Nulstil søgning
Bangkok-Kuta
  • Jana Diggelmann
  • Jana Diggelmann

Bangkok-Kuta

Et 41-dags eventyr af Jana Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • Jana DiggelmannBangkok-KutaRejsende

    National Firtig in Medan

    17. august 2017, Java Sea ⋅ 🌧 18 °C

    Hüt morge hend mer treffpunkt am 9ni i de Lobby gha. Üses gepck hend mer i üses Büssli chene tue. Den sind mer zerst no eppe 2 Stund in Medan umegloffe. Hüt isch de Nationalfirtig gsi bi ihne. Zerst sind mer eh mosche go ahluege det het eus eine viel drübert verzellt und mir fraue hend sogar es kopftuech müse ahlegge. Nach dem sind mer wittergloffe an en Ort wos eh schuel gha het und no anderi sachene. Sie gsend det so wenig wissi mensche das alli immer hend welle bilder mit eus mache. Ich und de Jacob sind am meiste drundert cho. Mer sind chum meh witer cho. Aber die Chind sind soo herzlich gsi. Nachher sind mer in es Huus ine wos es paar Tradtione gmacht hend . Det hend den au wieder alli welle Fotis mache mit eus sogar die erwachsne.Læs mere

    Se oversættelse
  • Jana DiggelmannBangkok-KutaRejsende

    Ab in Jungel

    17. august 2017, Java Sea ⋅ 🌧 18 °C

    Nach dem Programm am morge sind mer mit em Büsli 4h in Jungel gfahre. Mer hend sehr holprigi Strasse gha. Aber nach dene 4h sind mer eidütig im Paradies ahcho! Mer sind imene chline dörfli ahcho und den hets gheisse mer müsed nochli laufe zu eusem Hotel. Euses Hotel isch wirklich zmits im Nüt usse gsi. Mer sind mitere hengebruck sogar no über en Fluss gloffe. Ich und d Emily hend euses eigete Hüsli becho. Es isch sehr sehr schön gsi. Den die wo hend welle hend mit eim mittchene fum Hotel in Fluss abe. De Fluss het eh recht starchi strömig gha aber mer sind den glich uf die ander site gschwumme. Wil dete hets eh Warmwasser quelle gha und s wasser isch würklich sehr heiss gsi. Nach dere Quelle hets au no en felse gha wo mer hend chene inegumpe. Es het sehr viel spass gmacht! Den sind mer no witergloffe und mer sind zumene Wasserfall. Die Landschaft isch eifach traumhaft gsi! Den sind mer zrugg und hend chene Znacht esse. I han Friedrice mit Pineapple gha und i han mitderfe mini eigeti Annanas go Hole. Ich han no nie so gueti Annanas gha wie dah! Nach em Znacht sind mer nochli sitzeblibe sie hend chli Music für usgspielt nd de bunji het den irgend wen au ahfange mitspiele. Den de jüngst fu dene het den nochli ahfange mit eus Chartespieli z spiele nd Eus Zaubertricks z zeige.Læs mere

    Se oversættelse
  • Jana DiggelmannBangkok-KutaRejsende

    Erkundung des Jungels

    18. august 2017, Indonesien ⋅ 🌬 32 °C

    Hüt morge wo mer ufgstande sind hend i und d emily scho mol euse ersti schrek gha. Mir hend es neus hustier becho. I eusem Zimmer isch en Skorpion gsi. Zum glück isch en den eine fu de Ahgstellte go usehole zerst het er zwar mit eus chli gwitzlet aber er het das nachher den supper gmacht. Nach dem schrek sind mer den go zmorge esse und nachher hend die wo hend welle mit de Bewohner in Fluss abe derfe. Mir hend zerst no es stückli müse laufe und den hend mer durab chene es isch det scho alles sehr schlipfrig gsi aber mir het das mega spass gmacht. Den sind mer mit de Reife de Fluss durab das isch soo richtig lustig gsi und het mega mega spass gmacht mir hend soo eh schöni landschaft ghaa und Plötzlich hend mer uf de eine site no 2 Elephante gsee. Ich han das so wunderschön gfunde. Den hend mer en halt gmacht zum an en Wasserfall z gah det hi sind mer eppe 15 min gloffe dur bächli dur gstrüpp eifach dur alles.. Einist hend mer chli obe abe müse und det het eus eine ghulfe und er het mer gseit i selli uf de steke stah deh segi supper ich han natürli denkt i nime en zwüscheschritt bin usgrutscht und voll is flache bächli abeghait er het mi welle hebe und isch au grad dri ghait. Es isch nid die aller weichsti landig gsi wils alles stei gha het. I glaube dah gut morn eh paar blaui Flecke... Am wasserfall hend mer den Zmittag gesse. Mer hend zerst chene zum wasserfall schwümme und det au go dundert stah nachher hends für üs alli eh krone gmacht miteme Blüemli es het mega herzig usgsee au s esse hends mega schön paratgmacht gha. Nach em esse sind mer wieder zrug gloffe. De weg isch scho mega schlipfrig und mantschig gsi ab und zue aber es isch lustig gsi. Wo mer wieder zrug gsi sind hend mer nomol wieter durab chene mit em Reife den isch de zu mir cho wo au is wasser gheit isch go fröge ob alles okei segi den hani gfragt ja und bi im den het er mir chli verzellt gha das dah gar nid soo gförli segi er hegi sich scho de ganz arm und s bei und weis gott ned no was alles broche bim Töff fahre. Er isch den amigs Plötzli sehr gern bi mir gai und het immer chli mit mir gredet. I glaube i han fast chli en neue Koleg gfunde. :D Den wo mer am endi gsi sind hends eus mit de Chips abgholt und zrug zum hotel bracht. Dete hend mer genau 20min zit gha zum z Packe verabschide und z dusche. Den sind mer witer mit de Chips nach Buckit Lawang. Mir sind eppe 3h sehr holprigi weg gfahre und es het mega gsteupt gha. Wo mer det ahcho sind hets zerst mol mega mega gregnet. Den sind mer nur no go znacht esse und nachher ab is Bett. Ich han no nie soo es luts gwitter ghört wie diie nacht!Læs mere

