stewart island #1

stewart island isch üs empfohlä wordä und es isch defintiv en hammer tipp gsi😍
d überfahrt vu bluff duret e knappi stund. es isch aber so wellig, dass vorallem mir richtig schlecht wird.
mir checked im hotel i und mached üs de gad ufe weg für diä erst wanderig.
am morgä womer in bluff gangä sind hets nu gregnet und ez wirds immer schöner. perfekt😁
uf stewart island hets pingu, kiwi's und vieles me. mir wend natürli so viel me mögli vu derä tollä tierwelt gseh. uf dr wanderig begegnet mir vielnä coolä vögel und erlebed mit we en tui es wibli wet beeidruckä. üs het er uf jedefall, aber d madame isch nöd so begeisteret. si luägt mal schnell vrbi isch de aber au schnell wieder weg. und mir meined as en neuseeländischerfächerschwanz üs wet bezierzä, aber er benutzt üs nur zum müggli fangä, wo mir ufwirbled. erflügt diä ganz ziit um üs umä mega cool.
nach dr wanderig gümmer ufnä kiwi tour. kiwi's sind nationaltier (gits nur in neuseeland) vu da und defintiv öppis ganz komischs. si sind sozägä blind und chänd nöd flügä. aber me muss si definitiv mal gseh ha🤣 bim zruggfahrä vu dr kiwi tour gsehmer nu es reh mit bambi und es possum. diä tier sind da nöd so beliebt, will si nöd iheimisch sind und diä iheimischä tier gfährded. es wirded au gwüssi massnahne troffä zum diä tier wiedr usrotä. vrstahni irgendwo durä, aber tier chend ja nüt drfür. isch au da wiedr dr mensch d schuld.
en chlinä snack zwüscheddurä gits natürli au nu. 😋Read more