Phuket

Mitm Speedboat isch es hüt richtig Norde vo Phuket gange. Als ersts sind mir Kanu dur e wunderschöni Landschaft bi Hong Island gfahre. De iiheimisch wo üs padlet het (ja mir hend nöd selber dörfe) isch mega süess gsi und het immer wölle bildli vo üs mache und alles erkläre. Denn ischs wiiter gange uf James Bond Island. Ja richtig ghört, do het 1974 de Roger Moore de Film „Der Mann mit dem goldenen Colt“ drüllt. Also viilicht chunt öbberem de einti Fels also bekannt vor. Nachm Zmittag ufemene schwimmennde muslimische dörfli ischs no ine Mangrove Höhli gange. D Natur und s Wetter hend sich hüt vo bester Siite zeigt und so hend mir wieder mol en mega schöne Tag dörfe erlebe.

Fun Fact vom Tag: am Afang vo de hütige tour hets gheisse mir söllet doch unbedingt so Wasser/ Strand Schueh kaufe, süss wirds mega gföhrlich weg de Muschle und Seeigel Mir hend gfunde ah die wönd üs doch das nur verkaufe und s grosse Geld mache. Und so sind mir nur mit üsne wasserfeste Birkis gstartet. Wie sich usegstellt het, e sehr gueti entscheidig gsi, will wie erwartet hend sie komplett übertriibe. Vo 22 lüt hend nur 4 persone kei söttigi schueh kauft / debii gha. Und mitm gsparte Geld hend mir üs gad de Znacht chöne finanziere 😂Read more