    Se oversættelse
  • Jana DiggelmannBangkok-KutaRejsende

    Jungel traking & stadt besichtigung

    19. august 2017, Indonesien ⋅ ⛅ 32 °C

    Hüt sind mer am morge früeh ufgstand für as Jungeltraking z gah. Wils hüt nacht so fest gregnet het isch alles mega mega rutschig und schlammig gsi. Es het es paar fu eusere gruppe immer mol wieder umgno. Aber mer sind belont worde mer hend zwar meh als 3h müse laufe s ganze traking aber mer hend defür insgesamt eppe 5 Orangutans gse. Am mittag sind i und d miri in eh lotsch go zmittag esse det isch es mega schön gsi. Es het gmüetlichi sitz gha zum sitze und au hängematte nd alles. Am namitag hend mir zwe welle d stadt go ahluege dah hend mer den au gmacht. De Bunji het für eus eine organisiert wo mit eus es paar sache go ahluege chunt nd er isch mit eme tuktuk cho. De platz het genau für eus zwei glanget. Es isch sehr spannend gsi er isch mit eus d risfälder go ahluege den hend mer lüt gse wos ris bearbeitet und det han ich sogar derfe go mitthelfe. den hend mer no gse wies Tofu mached, Rohe Zucker, mir hend gse wie Latex us de bäum usechunt und mer hend au no derfe eh früschi kokosnuss go trinke. Für üs zwe isch das en sehr erlebnisriche namitag gsi. Am abig hend mer eus den wieder troffe zum znacht esse und nach em Znacht bin den i scho is bett wili müed gsi bin.Læs mere

    Se oversættelse
  • Jana DiggelmannBangkok-KutaRejsende

    Reise nach Berastagi

    20. august 2017, Indonesien ⋅ ⛅ 17 °C

    Hüt sind mer mit em Bus nach Berastagi gange und mer hend wieder praktisch de ganz tag im Bus verbracht. Berastagi isch im Berg obe darum wirds wieder eh bitzeli chälter und es isch au wieder eh sehr kurfigi fahrt gsi. Ich hans no supper gfunde underwegs sind mer wieder en Tempel go besichtige. Eigentlich derft mer i de nid ine als Tourist aber wil mir "wissi Mensche" sind hends eus inegno. Es isch en sehr schöne und au en riesige Tempel gsi. Au dah hend wieder mega viel lüt mit eus welle Fotis mache.. Nach dem ufenthalt sind mer den witer gfahre. Wo mer entli in Berastagi ahcho sind hend mer en halt gmacht bim Markt. Dete het de Bunji für eus verschideni Frücht postet zum probiere. Die eine sind supper gsi und die andere hetti besser nid gesse. Leider hend mer au mega viel jungi tier ihgspert i chline chefige mitenand gse. Nachher sind mer den no is Hotel ufe. Jede het wieder wie sis eigete Hüsli gha was sehr schön gsi isch. Es isch würkli chli chelter gsi. Den hend mer nochli ziit gha zum Relaxe und nachher hend mer eus zum znacht troffe. Es isch mega lustig gsi üse chellner het dütsch chöne de het emole doktor in Dütschland studiert. Er het gseit er vermissis grad wieder wen er mit eus so dütsch chengi rede. Den sind mer aber au scho go schlafe wil mer Morn früeh uf müend.Læs mere

