sogar en Uberwarteruum kah.

    Nachem ichecke simer den nomal hungerig uf Gas uf dJagd nach Esse. Chum usem Hotel dusse simer sogar nah a Geisse mit Tshirts verbi cho- mehr gseht Mumbai isch aso würkli warm.

    Leider hemer eus biz verlofe... aber uh mega liebi Mumbaianer hend eus gholfe und eus berate womer chönted öpis z Esse finde. Schlussendli simer aber eifach is Hotel zrugg und hend det gesse. Das isch aber sehr super gsi!

    Ufgwärmt und mit volle Büüch simer au hüt wiedermal zfriede is Bett gheit😊    もっと詳しく

    翻訳をご覧ください
  • Borboas trip

    Trochnigi Bartour in Mumbai :-)

    2024年1月26日, インド ⋅ ☀️ 29 °C

    Hüt hämer eus es Resti use gsuecht, wo wiedermal chli westlich gsi isch. Mir sind imene u lässige Kafi im künstlerviertel Kala Ghoda glandet.

    Nachher simer as Künstler-Festival wo zufällig grad näbe dra gsi isch. Es isch wüki spannend gsi, Mumbai nomal vonere andere Site zgse. Es het dete verschiedeni Skulpture gha, wo de Klimawandel und anderi Theme ufgno get.
    Eusi kulturelli Erfahrig hämer no imene Museum wele verlängere. Da aber en Fiirtag gsi isch, simer vor verschlossener Tür gstande. Jänu dänn simer witer ines Kaffi und händ eus d Ziit mit Charte spiele vertribe.

    Für em Abig hämer e Bar-Tour buecht, dass mer s Nachtläbe vo Mumbai no chönd erläbe.
    Die het scho rächt lustig agfange, wo mer uf euse Guide bimene Kino gwarted hend. Sooooo viel Mänsche hend mit eus wele Föteli mache. Es het es Usmaas agno, dass eus den eimal nüme so wohl gsi isch. Es het sogar e Kollone ghe😂😂😂 Verrückti Sach gsi😂😂😂
    Funfact: mir händ uf de falsche Site vom Kino gwarted😂
    Wo eus de Guide den gfunde het, het er gmeint, dass mir die einzige seget und hüt kei Alkohol i de Stadt usgschänkt wird, wäge nationale Fiirtag😱🙈😂😂😂
    So hämer eus a dem Abig dur verschiedeni Lassis und Masala Chai dure probiert.
    Die erst Bar ischs Leopold gsi. Wo mer devor gstande sind, het er gmeint, dass seg den die Bar, wo bi de Aschlagsserie in Mumbai au betroffe gsi isch. Bim Igang het mer sogar no s kaputte Glas mit de Ischusslöcher gse (händs äxtra so si gla).
    Drin bim Lassi trinke hämer euse Guide chli besser känne glernt. Er het verzellt, dass er gar kei Alkohol trinkt, will er früener es Alkoholproblem (gha) het. Mir händ eus den scho gfrägt, warum er den e Bar-Tour git. Aber ja, es isch alles uuur komisch gsi, dass mer eifach nurno händ müsse schmunzle.
    Er het sich aber uh müe ge und het eus viel über Mumbai verzellt und mir sind a spannende Ort verbi gloffe. Die zweit Bar, wo er eus hibracht het, isch uh herzig mit enere Dachterasse gsi. Nach dere Bar isch den au guet gsi und mit hend eus mit em Zug hei traut.    もっと詳しく

    翻訳をご覧ください
  • Borboas trip

    Drüü Chugelrundi Sooii in Mumbai🐖🐖🐖

    2024年1月27日, インド ⋅ ⛅ 32 °C

    Usgschlafe simer mal wieder mitem Zug dur Mumbai cruzed🚝 natürli hend au hüt wieder all s Verbot vo de Polizistin Marion becho zum nur scho annährend usem Fenster zlähne, was aber nur mässig berrücksichtigt worde isch.

    Erste Stop vo hüt: Slum Tour in Daharavi in Nordmumbai
    Mir sind eh bunt gmischti Gruppe ah Lüüt gsi vo jedem Egge us de Welt. Euse Guide wo mer de Name leider nüm wüssed, het eus elegant durs Slum gführt und viel spannendi Sache verzellt.

