Am Mittwuch und Donnschti heimer zwe ruehigi Täg igleit: Usschlafe, gmüetlichs Programm u feins Ässe. Am Mittwoch simer zersch nomal nach Rabat di alte Katakombe ga aluege. Das isch sehrRead more
Apr 22, 2022 · ☀️ 16 °C Altitude: 19 m
Mir hocke hie amne louschige, ruhige Plätzli mit gmüetleche Stüehl am Malta International Airport u warte uf üse Rückflug. Zum Glück hei au di angere Fluggäscht dä Platz nid gfunge u hocke wie d Hüehner ufem Stängeli.
Bimene Schluck Kinnie dänke mir zrügg a geschtrig schön Tag...
Denn simer tatsächlech scho am 7.10h ufgstange, für üsi 3 stündigi chaotischi Reis nach Gozo azträte. Äs isch zwar nid perfekt organisiert gsi, aber mir hei du tatsächlech uf Gozo üses härzige Chäri chönne i Empfang nä! U de isches los gange! Mit sagehafte maximale 40km/h simer losdüset. Gozo isch würklech ä schöni Insle u het sowohl härzigi Dörfli, aus ou grossi Chilene (dr eint Dom sigi sogar dr 3. grösscht vo Europa!) u schöni Landschafte ds biete. D Houptstadt mit ihren 7500 Iwohner hätt ou no ä wunderschöni Zitadelle, de hets üs aber de leider nüme glängt zum ga aluege...
Hmm, leider müesse mir itz de grad zum Gate. Aber schön si si gsi die Ferie! Adieu Malta!Read more
Apr 21, 2022 · 🌬 18 °C Altitude: 198 m
Am Mittwuch und Donnschti heimer zwe ruehigi Täg igleit: Usschlafe, gmüetlichs Programm u feins Ässe. Am Mittwoch simer zersch nomal nach Rabat di alte Katakombe ga aluege. Das isch sehr idrücklich gsi, wieviel Gräber die im Untergrund i Kalkstein ineghoue hei. Es isch es ziemlichs Labyrinth gsi.
Am Abä simer nachem Znacht no ine Bar e Drink ga konsumiere und de hets ufs Mal afa chlepfe über der Stadt. Drum heimer ufem Heimweg no en Zwüschestopp bim Hafe igleit. Äs paar vo de Rakete heimer so chönne luege... Wos äs Momäntli still isch gsi, heimer gmeint äs sigi fertig u si hei gange. Im Hotel hets aber de ume agfange mit chlepfe. Leider hei mir üs ersch churz vorem elfi (nach 2 Stund Fürwärk) nomau chönne ufraffe use ds ga. Dummerwis isches denn de grad ganz fertig gsi... 🙈
Am Donnschti simer mitem Bus nach Marsaxlokk gfahre. Dört hei nis d Wälle fasch wäg gspüelt u dr Wind fasch furt blase u drum simer de rasch wider hei i ds Hotel...Read more
Apr 19, 2022 · ☀️ 15 °C Altitude: 18 m
GħajnsielemCominoFuq Il-Bir tat-Tiġieġ36°0’50” N 14°19’47” E
Der Buschauffeur het so richtig lang ufd Hupi drückt, das nachdem er uf der Fahrt scho mänge andere Bus überholt het und scho mängisch churz ghupet het. Er het offensichtlich sini letzti Fahrt ka und wöue Fyrabe mache. Üs isch das Recht gsi, de simer chli früecher zrügg in Valletta nacheme lange und schöne Usflug uf Comino.
Comino isch e chlini Insel zwüsche Malta und Gozo, wo nur no 3 Iwohner läbe. Mir si miteme chline Boot übere gfahre und hei gli gmerkt, dass mir ke ruehige Ufenthalt dörfe erwarte. Ds Wasser vor Blue Lagoon isch genau so schön türkisfarbig gsi wie uf de Bilder im Reiseführer. Üse Bootskapitän het zielgenau der Steg agstüret, wo grad neu gschliffe und lackiert worde isch für di bevorstehendi Houptsaison. Es het aber scho itz sehr vieli Boot mit Partymusig und no meh Touriste ka. Di ca. 20 Liegestühl si längstens beleit gsi. Bi vier Foodtracks hets Fastfood und vieli Drinks gä, wo me usere Ananas 🍍 het chönne trinke. Am Afang simer chli erschrocke ab all dem Trubel. Aber es het üs när trotzdem super gfalle. Das Comino isch halt eifach en super schöne Flecken uf üsere Erde. Mir si ga spaziere und hei di alte verlassene Gebäude agluegt, wo früecher als Quarantänespital und später als Schuel benutzt worde si. Und de heimer eifach d Sunne und Ussicht gnosse, hei di viele Eidechsli beobachtet und üs es ruehigs Picknick-Plätzli näbe usse gsuecht.
Uf der Rückfahrt heimer no zrüggdänkt a di schöne Stunde und hei chli vor üs ane döset. Aber äbä, das lange Hupe vom Buschauffeur het nüt guets ds bedüte ka. Üse Buschauffeur isch usgstiege, d Strass ufe glüfe und när zrügg cho. Zersch heter d Händ verworfe und när e Zigarette azündet. Vor üsem Bus het en andere Bus en Panne ka und so si mir imene enge Strässli gstrandet. Aber es het sich alles zum Glück als halb so schlimm usegstellt. Mir hei nur rund füf Minute zure andere Haltestell müesse loufe, wo gli en andere Bus zrügg nach Valletta cho. Zwar heimer när müesse stah, si aber rechtzytig zum Znacht und zfride zrügg uf Valletta cho.Read more
Bilder wie in Paradies🥰! Eifach Touris wägretouschiere🤣... Schön heit dir doch no es ruhigs Plätzli fer euch gfunde😊. 😘😘
Apr 18, 2022, 6:13pm · ☀️ 15 °C Altitude: 28 m
E halb Stund astah und 2 x 15 Euro Itritt zahle, um ine Chirche ds ga: Das mache mir normalerwis nid. Aber d St. Johns Co-Cathedral isch o alles andere als en normali Kirche. So en prunkvolli und fasch scho chli übertriebeni Inneusstattig hei mir würklich no nie gseh. En Ufenthalt in Valletta wär definitiv nid vollständig, ohni zämä mit vielne andere Touriste und usgrüstet miteme Audio-Guide di Kathedrale ds dürwandere, Föteli ds knipse und eifach nur ds stuune.