    Se oversættelse
  • Jana DiggelmannBangkok-KutaRejsende

    Vulkann Climbing

    21. august 2017, Indonesien ⋅ ☀️ 28 °C

    Hüt hend mer müse am 6.30 parat sie also natürli nur die wo hend wele. Mir sind de Vulkan go bechletter. Zerst hend mer no eppis chlises gesse und den sind mer scho los mit de chline Büsli. Une am Vulkan het er eus uselah de rest hend mer natürli müse laufe. Hüt morge hani au no en Muggestich gha wo sehr enzündet gsi isch nd mer sind eus nid ganz sicher gsi obi nid no zum artzt setti. Ich bin den glich mit a üse usflug und han denkt luege nachher witer. Mir sind den eppe 2 1/2h durufgloffe und recht steil und nur im geröll. Es isch sehr schön gsi det ufezlaufe wil mer au so viel gse het aber ich bin no recht is schwitze cho. Fu dobe het mer über de ganz krater gse leider isch es chli neblig gsi sust heg mer au no die ganz stadt gse aber für üs hets glanget dah wo mer gse hend es isch sehr sehr schön gsi. Den hend mer natürlich das ganze au wieder durab müse. Durab isch es recht müesam gsi für d glenk und au no recht rutschig. Wo mer den dune gsi sind hend eus die chline Büsli no zu de heisswasser quelen bracht. S wasser isch i de eine Bäder würkli so richtig heiss gsi. Nachher sind mer den wieder zrug is Hotel. Uf em haiweg hend mer sogar mal wieder en Aff gse.Die meiste sind den go schlafe. Ich und d Miriam sind den aber is Dörfli abegange het hi hend mer nomol eppe 30 Min müse laufe und det sind mer den eif chli dur de Mert duregloffe. Fu ihre hani no es Abtiallergikum übercho (Sie isch eh MPA und het es Bild ihrem artzt gschikt zum nahfrage) So hend mer zum glück das ganze in griff becho ohni zum artzt z gah. Den hend mer eus wieder uf de haiweg gmacht gha wil scho abig gsi isch. Den hets plötzli ahfah Tröpfle und wie das dah amigs so isch isch den au zimli Rasch grad en zimliche Platzt rege cho. Wo mir zrug im Hotel gsi sind sind mer Pflutsch Nass gsi. Den sind mer wieder alli Mitenand go esse. Wo mer zrug im Hotel gsi sind sind mer alli zeme i eis Zimmer und hend ahfabg Karte spieli spiele. De abig isch mega lustig gsi aber recht spaht worde...Læs mere

    Se oversættelse
  • Jana DiggelmannBangkok-KutaRejsende

    Fahrt nach Samosir

    22. august 2017, Indonesien ⋅ ⛅ 29 °C

    Hüt sind mer mit em Bus nach Samosir gfahre wil das eh insle isch im gröste Kratersee fu de Welt hend mer de letschti teil no miteme Boot müse mache. Mer sind wieder ehher lang gfahre aber mer hend no es paar halt gmacht. Zerst sind mer bimene riesige Wasserfall ghaltet und det hend mer au scho s erste mol uf de See gse. Den sind mer wieder gfahre und hend no en Autoumfall Baue mer hend nid wirkli gse was passiert isch üs sind au d Fohrhäng Zoge worde. Eus allne isch nix passiert und üse Bus het eifach eh ihbrochnigi schibe. Den sind mer zumene dörfli fu de Batak gfahre das sind ihwohner fu frühner. Det hend mer chene d Hüsli besichtige und au ihne ga go luege wie die so glebt hend. Den sind mer wieder witergfahre und sind den am Hafe go zmittag esse. Nachher sind mer den mit em Boot uf üses inseli. Wo mer det gsi sind hend mer eus umzoge und sind no go bade gange. Am abig hend mer den sogar au no en wunderschöne sunneuntergang gha. Den sind mer no go esse und die wo hend welle nachher no in es pub. Dete hend mer au wieder chli chartespieli gspielt und es het no live music geh aber mer hend eppe 3 Mol strom usfall gha. Isch en Lustige abig gsi.Læs mere

    Se oversættelse
  • Jana DiggelmannBangkok-KutaRejsende

    Tag in Samosir

    23. august 2017, Indonesien ⋅ 🌙 26 °C

    Hüt het jede sind Tag chene für sich gstalte. Ich und d Miriam sind chli um d Insle gloffe und sind den irgend wen zumene Restaurant cho wo anere Dütsche ghört het. Det hets sogar au no en Pool gha. Mir hend de derfe benütze es isch det mega schön gsi. Chli spöter hend mer det au zmittag gesse und es isch mega guet gsi. Nachher sind mer nomol chli go Bädele und hend eifach mol s Relaxe gnosse. Am spötere Namitag sind mer den retturgloffe und natürlich immer chli de Lädeli entlang. Mega viel fu dene bewohner tünd Schnitze und bi dene Sache hend mer au nochli zueluege derfe. Mir hend em Punji verzellt das mir a dem Ort so guet gesse hend also sind mir am Abig grad nomol dethi go esse. Es isch nomol supper gsi. Am abig bini den nachher go schlafe wil mer morn wieder recht früeh uf münd wil mer wieder witerfahred.Læs mere