    S Daharavi Slum isch nöd wie mer sich vorstellt, eifach voller arme Lüüt sonder isch wie eh eigeni Stadt. Als Slum wird nähmli nur d Bauart vo de Hüüser det betitlet. Er het eus au verzellt wie viel so eh Mieti chostet, was nöd grad super wenig isch. Au het de ganzi Slum wie eh eigeni Industrie mit Plastik recycling und Lederware. Würkli sehr spannend gsi.

    Mir sind den au dur es Wohnviertel, dur die sehr enge Gässli dur d Hüüser. Das isch würkli sehr beengend gsi und dlüüüt hend uf mega chline Flächene gwohnt.

    Geg de Abig ischs den mitem Zug wieder abe nach Südmumbai: anne Foodtouur😍😍

    Puuh mir hend sooo viel feini Sache probiert, all die näme wüsse mer gar nüm. Aber vo vielem hemer Bilder gmacht, bewiitem aber nöd vo allem. da Wucheend gsi isch, hets au wieder so viel lüüt underwegs kah🙈 mer isch sich vor cho wie s Züri ade Streetparade so viel lüüt hets kah. Es sind 14 Sache gsi womer probiert hend!!! Mir sind nacher würkli chugelrund gsi...
    Uf de Foodtour hets den au na en Abstecher zum Strand vo Mumbai geh☺    もっと詳しく

    翻訳をご覧ください
  • Borboas trip
    9h Zugfahrt...Schnappschuss vo de MarionJeannine het ihri Liebi zu Chadze entdeckt❤Beach Cleaning

    Sunne, Strand, Meer - Goa😎

    2024年1月30日, インド ⋅ ☀️ 30 °C

    Vom 28.01.-05.02. simer im wunderschöne Goa gsi am Agonda Beach.

    🚝Am 28.01. isch am Morge um 05.50uf de Zug in Mumbai-9h bis nach Goa. Da mer 1 Klass gfahre sind, simer bedient worde wie imne Flugi, Esse, Trinke, Ziitig. Die 9 Stund sind den überraschenderwiis wie im Flug au verbi. Mir hend all sehr sehr viel gschlafe.

    Imne chline Resort grad am Stramd hemers eus richtig gued gah lah. Und nöd nur mir hend eus d Sunne uf de Buuchschiine lah, nei au da hets Chühe und Hünd wo gern de Sunne undergang gnüssed.🐮🐕

    S Personal isch eigendli alles vo Nepal gsi und sie hend die ganze Wuche de Adi sehr gued be Essensentscheidige unterstützt und berate. Cheibe guedi Sache het de Bueb amigs probiert. Viel Lassi, Limonade und Momos hets die ganz Wuche geh😎 mir sind zwüsche de Chühe am Strand eigendli nüm so ufgfalle..

    Im Resort hets au wunderbari Massage geh wo sich Jeannine und Marion chli verwöhne lah hend. 💆‍♀️💆🏼‍♀️Sie hend au am Adi sini Füess chli graffled, dass er wieder zärtlichi Prinzessine Füess het. Er tänzled ez nur na so dur Gegend die Prima Ballerina.💃

    Wemer grad nöd am Starnd am lese oder bädele gsi sind hemer en huufe SkipoBo gspielt. Und Jeannine und Adi hend nomal es neus Spieli glernt: Shit Head, au das het viel Fun bracht.

    A gwüsse Morgene het mer sich au zu Yoga oder en Spaziergang chöne motiviere, da sind aber Adi und Jeannine recht viel Aktiver gsi wies Fuultier Marion, wo den gern usgschlafe het.

    Die Wuche isch wie im Flug vergange, au wemer euse Ufenthalt sogar no vom 3. Bis zum 05.02. verlängered kah hend.