Dir merkets: Mir hei hüt bewusst en ruehige Tag mit weni Programm igschalte und si in Valletta bliebe. Vorher heimer no d Malta Experience bsuecht, wo mir imene Film meh über di langi und ereignisrichi Gschicht vo Malta und Gozo erfahre hei. Grad aschliessend heimer e Füehrig bir la Sacra Infermeria gmacht. Das isch eis vo de ältiste Spitäler vo Europa, wo vom Malteserorden isch gründet und betriebe worde. Hüt gits dert Empfäng, Apéros oder Hochzyte. Sogar dr Chalt Chrieg sigi hie beändet worde mitemne Träffe vom Bush und Gorbatschow! Isch also sehr interessant gsi. Zum Znacht probiere mir itz no Bragoli, es traditionells Gricht vo hie. We mers richtig verstande hei, isches en Art Fleischvogel.Read more
Die chile isch würklich seeehr idrücklich! I glaube gärn, dass sich das glohnt het😊! Der chrankesaal vo de arme gseht-zmindescht hüt- amächeliger us, als dä vo de riche. Aber so als patiänt wäri mir de scho leiber es bett fer mi elei. Het me de da sehr rich müesse si? Oder hätti es bitzji gäld au glängt😉
Ja, das het üs ou dünkt! Aber mir wäre eh nid ine cho, äs si keni Froue zuegla gsi, wüu die Ritter wo pflegt hei alles Manne si gsi!
händer de Whisky debii gha fürs warten🤣e chli prunkvoll??? wie wärs wenn richtig prunkvoll isch? aber super föteli und cooli models😎😎😄👍👍👍
Apr 17, 2022, 6:45pm · ☀️ 15 °C Altitude: 53 m
Hüt isch ds Zmorge tatsächlech dütlech grösser gsi aus geschter! Dank Oschtere hets no verschideni Turtene gä! 🐰
Guet gstärkt hei mir üs när mitem Bus ufe wäg nach Mdina gmacht. Dört acho isch üs zersch mau no ä Oschterprozession übere Wäg gloffe (Premiere füre Pesche 😇). Mdina u Rabat hei üs mega guet gfaue. Da het me würklech ds Gfüuh mä wärdi i ds Mittelalter zrügg katapultiert! Nachemne riise Lachssalat füre Pesche umne Wrap für d Anja heimer nis de zu de Dingli Cliffs uf gmacht. Die si u schön gsi u mir heis gnosse eifach üsere Nase nachedsloufe u eifach mau ds mache was mir grad Luscht hei! Ds Busfahre hie isch fei chli äs Abendtür, aber d Chauffeure si aui sehr hilfsbereit, so heimer itz ou wider zrügg nach Valletta gfunge. Zimli k.o., aber sehr zfride! Äs isch ä schöne Tag gsi!Read more
Apr 16, 2022, 6:56pm · ⛅ 15 °C Altitude: 64 m
Hüt heimer nachem Usschlafe zersch mau üse Zmorgeruum gsuecht... Dä isch mega härzig im ne Gwölbechäller unge. Leider isch ou d Zmorge-Uswahl eher "härzig".
När simer zum ne Valletta-Entdeckigsründeli ufbroche. Die Stadt isch sehr speziell. Äs het vili schöni Gässli mit aber zum Teil verlotterete Hüser u näbedranne ganz moderni Boute, wo sich guet i ds Gsamtbild ifüege. D Houptgass isch richtig überloffe mit Lüt, aber knapp näbedranne isch me fasch ganz ällei. Bim tägleche Salutschuss vo de Kanone isch ds Anja mega verchlüpft (Video mit Ton luege... 🙈). Ou dr Pesche isch nid ds chruz cho: är het äs rots Büssi chönne strichele, äs Kinnie (lokals Erfrüschigsgetränkt) u äs Cisk (lokals Bier) chönne probiere! Itz höckle mir grad imne Beizli näbemne Heizstrahler, verschmachte fasch u si gspannt uf ds Ässe...Read more
sorry, ha ersch jetz euers find pinguin ufta u darum uf whats apps gantwortet. es dicks 😘😘fer beidi
Apr 15, 2022, 6:00pm · ⛅ 15 °C Altitude: 79 m
Hüt heimer ä ruhige Flug nach Malta chönne erläbe. Zersch het aber no üses Familie-Standart-Föteli mitem Red Label müesse si! 😅 Womer si acho hets leider grägnet, aber das het üsem coole Napoleon-Zimmer kei Abbruch ta!Read more
an Anja: denk daran, wenn die Armen schwer werden ,und nicht und die🍾nicht mehr hochhalten kannst, Ende der Fahnenstange😅😅😅🤣🤣🤣
merciii, das mir a euer reis so wunderbar chönne teilnäh🥰!
chömet guet heim😘😘
So schön da chunntme grad ferieglüscht. Reiset guet hei!😘 [Esther]