    Se oversættelse
  • Jana DiggelmannBangkok-KutaRejsende

    Fahrt nach Padang Sidempuan

    24. august 2017, Indonesien ⋅ 🌬 33 °C

    Hüt sind mer wieder an negste ort gfahre. Mer het zerst wieder mit de Fähre zrug ufs Land müse das mer nachher wieder witer hend chene. Hüt fahred mer eigentlich de ganz Tag nur dur tünd neumeds übernachte und morn fahred mer au praktisch de ganz Tag dure. Mir hend ca 9h Fahrt ziit hüt. Währetem fahre sind mer no es paar sache go ahluege wie z.B. Riesfälder, Annanas Felder det hend mer sogar derfe Annanas probiere. Den sind mer no wieder zumene Garte wo sie eus verschideni sache zeigt het mer hend Ingwer gse, wie erdnüssli wachsed, Zimtbäum, eif fast alles. Den sind mer wietergfahre. Mer hend den en churze halt gmacht fürs Mittag esse und sind den nachher au scho wieder witer. Am Nammitag sind mer no an en mert gange wo mer sehr viel Fisch gmüess und alles mögliche gse hend... Den sind mer wieder witergfahre. Am abig sind mer den richtig kapput im Hotel ahcho und hend gsee das mer nid würkli s suberste hotel becho hend. Mir sind den au im Hotel go esse wils rundume nid wirkli eppis anders gha het. Ich han irgend was ihheimschises gno und han gseit gha bitte nöd so scharf aber die hend mich falsch verstande gha... Ich han soo richtigs scharfs z esse becho sogar üse Guid wo immer mega scharf Isst het gseit Es segi recht scharf.. Naja i has den ned würkli gesse wil es het au nid so appettilich usegse...
    Nachher sind mer go schlafe das mer am negste tag witerfahre chend.    Læs mere

    Se oversættelse
  • Jana DiggelmannBangkok-KutaRejsende

    Fahrt nach Bukitinggi

    25. august 2017, Indonesien ⋅ ☀️ 14 °C

    Hüt sind mer eigentlich de ganz tag qieder nur gfahre. Mer hend eimol ghalte für zum Zmittag esse und am Nammitag hend mer no eimol ghalt für zum de Equator überquere. Mer sind dete usgstige das mer alli hen chene drübert laufe. Am schluss wo mer wieder im Bus gsi sind het jede es Zertifikat becho mit sim Name druf. Den aind mer wieder Witergfahre. Am abig sind mer den ahcho und sind grad go ihcheke. Nachher sind mer no go esse und mer hend so imene pub westernfood gesse. Nach em Esse hend d Mriam nd ich üs zemme no en riesige pancack gönnt de isch supper gsi abr richtig süessLæs mere

    Se oversættelse
  • Jana DiggelmannBangkok-KutaRejsende

    Tag in Bukitinggi

    26. august 2017, Indonesien ⋅ ☀️ 15 °C

    Jede het sin Tag derfe selber so gestalte wie er het welle. Ich d Miriam de Roger und de Jacob sind zerst emole in es anders Hotel an Pool gange zum d Sunne nochli gnüsse. So um die 2 ume sind ich und d Miriam den gange wil mir zwei no an Mert hend welle. Chum sind mer im Hotel parat gsi zum z go hets so richtig ahfange schütte. Es isch richtig viel Wasser obeabe cho und richtig grossi Tropfe. Aber bi eus zwei isch das ja feng normal, wenn mir zwei an en Mert wend. Mir sind den d Regejagge go hole und sind den glich gange. Mir beidi hend kurzi Hose ahgha und hend den im nachhinein gmerkt das dah nid so die best idee gsi isch. Chum simmer am mert gsi hend mer gmerkt mir sind praktisch die einzige touriste. De grösti teil isch au Muslimisch... Das heisst die fraue hend die ganz ziit amigs uf euse Bai gluegt und zeigt und gruefe. Die eint het eus zwei sogar welle ihkleide. Aber janu mer sind den glich dur de ganzi mert duregloffe. Nachher sind mer den zrug go Dusche und den hend mer eus au scho für de Znacht troffe. Nach em znacht sind die wo hend welle no in es Theater gange. Ich bin au mitt gange, es isch no recht spannend gsi aber fast echli lang.Læs mere

    Se oversættelse
  • Jana DiggelmannBangkok-KutaRejsende

    Fahrt nach Padang

    27. august 2017, Indonesien ⋅ 🌬 33 °C

    Nach ere ganze e schlechte nacht (magedarm..) fahred mer au scho witer uf Padang.Am morge sind mer no in es chlises döfli wos all die alte hüsli no hend. Det hend mer inedörfe und hend au no eh führug gha. Zwei fu eusere Gruppe hend au no so Traditionelli kleider derfe ahlegge. Es het supper usgse gha. Mer sind den witer und imene Ikaufszentrum go zmittag esse. Aber i ha gar nöd chene esse wil mer so schlecht gsi isch. Am Nammitag sind mer den scho im Hotel gsi die meiste sind an Pool aber i bin im Zimmer blibe zum nochli z Schlafe. Am abig bini den no de Sunneuntergang go ahluege und für de Znacht isch d Miriam mit mir im Hotel une eppis go esse. Aber i ha au det ned würkli eppis chene esse.Læs mere