    Schweren Herzens hemer euses chline Paradies den verlah....Am 05.02. isch den am Abig mitem Flugi vo Goa nach Kochi.    もっと詳しく

    翻訳をご覧ください
  • Borboas trip

    Ab nach Munnar

    2024年2月6日, インド ⋅ ☀️ 26 °C

    Gstärched miteme masala chai simmer hüt scho früh richtig Munnar ufproche. Es isch e rund 5 stündigi fahrt. Munnar isch bekannt für endlosi teefelder wo mer wandere chan. Äntlich wieder mal echli bewegig 😅😅.

    Euses hotel isch wie es wald resort wo alli wägli zu de zimmer wie wanderweg sind. Mir schlaffed au imeme Zelt. Aber es sehr komfortalbes zelt mit Bett und WC 🙂✌️.

    Das hotel het zwei teil, de zweiti mitere chline farm isch rund 1.5km wiit eweg vo eusere underkunft.
    Am namitag simmer detä dur ganz üpigs grüen gloffe.

    Mir hend halbpension i dem hotel. Mir hend en riese znacht übercho mit indische und spezialitäte vo kerala. De abig hemmer wie überlich bi Skip.bo usklinge la🙃.    もっと詳しく

    翻訳をご覧ください
  • Borboas trip
    Chai StoreZmorge

    Wanderig i de Teeplantage

    2024年2月7日, インド ⋅ ☀️ 27 °C

    Am 6i het eus scho es Tuktuk abgholt für zu de Teeplantage. Uf em Weg hets natürli en Halt geh für de Masala Chai🤤

    D Wanderig I de Teeplantage isch den churz druf abe inere Gruppe losgange. Sie isch dur Teeplantagene gange und uf en Berg ufe, wo mer e traumhafti Ussicht gha het. Uf em Rückweg simer no a Tee-Pflückerinne und Teepflücker verbi cho. Uff das muss en richtig härte Job si...

    De Adi und d Jeannine sind am Abig no e indischi Tanzshow go luege. Die isch wüki mega toll gsi und chli anderst als erwarted. Die einte Lieder händ sehr stark a Rockmusig erinneret und d Verchleidigt vom Einte het im dunkle sogar glüchted😄    もっと詳しく

    翻訳をご覧ください
  • Borboas trip

    Munnar: Kaninchen ide Höchi⛰🐇

    2024年2月8日, インド ⋅ 🌙 17 °C

    Morgemufflig simer hüt wieder am 6i los....
    Nachere 45min TukTuk fahrt, mit Zwüschestop für en Chai Masala, simer wieder Richtig Teefelder.

    Diesmal simer aber grad uf de Berg gegeüber vo gester.
    Eusi Gruppe het no zwei Engländer und zwei Dütschi Burste binhalted.

    Zum Glück ischs hüt chli sanfter berguf, defür en rechte Abentüürweg. Richtig durs höche Gras und über riisige Felse simer kletteret. Z oberst Obe hets den wieder vo eusem Guide sinere Frau selber gmachte Zmorge geh. Hüt het au de Adrian gfunde, ihm hangi s Indische Esse us de Ohre use... aber de Zmorge isch super fein gsi! Nachem Zmorge hets den no es Kaninchen 😴😴 ufem Hügel obe geh. De Adrian isch so entspannt am Schlafe gsi, das er sogar gschnarchlet het.😂 Es het aso nacher kei Wildtier meh um eus ume kah.

    No ufregender is bem abstiig worde, det is nur no durs höche Gras und het rutschige Erdbode kah. Mir sind aber all heil dunne acho🙂🙃🙂 nach zwei Täg wandere simer ez scho all biz müed... aber d Ussicht is Grüene isch eifach fantastisch da!

    Am Namittag simer den no in Spice Garden. Wo am Adrian as Herz gleit worde isch, er müssi mit do Chrüütli-Zauberöl sini Gheimratsegge bearbeite, denn wachsed die nach 2 Mönet wieder na. De Adi het den de halb Lade leer kauft- natürli nöd😄

    Mer hend den am Abig eusi schwere Bei nach 2 Täg wandere gmerkt und sind nüm so aktiv gsi.    もっと詳しく

