François-Peron Nationalpark

am letschtä tag gümmer nu in nationalpark da.
er isch bekannt für sinä rotä wuästäsand, sis blau wasser und sinä wisä sandstränd.
mir wend eigentli selber dethi, aber leider chasch nur mitemä 4x4 und üsers rösli chan das nöd büütä.
also buäched mir nöd gad würgli e günstigi tour und hoffed eifach ases guät wird🤫
mir fahred mitemä grossä cheep dur dr ganz park und werded recht durä gschüttlet. aber me merkt schu vum erstä moment ä weg, as sich diä tour so was vu glohnt het. das farbäspiel wo sich durä ganzä park zieht, isch eifach einzigartig.
mir halted a vrschiedenä ort und erfahred au viel über gschicht vum park.
mir günd amnä wunderschönä strand mit huusreef gu schnorchlä. z wasser isch nöd gad würgli warm, aber glohnt het sichs uf jedefall. 🥶 mir hend underanderem dr nemo gfundä. 🐠🐟🐡
e shark bay snake schwimmt au nu a üs verbi. fun fact: meeresschlangä sind um einiges giftiger als d schlangä a land🤫
am schluss stellt sich de au entli nu usä warum ases da shark bay heisst. mir hends ja eigentli au schu vermuätet ka😉
alli chlinerä hai haltet sich da gwüssä ort im nöd so tüfä wasser uf, um nöd vu de grossä hai gessä werdä.
so chend mir ganz viel chlineri hai vunerä ussichtsplattform beobachtä🦈 und es blibt nöd nur bi de hai. mir gsehd nu schildkrötli, delfin und jede menge rochä. leider aber kei seekühe. viellicht de witerobä.
es isch e richtig coolä tag mit coolä guides gsi. mir würded diä tour uf jedefall wieder mache😍😍

im letschtä footprint hani nu vergessä öppis wegem emu z schriebe.
bi de emus isch dr papi für d chindererziehig zuäständig. d mutti leit nur d eier und suächt sich de e nuä lover und dr vati chan de selber luägä, we er das macht😂 und das isch nöd nur bi de emus so, sondern au nu bi andernä vögel da in australiä😁Read more