    Se oversættelse
  • Jana DiggelmannBangkok-KutaRejsende

    Padang Islands

    28. august 2017, Indonesien ⋅ ⛅ 28 °C

    Hüt morge isch mer wieder recht schlecht gange.Aber ich han umbedingt uf d Insle fu Padang mit wölle wil die müssed wunderschön sie. Also bini mit gange wil ich nüt han welle verpasse. Mer sind zerst mit em Bus zum Hafe und den miteme chline schiffli use uf d Insle. Die fahrt isch eppe 40 Minute gange. S wetter isch dah scho nid so schön gsi es het die ganz ziit chli gregnet. Wo mer det gsi sind sind ich und d Miriam zerst go muschle sueche. Plötzlich isch eine fu eusne fahrer cho und het eus gseit er wüssi en ort wos ganz viel schöni hegi. Mer sind dur gstrüpper und alles gloffe zum a de ort z cho. Wo mer det gsi sind hets würkli sehr sehr viel schöni gha und au mega grossi. Den sind mer wieder Zrug gange und den isch s wetter au chli Besser worde. Die eine sind chli go schnorchle und die andere eif nur go schwümme. Am nammitag sind mer den no go Banana Boot fahre. Das isch mega lustig gsi. Den hend mer hai welle doch plötzli hets gheisse mer chenged jetzt grad ned hai wil s wetter z schlecht segi. Mir hend gwartet und gwartet abr s wetter isch eifach nid wirklich besser worde. Irgend wen hets emole was ghaisse fu sie bringed es grössers boot zum eus z holle aber das isch den am Schluss irgend wie nid gange. Nach meh als 2h Warte hends plötzli gseit soo alli parat mache imene guete moment gend mer und den sind mer plötzli gange obwohls für niemert fu eus würkli guet usgse het. Chum sind mer chli fu de Insle weg gsi het das ahfange Winde und es het riesigi Wellen gha. Irgend wen sind mer nur no dur die welle duregfloge enne abbebroche und es het eus sitlich amigs fast kippt. Es isch de reinsti horror gsi. S wasser fu de welle hets eifach nur no so inegschüttet gha und euses Böttli het sich langsam ahfange fülle. Es isch kein spass me gsi bi jedere Welle het mer gmeint jetzt kippts. Die welle sind eppe 6 Meter höch gsi. Sogar d Gsichter fu eusne fahrer hend nime guet usgse. Mer sind nur no am schreie gsi am brüelle und am Zittere. Es het gheisse mer müssed jetzt zu sonere Insle und det mached mer mol en halt. Mer sind zum glück den bi dere Insle ahcho aber mer hend alli nur no angst gha und en riese Schok. Es het sigar gheise es hegi no nie eppert sowas erlebt. Bi einere Welle hets eus sogar d Benkli im Böttli durrebroche und det sind mer alli hindere gfloge. Uf dere Insle hend mer fu paar nette lüt Tea becho. und den hets gheise mer müssed nomol witer. Aber niemert het meh witer welle. Sie hend eus gseit gha mer fahred nur no zum land übere und dah segi i de Bucht und dah isch sicher dah setted kai welle meh cho. Also sind mer alli miteme Mulmige gfühl nomol ihgstige. Am Land ahcho hend mer eus zerst alli mol müse beruige. Mer hend alli so gfrohre wil alles eifach nur durchnässt gsi isch sogar eusi rucksäck sind durchnesst gsi. Dete sind mer den mit Cheaps abgholt worde die hend eus den zrug zu eusem Bus bracht. Am abig Zrug im Hotel sind mer den eifach is Hotel go esse wil niemert meh lust gha het zum eppis mache und das isch de abschluss fum 2te tripp gsi den. Alli hend eifach en riese schok gha und sogar de Bunji het gseit gha er hegi richtig angst gha. Verloregange sind FlipFlop, Kapput gange sind 2 Handys und 2 Trolino, und mini Powerpank wegem viele wasser und wil alles nass worde isch und eini het sich de halbi Zah abbroche bi de schufle aber zum Glück gahts eus allne sust so im allgemaine guet. Am abig hani mer überleit wiso dasi ned eifach dihaime blibe bin. Aber janu jetzt hani chli was zum verzelle. Woni im bett glege bin het sich den zerst mol eifach alles nur no hi und her bewegt.Læs mere