    翻訳をご覧ください
  • Borboas trip

    Huusboot i de Backwaters

    2024年2月9日, インド ⋅ ☀️ 32 °C

    Mir sind am 6 am morgä vo Munnar los gfahre richtig Allappuzha. Die negst 2 täg simmer ufeme huusboot und tuckered ganz gmüetlich dur backwaters vo Kerala. T auto fahr isch rund 5 stunde gsie, mir sind also alli müed und hungrig in Allappuzha acho. T jeannine het umbedingt es schuelheft wellä wo si spanish verbe konjugiere chan, zum sich uf mexiko vorbereite. Mir hend imene chline verstecktä lädeli bim hafe tatsächlich eis gfunde 🤣🤣. Nache me masala chai simmer uf euses neue dehei. Mir hend es ganzes boot für eus älleige mit zwei schlafzimmer, en essberich und en balkon imene zweite stock. Die negste täg werded sehr entspannt. Am namitag hemmer es usfährtli miteme chline boot gmacht i chlini kanäl wo t hüüser stönd vo de iheimische.

    Am abig hemmer sehr guet gässe und de abig usklinge la bi guete gspöch am tisch 😉✌️. S Highlight ischs Abigprogramm vo de Marion gsi. Sie het all ihri Bollywood skills uspackt und eus demit verzauberet.    もっと詳しく

    翻訳をご覧ください
  • Borboas trip
    Euses Huusboot1Sooooo viel Ässe1

    Am umetuckere - Huusboot Tag 2

    2024年2月10日, インド ⋅ ⛅ 30 °C

    Uf em Boot hämer alli sehr guet gschlafe, es het au so ganz liecht gschwanket😊

    Nach em indische Zmorge simer den bis am Namittag uf de Backwaters umetuckeret. D Ussicht und die ganz Atmosphäre isch es eimaligs Erlebniss und isch es wiiter Highlight vo eusere Indiereis. D Ziit hämer mit Läse, Skipbo, spanisch üebe, fötele, gsprächle und eifach gnüüsse verbracht.

    De Koch het eus au wahnsinnig mit indischem Ässe verwöhnt. Mer muss aber säge, dass nach fast 6 Wuche indischem Ässe, es eus langsam usem Hals hanget 🙈😂 dezue anne chunnt, dass de Koch mit de Azahl vo Gricht und mit de Mängi vo de einzelne Gricht masslos übertribt het. Wo mer den gseh hend, dass sie en Teil vom Ässe is Wasser zu de Fischli rüeret, isch euses schlechte Gwüsse is unermässliche gstiige. Umso me au, will mer in Indie doch au viel Armuet gse händ und Mänsche, wo zwenig händ, und mir im gägesatz i somene Übermass bedient worde sind. Aber die Mängi a Ässe, wo er uftischt het, hätti für 5 Mänsche meh glanget und mir händs unmöglich chöne fertig Ässe. Mir sind den einisch sooo überäsde gsi, dass s Ässe gar kei Freud meh gmacht. Mir händ ihm aber scho nach de erste Mahlziit gseit, dass es viel zviel isch und er doch bitte weniger Choche söll und dass mer au ufs Poulet chönd Verzicht (het au immer no Fisch dezue ge). All eusi Versüech de Food-Wast chli zhalte, het nur dezue gfüert, dass mer no meh uftischt becho händ🙈 irgendwen hämer den aber resigniert und nur no das gässe, wo mer händ möge...

    Als mer den gäg de spöter Namittag agleit händ und dringend chli bewegig brucht händ (au um z Verdaue, dass mer de Znacht wieder möget), hämer en längere Spaziergang gmacht.

    Nachdem mir dänn eus dur de Znacht dure kämpft hend, simmer den einisch i eusi Koje.    もっと詳しく

    翻訳をご覧ください
  • Borboas trip

    Cochin

    2024年2月11日, インド ⋅ ⛅ 33 °C

    Am Morge simer no ufem Huusbot verwachet, hend z Morge gesse und sind den los richtig Cochin.

    In Cochin ah cho hemer no imne Strasselädeli in Chai gschlüürft bis mer hend chöne i checke.

