Hans van Santa Maria

Heerlik aandete geeet en probeer om later in die bed te kom. Kon toe darm vanoggend slaap tot 4am!

Kort stappie gevat in die woud en toe n ongelooflike ontbyt gehad. Die hotel het ons regtig bederf, dankbaar dat ons dit kon ervaar het en die “klip” soos boeta sê, mooi beleef.

Ons het n laaste keer gedip in die warm swembad, opgepak en ons eerste flat white gaan drink in 6 dae! Brazil drink net swart koffie en hier is letterlik nie vars melk of koeie nie. Baie lekker en cool micro-roastery.

Ons druf toe die pad aan na Santa Maria Jetibá waar ons vir Hans ontmoet. Sy pa was duits, ma Italiaans en Ouma van Angola. Sy eerste taal is Pomeranian. Baie diverse mengsel van kulture!

Hy is n gemmersmous asook n “politician” soos hy sal sê.
Het ons na sy pakhuis en nog n familieplasie geneem om daar na die gemmer te kyk. Mens leer baie , nie net van gemmer nie maar van boerdery, Brazil en hoe mense anders lewe en werk as ons.

Die paaie is ongelooflik kronkelagtig en daar is bae hobbels.
Opad terug van ons besoek het boetatjie weer karsiek geraak en opgegooi.

Ons laai vir Hans af en mil vir Santa Teresa waar ons vanaand slaap.
Die plek is onbeskryflik mooi en fotos kan nie die landskap en uitsig regverdig nie.

Ons eet lekker aandete, drink n sundowner, ons is vir nou eers klaar met gemmer vir die trip. Dit was lekker en goed!Read more