    Se oversættelse
  • Jana DiggelmannBangkok-KutaRejsende

    Flug nach Jakarta

    29. august 2017, Indonesien ⋅ 🌙 25 °C

    Hüt sind mer alli zemme ussert öper wo nime witer gaht zeme uf Jakarta gfloge. Es isch wieder supper gsi. Am Flughafe het plötzlich de Bunji sini Ukulele füregno und het chli ahfange spiele. De Tag gester isch bi eus allne no es riese Tema aber langsam chend mer chli drübert witzle, Mir seged immer es isch ja au en YOLO Tripp... In Jakarta acho han ich jetzt s Zimmer mitere dütsche. Si isch supper lieb aber recht speziel. Am Abig hend mer scho s Meeting gha mit de neue lüt. Mer hend jetzt für de letschti teil nomol 3 Lüt dezue becho. Wils mer immer nonig so guet gaht ish de Bunji mit mir id Apithek cho aber die hend eus witer zum Artzt gschikt. (Ich würd mich nie würklich fu dem behandle loh so wies dete usgse het.) Ich han jetzt Antibiotika becho und mue das mol 5 Täg lang neh. Hoffentli gahts mer gli besser. Nach em Znacht hani mi no müse fu de Miriam verabschide leider.. Wil ihre de Tripp nid so passt het sie frühner hai welle aber mer hend gseit mer gsend eus mol i de schwiz.Læs mere

    Se oversættelse
  • Jana DiggelmannBangkok-KutaRejsende

    Fahrt nach Cianjur

    30. august 2017, Indonesien ⋅ 🌧 7 °C

    Hüt sind mer mit em Bus uf Cianjur gfahre und leider gahts mer immer nonig ganz so guet... Am morge hend mer ahghalte binere Teaplantage und es isch wieder mega schön gsi. Mer sind chli d Hügeli duruf gloffe und das isch für mich mega streng gsi wil ich chum meh energie han. Aber ich han dobe den d Ussicht glich gnosse. Den hend mer zu eusem führer no i sis Hus derfe zum dete no Tea z drinke. Ich han fu ihm no so zückerli becho wo mega supper gsi sind wil mer chli schwindlig gsi isch. Den sind mer witer gfahre. Zmittag hend mer amene schöne Ort gesse wo ufeme Berg obe gsi isch und mer hend eh mega ussicht durab gha. Am Namitag sind mer den in Cianjur ahcho und den sind mer zerst no ufs Wasser die stadt go ahluege wo uf em Wasser isch. Es isch unglaublich gsi die hend det eif elektrizität und alles und die lebed dete mit Hünd und Chatzte richtig Faszinierend bi eim Hüsli hend mer hi chene dete hend mer au chöne üsi Füess zu de Fisch ihne hebe und die hend ah eus knäbbertlet aber das chützelet mega! Am Abig sind mer den in es Homestay gange. Es isch mega herzig ihgrichtet gsi und mer hend soo masseschläg gha. Echt mega supper die hend au für üs ihheimisches Esse kochet abr ich han praktisch kai Hunger gha. Mir hend sogar no en Pingpongtisch gha ich han mich sochli gfühlt wie imene skilager oder Klasselager frühner. Am abig hend mer den sogar nochli Kartespieli gspielt es isch mega supper gsi.Læs mere

    Se oversættelse
  • Jana DiggelmannBangkok-KutaRejsende

    Fahrt nach Bandung

    31. august 2017, Indonesien ⋅ ☀️ 11 °C

    Nachere sehr schlechte nacht hend mer s Homestay leider scho wieder müse verlah. Mir sind nach Bandung gfahre. Wo mer in Pandung ahcho sind hend mer zerst d Stadt chli besichtigt mer sind sogar no in es Museum gange und ich han mich sehr schlecht gfühlt gha. Mer sind den no witergloffe und sind zumene Mah gange wo selber Maskene gmacht het und luter serig sache mer hend ihm sogar grad chene zueluege. Es het mega guet usgse. Nachher sind mer zum Glück den is Hotel. Ich han nime viel gmacht gha. Ich bin nur no an Pool go schlafe und am Abig mit go Esse.Læs mere

    Se oversættelse
  • Jana DiggelmannBangkok-KutaRejsende

    Zug fahrt nach Yogyakarta

    1. september 2017, Indonesien ⋅ ☀️ 32 °C

    Hüt morge hend mer müse am 6i ablaufe für uf de zuug und ich mag min schwäre Rucksack chum meh träge wil ich so kai kraft meh han. Aber au das mue jetzt halt gah. Im zug sind mer hüt eppe 8h lang gfahre und zum Glück chan ich soo guet Schlafe wil so gaht au d ziit supper schnell ume. Nebed eus hets einist no en Junge Holländer zeme glitzt wo mer ned so genau weiss was gsi isch aber das isch au grad s einzige spannende gsi. Wo mer in Yogyakarta acho sind i eusem Hotel isch scho relativ viel fu eusem Tag umegsi. Mer hend dennur no d Badekleider ahgleit und sind go Bade. Am abig sind mer amene richtig guete Ort go z Nacht esse es het alles soo richtig guet usgse aber i chan immer no praktisch nüt esse.Læs mere

