Gili meno

Hüt isch eh coole tag gsi.🤩 Wieder 2 tauchgäng inklusiv poolsession vor jedem tauchgäng. Hüt hanni d rolle voneme instruktorassistänt chönne überneh und es het eigentlich no zimli spass gmacht au wenns usefordernd gsi isch. Highlight vom tag: ich ha mis erste freiläbende seepfärdli gseh🥳🙈. Im erste tauchgang hämmr usnahmswiis au mol eh paar hawksbill schildchrotte gseh anstatt nur grüeni meeresschildchrote und das isch scho zimli cool will die vom usstärbe bedroht sin. Neui Bekanntschafte hets au hüt wieder geh, und zwar hanni mi nachem tauche no mit mine "lehrling" us wales an de bar ufe bier troffe pünktlich zum sunneuntergang. Denoch simmr denn natürlich no öbbis feins go znachtässe zämme, isch eh zimli lustige obe gsi. Zum ässse hets hüt zum zmittag eh gado gado (gmües mit tempe, ei und ärdnusssauce dezue riis und krupuk(shrimpschips)) geh und zum znacht wieder mol eh olah-olah ayam(ich glaub in das hanni mi verliebt😋). Da ich usnahmswiis mol nit elläi gässe ha hets hüt mol eh dessert geh zum teile und zwar kolak(banane und palmfrücht in kokosmilch gchocht mit worschinli nit wenig palmzucker). Morn gits denn ändlich mol mis Tarierigstraining womr siit 2 täg am verschiebe sin, bi gspannt... das wird sichr usefordernd und sträng.Læs mere