    Am Namittag simer den zum Cochin Forth mit de Fähre, wo mer no Delfine gseh hend 🐬Jeannine het det es Healthy Caffi entdeckt - und mir hend nach dene 2 Täg mäste ufem Boot mal wieder öpis gsunds gesse. Aschlüssend hemer eus mitere Ayuverda massage richtig i Öle lah. Mir sind aschlüssend wie Pancakes gsi, wo mit Ahornsirup übergosse gsi sind.... aber d Massage isch super agnehm gsi☺

    All chli müed simer zrugg is Hotel und hend eus zum Film luege mal wieder mini Pizzas bstellt well, mer eifach kei Indisch meh hend chöne gseh... 😄    もっと詳しく

    翻訳をご覧ください
  • Borboas trip

    Final destination Bangalore

    2024年2月12日, インド ⋅ ⛅ 31 °C

    Hüt gahts zu eusere letsche destination in Indiä, Bangalore. T Inder seged au ganz stolz, the silicon valley of India 😉.
    Am spötere Namitag simmer i eusere underkuft acho. Plaged vom hunger simmer uf t suechi vo nach öpis essbarem. Alli hend echli gnueg vom indische ässe, au wemmer eus einig sind, dass es sehr delikat isch. Mir hend eus für es asiatisches restaurant (ja mir wüssed indisch isch au asiatisch 🙃) enschiede und hend dumplings und ramen nuddle gesse. Wir hend de marion ihre geburztag na gfiired, au wenns zwei mönet zpaat isch. Das hemmer scho am afang vo eusere reis in indie wellä mache, hends aber echli verpasst 😅😅. Mir hend mit Daiquiris uf ihre 25. Geburztag agstossä, und das zum 9 jahr in folge 😉.もっと詳しく

    翻訳をご覧ください
  • Borboas trip
    Truurig bim Tschüss-Säge

    Byebye India 😪😁

    2024年2月13日, インド ⋅ ☀️ 31 °C

    E chli wehmütig simer hüt Morge verwachet, wills euse letschti Tag vo Indie und au de letschti Tag z Dritte isch. Die 6 Wuche Indie sind wahnsinnig grast und mir händ soooo viel erläbt und gse. Vorallem au all die fründliche, lustige und extrem nette Mänsche wo mer händ derfe begägne, hend eusi Ziit einmalig und unvergässlich gmacht.

    Und was macht mer ächt a somene letschte Tag in Indie?

    Genau, mer gat dänk i ne Mall😂
    D Marion und Jeannine sind chli in en Shoppingruusch gfalle und sind sehr am hoffe, dass den am Abig alles i eusi Rückseck passet.
    I dere Mall hets au no es Imax Kino gha, wo mer no de Film Dune gluegt händ. Nei, dass isch kein Bollywood Film gsi, d Jeannine het die andere zwei nöd no me demit wele strapaziere😂😂😂 und de Film isch uf Englisch, was es unschlagbars Argument für de Film gsi isch😅
    Im Kino isch es isschalt und extrem luut gsi😂 während em Film hämer eus müsse aschreie und sind biz taub den usem Kino use gloffe.

    Em Adi und de Jeannine ihri Plän hend sich biz gänderet. Sie währed uf Equador und den uft Galapagosinsle gfloge. Leider leider brodlets ja in Euador rächt, warum mir eus mit schwerem Herze gäge die Destination händ müsse entscheide. Defür hämer ez en super Plan, uf de mir eus wahnsinnig freued. Mir flüüget hüt Nacht uf MEXIKO! und zerst gömer für drü Wuche ine spanisch Sprachschuel!🥳 Wie seit mer so schön, Reise bhalted eim flexibel😂

    Fürt Marion gats au hüt Nacht witer uf Sri Lanka. Wer ihrne Abentür wet folge, da wär de Link für ihre Blogg:

    https://www.polarsteps.com/MarionFluck/9913304-…

    Nach em erfolgriche Packe hämer natürli nomal es skipbo müsse spiele😎 mit em uber hämer den die letscht fahrt in Indie an Flughafe gha. Uff aso de Fahrstyl vo da werdemer definitiv nöd vermisse🙈😅
    De Adi und d Jeannine händ an Terminal 2 müsse und bi de Marion ischs nöd ganz klar gsi. De Uberfahrer het gmeint au T2 aber Google het T1 gmeint. Natürli hämer d Marion nöd alleine an T1 wele ga la und sind mit. Es het sich aber den usegstellt, dass sie au an T2 muss. Mit emene Shuttlebus hämers den alli zäme au no an T2 gschafft💪da mir um genau die glich Ziit gfloge sind, was doch en riise Zuefall gsi isch, vorallem will de Adi und d Jeannine ihre Flug no händ müsse verschiebe und eifach vo globetrotter buecht worde isch, hämer zäme chöne warte.