    Se oversættelse
  • Jana DiggelmannBangkok-KutaRejsende

    Tag in Yogyakarta

    2. september 2017, Indonesien ⋅ 🌙 23 °C

    Hüt hend die wo hend welle d Tempel go Besichtige. Ich bin eine go besichtige und zwar de grösti hindu Tempel fu de Welt. Es isch absolut supper gsi. Aber mer hend meh als 200stege müse duruf und wieder durab laufe. Das isch sehr streng für mi gsi wili sit meh als 1nere wuche praktisch nüt esse chan und au Praktisch nix bi mirphalte chan. Mir hend no en Guid gha wo eus viel sache verzellt het über die verschidene Budas über dene ihri Hand haltig und vieles meh. Mer hend natürlich au wieder sehr viel Föteli müse mache mit de Ihheimische. Und so isch den de Morge scho ume gsi. Am mittag hend sich es paar dezue entschide as gliche Ort wie gester abig go Esse. Wil mir s esse dete so supper gfunde hend. I mage immer nonig so viel esse aber wenschon hani jetzt mol eppis normals zum esse bstellt. Am nammitag bin ich den nochli eleige de lädeli entlang und es het eh hufe wunderschöni sache gha. Nach dem ich wieder zrug gsi bin bini nomol chli an Pool üsi hitzi go gnüsse wo mir momentan hend. Am abig sind mer den mol in es Anders restaurant det hend mer au chene Billard spiele und mer hend den so euse abig nochli usklinge loh.Læs mere

    Se oversættelse
  • Jana DiggelmannBangkok-KutaRejsende

    zweiter Tag in Yogyakarta

    3. september 2017, Indonesien ⋅ 🌙 18 °C

    Wil hüt en sehr heisse Tag gsi isch hend mir eus gester überleit gha was mer mache chented wil mir ned umbedingt so hend welle d stadt go besichtige. Mir ich und de Roge sind den uf cave tubing gstosse. Am schluss isch die ganz gruppe mitcho und de Bunji hets eus no vertig organisiert. Zerst sind mer mit em Bus an en Ort gange und det sind mer den mit reife hinedrufgladet worde wie chüeh es het recht lustig usgse. Den sind mer zerst zu hölene und sind dur die dure mit de reife. Mer hend sehr viel Fledermüs und vieles anders gse .Den sind mer mit dene wäge wieder abgholt worde und den zum fluss brocht worde. Dete sind mer wieder mit dene reife umegfahre. Mer hend viel wasserfäll gse und zum schluss hend mer au no chene 8m durab is Wasser springe. Es het mega spass gmacht aber es het scho eh bitzeli weh tah. Am abig sind meralli zeme no go znacht esse und den ab is bett wils wieder en früeh morge git morn.Læs mere

    Se oversættelse
  • Jana DiggelmannBangkok-KutaRejsende

    Zug fahrt zum Homestay in MT Bromo

    4. september 2017, Indonesien ⋅ ⛅ 23 °C

    Hüt hend mer wieder derfe 8h Zug fahre und wie mer gmerkt hend hend mer s letshte mol 1Klass gfahre und hend zimli luxus gha. Mir sind demol z vierte imene abteil gsesse und hends sehr sehr eng gha. D ziit isch sehr langsam umegange. Mit de Ziit hend mer den ahfange Zaubertriks lerne mit de Charte so isch den wenschon d Zit chli umegange. Mer hend unterwegs no d Rainbow City gse das het mega cool usgse es isch alles ganz farbig ahgmalet gsi. Wo mer ahcho sind hend eus eusi Gastfamiliene abgholt. Üse fahrer isch chli en Raser gsi was mir nöd so ganz passt het. Uf jedefall sind mer ganz ufe id Berge gfahre. Mer aind zu 4 verschidene Homestay ufteilt worde. Üses Homestay isch s beste gsi wil bi eusem hends au grad für üs alli kocht und üses Homestay isch s einzige gsi miteme Sitzwc. Mir hend en mega guete Znacht becho aber in Mt Bromo isch es richtig chalt wils so wiit obe isch. Üsi familie het imene chline cholle öffeli versuecht z heisse aber mir sind alli recht greucheret worde. Nach em Znacht hends eus no es paar tradizione zeig und am schluss hend mir mit eusere familie no mega lang uno gspielt gha.Læs mere

    Se oversættelse
  • Jana DiggelmannBangkok-KutaRejsende

    Traking im nationalpark von mt Bromo

    5. september 2017, Indonesien ⋅ ⛅ 21 °C

    Hüt laufed mer dum homestay zu eusem hotel dur de ganzi Ntionalpark fu mt Bromo. Es het zerst gheisse es segi eif nur 11km laufe. Aber us dene eif nur isch ned eh so eifach gsi. Zerst sind mer s dörfli no go ahluege und eh schuel. Nachher isch es den losgange. Mer sind dur de Jungel gloffe, dur d Safana und alles mögliche. Mer sind sehr steil duruf und au wieder sehr steil durab. Es isch richtig streng gsi. Nachere gwüsse ziit hend mer den maskene müse ahlege wegem staub und so isch das den no schwiriger worde zum schnufe. normali weg hets au nöd gha mer sind dur all gstrüp dure und au dur de Sand. Mini schueh hend sich ahfange mit Sand z fülle und es het überall ahfange riebsche. Aber trotzdem het de ganzi Tripp mega spass gmacht. Zum guete schluss sind mer no de Vulkan duruf gloffe was nomol mega streng gsi isch. Aber de isch aktiv gsi und es isch mega faszinierend gsi zum luege. Det obe hani den d schueh mol abzoge und usglert und han gmerkt dasi eh rechti blatere han. D schueh hani den für zum durablaufe nüme ahgleit. Une am Vulkan hend eus den entli Cheaps abgholt und no zum Hotel bracht. Alli sind nur so vor dreck gstande. Nachher warme Tuschi sind mer grad scho go esse wil mer morn morge am 3.30 gönd de sunneufgang go luege.Læs mere

