Tag 4 in SF

Ich bin hüt mitem Boot uf d‘Gfängnisinsle Alcatraz gfahre. Es hed sehr vill Lüt gha. Im Gfängnis inne hed mer chönne en Rundgang mit Chopfhörer mache. Mer hed sogar no echti Tonufnahme vo damals ghört.
Scho ihdrücklich!
1962 händ 3 Häftling d‘Flucht ergriffe, dures Loch im Belüftigsschacht wos mit Essbsteck sälber grabe händ, will d‘Wand brüchig gsii isch dur d‘Füechtigkeit und s‘Salz.
Innerhalb vo 2 Jahr händs sich das Loch freibuddlet, wos dänn schliesslich über s‘Dach gflüchtet sind und miteme sälbergmachte Gummiboot us Rägemäntel und Liim ufs Meer sind ….
Schlau sinds gsi, dass d‘Flucht ned sofort ufgfalle isch händs de auno Chöpf us Seife, Wulle und Mänschehaar härgstellt und under d‘Decki gleit, demit mer meint sie schlafed!
S‘Verschwinde isch drum ersch am nächste Morge festgstellt worde und mer hed die 3 Häftling nie meh gfunde…. Öb sie vertrunke sind oder ame andere Ort untertaucht sind isch bis hüt es Gheimnis.
San Francisco, ich wird dich fürimmer vermisse !! Aber ich chume wieder. ❤️🌉🦭Read more