    Und den isch den scho bald de Momänt vom Tschüss säge cho. Mir sind all zäme scho chli truurig gsi und händ eus mit enere riisige Umarmig und unheimlich vielne schöne und verbindende Momänt im Rucksack verabschiedet.    もっと詳しく

    翻訳をご覧ください
  • Borboas trip
    De langersehnti Salat😅Tacos de GabiRicissimooo🤤🤤🤤

    Am flüüüügee✈️

    2024年2月14日, ドイツ ⋅ ☁️ 10 °C

    Euse ersti Flug isch vo Bangalore nach Frankfurt gange und het 10h duret. Da für eus 4 am Morge gsi isch, hämer i dem Flug viel gschlafe und Film glueget. S Ässe hämer beidi verschlafe, sodass mer eus den uf die zweiti Mahlziit vor em Lande gfreut hend😁 mir händ I de Mitti, wos 4 Plätz het die zwei Sotz I de Mitti gha, nöd grad blendend gsi, aber eini vo de Site het de Platz gwächslet, so hämer den glich chli meh Platz gha😁

    In Frankfurt acho simer zerst chli go umelaufe und händ den en Salat gässe. Da in Indie und den au in Mexiko "Salat ässe" mit emene grosse Risiko verbunde isch, het sich d Jeannine scho lang seehr uf de Salat im Frankfurt gfreut😂

    Scho gli isch den de nögsti Flug uf Mexico City los gange, wo 12.5 Stunde duret het. Und wieder simer I de Mitti vo de 4 Sitz ghoket und damals het niemert de Platz gwächslet. Näbem Adi isch ganz e jungi Französin ghoket, zu ihre nachher no meh😅
    Näbet de Jeannine en dütsche Herr und hinedra es jungs italienischs Päärli. Wo d Jeannine den ihre Sitz bizli nach hindere da het, sind die Italiener halbe duredreit und hend mega blöd ta. Die Italiennerin hinter ihre, het den agfange ihri Knü und bei in Sitz drucke und het immer wieder in Sitz gingget. Wo mir ihre den gseit hend, sie söll doch ufhöre, hets nöd viel bracht. D Jeannisch isch den wüki u müed gsi und het den ihre Sitz nomal chli abe ta. Die hinder ihre gent den so fest in Sitz druckt, dass es ihr wieder ufgstellt het. Den isches eus wüki z dumm worde und mir hend de Flight Attendend grüeft, wo ihre den de Tarif dure ge het. Was für es blödi *****🤷‍♀️🤦‍♀️😅.

    Abgesehen vo dene isch de Flug ganz get gsi, eifach mängmal doch ganz holprig🙈 d Hand vom Adi isch zwüschet dure scho rächt vo de Jeannine verdruckt worde😂

    Ez zu dere Französin. Bim Lande simer den mit ihre is Gspräch cho, naja weniger es Gspröch, meh is Gestikuliere. Sie het praktisch kei Wort Englisch oder Spanisch gredet und mir hend eusi letschte Brocke Französisch versuecht fürezhole. Sie het den verzellt, dass sie zerst mal allei unterwegs isch und zerst mal in Mexiko. Sie hegi in Mexico City es Auto gmietet und weli mit dem an Strand fahre. Dezue muss mer säge, dass mir öpe am 9i am Abig glandet sind und de Flughafe vo Mexico City, speziell I de Nacht, nöd ganz so sicher isch und mer wüki ufpasse muss. Mir händ scho im Vorus bi oisem Hotel en Fahrer bstellt. Uf jede Fall isch die arm Französin völlig verlohre am Flughafe gsi und het nöd gwüsst, wo sie ihres Auto herbechunnt🙈
    Sie het eus wüki leid ta und mir händ sie so nöd alleine chönne la. Drum hämer sie mit eusem Fahrer mitgno und zu ihrem Autoverleih gfahre, wo guet 10min duret het!!!! Es isch mir es Rätsel, wie sie das suscht hätti sölle schaffe🫣🤷‍♀️