    Se oversættelse
  • Jana DiggelmannBangkok-KutaRejsende

    Sonnenaufgang & ab zum surfercamp

    6. september 2017, Indonesien ⋅ ⛅ 30 °C

    Hüt morge sind mer am 3.30 abgfahre mit de cheaps in en Berg ufe wo mer setted die volli ussicht ha. Es isch mega mega chalt gsi ich han 2paar socke ahgha, 2paar Hose und 4paar Pulli. Mer sind zerst eppe 45min id Berge ufegfahre und nachher hend mer nomol es stückli müse laufe. Det hets scho lüt gha es mus eh recht eh beliebti sach sie. De bunji het mir am Roger und em Jacob aber en platzt zeigt wo niemert higaht wil mer het müse übers gitterklettere und den det chli durab aber det het mer chene sitze und mer het niemert um sich umegha. Nach dem sind mer wieder zrug is Hotel zmorge go esse und den sind mer grad abgfahre für is surfercamp. Mer sind de ganz tag gfahre und erst am abig ahcho. S Surfercamp isch supper. Es isch alles mega schön ihgrichtet und alles supper lüt. Znacht hets au en mega feine geeh sie hend immer Buffets gmacht. Wil alli müed gsi sind fum früeh ufstah und de ganzi tag fahre hend mer nur no es paar spieli gspielt gha.Læs mere

    Se oversættelse
  • Jana DiggelmannBangkok-KutaRejsende

    Surfstunden

    7. september 2017, Indonesien ⋅ 🌙 16 °C

    Hüt morge hend mer es richtigs suppers amerikanisches Zmorge gha. Nach em Zmorge sind mer den zerst mol go Surfe probiere. Mer hend eus zerst noh müse ihwärme und üebe im Sand und do und donts ahlose. Es het eifacher tönt ales es isch. Die meisti zit ghait mer eifach nur is Wasser und das ganze isch no recht ahstrengend. Wil ich die ersti gsi bi wo perzuefall uf em Brett gstande isch fu eusere Gruppe han ich es tshirt fu ihne gwunne. Jedoch isch es im nachhinein nid immer so guet gloffe. Aber es het am abig es paar ganz lustigi föteli zum ahluege geh. Zum Zmittag sind alli sehr hungrig gsi und am namittag sind es paar fu eus eifach no zum strand go chli Bade. Am abig bini recht früeh is bett wili so müed gsi bin.Læs mere

    Se oversættelse
  • Jana DiggelmannBangkok-KutaRejsende

    Ab nach Bali

    8. september 2017, Indonesien ⋅ ⛅ 14 °C

    Hüt hend mer leider müse s surfcamp verlah obwohl alli gern nochli blibe wered. Aber die meiste hend au Muskelkater gha fum Surfe. Hüt gend mer entlich nach Bali und so setted d Feriestimmig und Relaxing stimmig chli meh ufcho het de Bunji gmeint. Wo mer ahcho sind in Pemuteran hend mer gmerkt es isch mega schön und alles isch mega herzig gmacht und au wie die ahgstellte mit eus umgange sind. I eusne zimmer isch soger s Bett mit eusem Name beschriebe gsi mit Bluemene und üsi Tüechli zumene Elephant zemme bastlet. Am Nammitag sind mer den no an schöne Pool gange und am Abig vor em Esse bini no id Massage gange. Es isch richtig entspannend gsi.Læs mere

    Se oversættelse
  • Jana DiggelmannBangkok-KutaRejsende

    Relaxing Tag

    9. september 2017, Indonesien ⋅ ⛅ 13 °C

    Hüt hend mer eifach en Tag lang nur nix gmacht zumindist de Jacob de Roger und ich. Mer sind am Morge an Pool gange und sind eifach nur am Bädele gsi. Den sind d Jungs plötzli druf cho das en Cocktail trinke chented i han aber eigentlich no keine welle. Aber den isch Happy Hour gsi 2 zahle und eine gratis und den hets halt gheisse gha das i au eine trinke sell. Also hend mer am morge am 10 Ahfange Cocktails trinke und es isch den recht lustig no worde aber de nögsti hend mer den erst am abig am 5i gha. Mer sind eif sust die ganz ziit nochli am bädele gsi und brun werde odr hend zumindist versuecht gha. Am abig het euses hotel für eus verusse znacht parat gmacht gha und hend eus no es paar tanzschaue ahluege chene.Læs mere

    Se oversættelse