Vila Velha

Vanoggend n rekordtyd geslaap tot 5:30am! Dankbaar vir n goeie nagrus.
Beautiful om wakker te word by Rampa do Caravaggio. Dit is is een van die mooiste uitsigpunte in die berge van Espírito Santo. Dit lê langs die bekende Caravaggio-roete naby Santa Teresa, ’n dorp met sterk Italiaanse invloed. Die “rampa” is oorspronklik bekend vir valskermsweef en paragliding, maar baie mense besoek dit net vir die ongelooflike panoramiese uitsig oor die vallei en veral laatmiddag met sonsondergang.
Wat ons wel besef het is dat Santa Teresa meer n naweek plek is want toe ons vanoggend vir koffie gaan soek hoor ons als maak eers weer Donderdag oop.
Ook in die dorp was dit baie stil en ons kon slegs groentewinkels oop kry!

Ons het oorweeg om of Rio of Salvador toe te vlieg vir die laaste been van ons trip (die deel was nog nie beplan nie 😬) maar die kaartjies is ongelooflik duur en dus het ons vanmiddag besluit om liewers die kusdeel van Espirito Santo verder te verken.
Ons slaap vanaand in Vila Velha. Vila Velha is die oudste stad in die staat Espírito Santo en is in 1535 deur Portugese koloniste gestig.
Vandag is die n besige kusstad met hoë geboue en besige strate maar die strand is mooi en hier is n rustige atmosfeer.
Ons slaap in n hotel op die strand en kon gemaklik in die straat stap om aandete te kry. Ons was by n restaurant met die naam Mahai wat n baie interessante ervaring was. Boeta kon lekker speel in die speelarea en ons het lekker cocktails gedrink en seekos geeet.

More beweeg ons meer Suid.Read more