    Wo mer den äntlich nach x Stunde Reise im Hotel acho sind, simer bi de Gabi no es paar Tacos go ässe😁😁 jaammiii    もっと詳しく

    翻訳をご覧ください
  • Borboas trip
    Avage, Tequila pflanze
    Kei döner, taco al pastor. Wer hets erfunde? Die mexikaner 😂😂

    Sunne und Mond Pyramide Mexiko Stadt

    2024年2月15日, メキシコ ⋅ ☁️ 25 °C

    Nach es paar stunde schlaf isch euse tag nach mexikanerscher ziit früeh los gange. Das isch keis problem für eus gsie, will eusi inneri uhr immer na nach de indische ziit ticked het😂😂. Indie isch mexiko 11.5 stunde vorus. Für eus isch also am morge in mexiko scho abig gsie 🤷🤷.

    Mir hend eus bedi uf en mexikanische zmorgä gfreut am hotel büffe. Es het chilaquiles ka, verhacki tortillias innere salsa, wo mer eus beidi druff gstürtz hend 😁😁. Am Adrian isch nach em erste biss klar worde, ups das sind kei chilaquiles, sondern chicharron 😅😅. Das isch bratnigi oder fritierti schweinehuut, buuchweh ahoi. Wo t jeannine probiert het, het sie au nöd grad vo begeisterig giubled.
    Chilaquiles sind nabed em chicharron gsie, zum selber mische, dios mio 😅😅.

    Uf eusem usfluug hemmer na einiges über Tequila und Mezcal glärnt. En bsuch binnere distillerie isch im priis mit debi😅😅. Au hets es lädeli ka mit ganz ville figure, im mexikanische stiel, wos us stei mached.

    Teotihuacan, wie die ehemaligi Aztekä stadt heisst wo die pyraminde stönd, hanged direkt mit de vorfahre vo mexiko zemme. E prophezeiig zu de ziit vo de Aztekä isch gsie, dass sie detä wo en adler ufeme kaktuts e schlange frisst ihri hauptstadt sölled errichte. Genau das findet mer ja i de mitti vo de mexikanische flagge. T azetkä heged aber Teotihucan nöd baut, sonder leer gfunde und gmeit die stadt segi für sie vo de götter baut worde. En andere indianer stamm hegi die stadt baut und wieder verlaa, will sie für die ziit zu vill bewohner ha heget und nöd gnueg nahrig und wasser für alli gha hend. Teotihucan isch vor rund 2000 jahre erbaut worde. E grossi pyramide isch de sunne gwitmed und e chlinneri am mond.
    Uf em usflug hemmer zwei neui kollegä gfunde, eine vo Monterrey und en guatamaltese.

    Nach de pyramide simmer na ganz e wichtigi chile für t mexikaner go aluege, wo anschienend t Maria Guadalupe persöndlich amene mönch erschiene isch und ihri erschienig hegi sich grad i sinni robe ibrennt. Mer chan die "robbe" aluege wo wie es bild igramet isch 😅😅.

    Mir sind am abig no paar tacitos go esse und tod müed is bett keis 🌮🌮. Vivia mexico🇲🇽🇲🇽    もっと詳しく

    翻訳をご覧ください
  • Borboas trip
    1

    Mexiko Stadt Tag 2

    2024年2月16日, メキシコ ⋅ ☁️ 23 °C

    Hüt hemmer en usflig is antropologische museum vo mexiko gmacht. Mer findet detä die ganzi gschicht vo de indianer wo in mexiko glebt hend oder na lebed. Es mega guets museam wemmer in mexiko stadt isch. Mir hend chöne e gratis tour miteme guid nä 🙂.

    Mit echli hunger hemmer eus en elote (en maischolbä) und es paar frücht organisiert. Wärend eusem zmittag hemmer grad na chönd un Danza de los Voladores luege. Das isch e tranditionelli vorfüehig vomeme indianerstamm, wo 4 männer, gsichteret miteme seil um de buch, langsam vo rund 30 meter im chreis abelönd.

