Tanah Toraja

S Hochland vode Toraja isch sehr iidrücklich. Demit isch nöd nur d Natur gmeint sondern au ihri speziell Totekultur. Wenn öbber usm Toraja Stamm stirbt, isch die Person gemäss ihrem Glaube, nöd tot sondern nur krank. Sie gilt erst als würkli tot, wenn en Termin gfunde isch und gnueg Geld, Büffel gspart sind, zum de Beerdigungsprozess s vollfüehre. Je nach Rang chan das bis zu mehrere Jahre duure. Und i dere Ziit isch die „chrank“ Person wiiterhin bi ihne im Huus und wird mit Zigarette und Esse versorgt. Und wenns den mol so wiit isch, wird die Person inere 7-tägige Beerdigung bestattet i spezielle Gräber. Meistens sind das hützutags Haus- oder Steigräber (imene Fels ine). Au gits en Bruch, dass 1x im Johr de Leichnam (au wenn er scho von meh als 20 Jahre gstorbe isch) wieder usm Grab gno wird, und denn putzt und neu akleidet wird. Es wür no viel meh z verzelle ge aber vielicht morn. Denn morn dörfet mir anere Prozession teilneh.Read more