shark bay 🦈

mir mached üs fruäh am morgä uf vu kalbarri und mached nu diä letschtä chlinä wanderigä im nationalpark, bevor mir witer richtig shark bay günd.
mir hend eigentli vor nuch ei nacht anerä tankstell, wo gratis isch, z schlafä, aber will mir so fruäh los sind hemmer gnuäg ziit zum bis ganz ufä fahrä. ufem ufä weg gümmer nu an shell beach. dr sandstrand bestaht us unzähligä, chlinä wisämuschlä. hammer nu niä en strand nur us muschlä gseh😍
bim ufä fahrä hemmer au nu e begegnig mitemä riesä adler. er hoggt direkt am strassärand underemä busch. riiiesig isch er gsi. leider hets nur fürnäs foti bim wegfluägä glanget. aber ich glaub mir hend en adler ider natur nu niä so nach gseh. unglaublich gross sinds 🦅🦅🦅 es isch en keilschwanzadler gsi.
das einzigä grösserä (obwohl gross nöd das richtigä wort isch) dörfli a dr shark bay isch denham.
üseri erst nacht verbringed mir in monkey mia. der ort isch bekannt für sini delfin.
es isch jedoch chlei wiedersprüchig. d delfin da wärded gfuätteret und me chan das de gu luägä.
fruähner hend d fischer, d fischrestä is wasser gworfä, wo d delfin aglockt het.
und hüt wird das eifach nu witergfuährt, aber mit rangers.
mir sind üs nunig ganz sicher eb mir das würgli wend gu luägä. dr ort selber isch aber au so sehr schü. überall hets emus und z wasser isch absolut klar.
mir entscheided üs für en strandspaziergang und siehe da mir gsehnd zwei delfinmamis mit ihrnä jungä. es gseht so us as würeds gad unterricht gi, wiä asmä jagt. hammer si sind mega nach und so erübrigt sich das au gad mitem gu luägä wes delfin fuättered. mir hends mega nachgseh und de nu zwei chlini.
am nächstä tag gümmer gu kajak fahrä und schnorchlä. also dr robin mir isch z wasser z chalt😂
diä nächstä täg vrbringed mir mit denham und umgebig erkundä.
mir schlafed zweimal irgendwo im nirgendwo (isch erlaubt) mit wunderschönä sunnäuntergäng und sternähimmel.
eimal simmer sogar ganz ällei und gnüsseds richtig direkt am meer😍Read more