Rammang Rammang

Mitm Taxi ischs richtig Rammang Rammang gange, wills vo döt us gad wiiter goht hend mir üsi Backpacks mitgno. Döt ache hend mir s erstmol üses Gepäck ide Hütte vomene Local underegstellt. Und so hend mir s erste mol richtig gse, wie en Teil vo de Indonesier lebt. Mitm Boot ischs denn los gange und mir sind ine chlises Dörfli gfahre und hend vo dötte us d Natur beguetachtet. Wills S Wetter aber ned immer mitgspielt het, hend mir eifach so mol 1.5 Stund unterem Unterstand müesse warte. Am halb 5i isch den Tour fertig gsi und döt ischs wiitergange mit warte. Bi üsm Guide dihei hend mir 5 h müesse warte bis mir uf de Nachtbus hend chöne. D Ziit hend mir halt mit Spiili spiile verbrocht, will mit ihne rede isch nöd möglich gsi, da sie nur indonesisch chönd. Nachdem mir e wiiteri Stund ade Bushaltestell im Nirgendwo mitm Guide hend müesse warte isch denn endli au mol üsn Bus cho. Ziel Tana Toraja. Imene Vorort sind mir den am 4.30 usgstiige und hend uf üsn Fahrer zum Hotel gwartet. Meh zu üsm Abentür folgt morn, etz mue i zerst geschlofe…Read more