    Im aschluss simmer nachli imene park i de nöchi vom antropologische muesum go umelaufe und gege de abig zrugg is historische zentrum, wo au euses hotel isch.    もっと詳しく

    翻訳をご覧ください
  • Borboas trip
    Euses Apartment😍
    Obligatorischi Bienvenido-Tacos

    Puerto Escondido

    2024年2月17日, メキシコ ⋅ ☁️ 30 °C

    Hüt gats witer nach Puerto Escondido, es Städtli grad am Meer. Ab Übermorn startemer dete en Spanisch Kurs für die nögste 3 Wuche. I de letschte 4 1/2 Mönet simer doch scho sehr ume cho und sind sälte länger als es paar Täg a eim Ort gsi. Drum freuemer eus ez wahnsinnig, 3 Wuche emal a eim Ort zbliibe.

    Zerst simmer mit em Flugi uf Oaxaca gfloge und hend den dete de Bus gno für as Meer. Die ganz Reis het den doch de ganz Tag in Aspruch gno und sind den sehr froh gsi, wo mer I eusem Apartment acho sind. Zum Znacht hets natürli wieder es paar Tacos ge, aber dasmal mit Pescado, aso Fisch    もっと詳しく

    翻訳をご覧ください
  • Borboas trip
    Enmoladas

    Ersti Tag in Puerto Escondido

    2024年2月18日, メキシコ ⋅ ☀️ 29 °C

    Am Morge simer an Mercato de Zicadela. Dete hets diversi Restaurant mit traditionellem Ässe und emene u schöne Usblick. Da hämer natürli Enmolados müsse probiere. Das sind Tortillas gsi mit Molesauce. Die Sause isch us Chillis, Gwürz und Cacao, super lecker🤤🤤🤤
    Nach dem super Zmorge simer an Strand Principal und hend dete chillt, bädelet und e Ananas mit Chillisause gässe.
    Gäg de spöter Namittag het sich de Adi nüme so guet gfühlt und sind den hei. Da s ihm immer weniger guet gange isch, simer dihei blibe und händ eus, nach über 4 Mönet, wieder emal öpis kochet.    もっと詳しく

    翻訳をご覧ください
  • Borboas trip
    De SchuelwegD Ussicht vom KlassezimmerCafe de ollaDe Adi I de Schuel11

    Ersti Schuelwuche

    2024年2月19日, メキシコ ⋅ ☀️ 29 °C

    19.2-23.2

    Da s am Adi leider nöd guet gange isch, isch d Jeannine am Mäntig alleige it Schuel.
    D Klass het I de Regel 2 SchüelerInne und ein LehrerIn. Mir händ 2x 2h pro Tag buecht. D Jeannine isch mit emene ältere Engländer I de Klass gsi, wo chum es Wort usebracht het. Am Mittwuch het den die eint Lehrerin gmeint, ich sölli doch D Klass wechsle, wasi den ab em Do han chönne mache.
    De Adi het den am Mittwuch de ersti Schueltag gha. Er isch mit enere ältere Inderin us England I de Klass, wo e rächti Besserwüsserin isch🙈
    Nach de Schuel hämer nöd viel gmacht, sind vorallem i eusem Apartment gsi, in Pool dete ghüpft und händ den öpis chlises kochet.
    Am Do hämer en Roller gmieted, dass mer chli flexibler sind. Am Abig hämer den u Lust uf mexikanisch gha und sind ine chlini Taqueria am Strasserand. D Jeannine het leider es chlises Steindli im Ässe gha und het voll druf bisse. Debi isch en Teil vo ihrem Zah abbroche🤪🫣
    Es schiint zum Glück nöd so schlimm zsi, da sie kei Schmerze oder öpis het🤞🤞🤞.

    Am Fritig Abig simer de Sunneuntergang am Strand go luege. Wunderschöööön😍    もっと詳しく

    翻訳をご覧ください
  • 2025© FindPenguins
  • ホーム
  • 当社について
  • グループ追跡
  • プレス
  • 規約
  • プライバシー & Cookies
  • ヘルプセンター
  • 印象