• Flyover Whitsundays and Great Barrier Reef

    November 13 in Australia 🌙 25 °C

    Hüt isch es wiidr früeh losgange! Am 7:20 hani de Bus zum chline Flugplatz gnoh, wo min Rundflug über dWhitsundays und Great Barrier Reef gstartet isch.

    Ich han mega Glück gha und ha direkt näbed em Pilot dörfe sitze! Holy shit! So hetti komplett alles gha zum chöne stüre und chöne mitverfolge, wie er sFlugzüg stüred.

    Zerscht simmer über dWhitsunday Islands gfloge, unter anderem über Hook Island, Hamilton Island und Whitehaven Beach. Vo obe hät das alles nomal ganz anders usgseh! Nachher simmer ca. 10min wiiter use zum Great Barrier Reef. Die verschiedene Blautön, die riesige Koralleformatione und sberüehmte Heart Reef sind eifach unglaublich schön gsi!

    Nach ere super sanfte Landig hani de Rest vom Tag gmüetlich gno. Es bitzeli lädele, guet esse, d’Wiiterreis plane und am Abig no en schöne Sunneuntergangslauf entlang de Küste gmacht.

    Morn gats wiidr los nach Brisbane! Nach eme entspannte Tag det möchti am 16. uf North Stradbroke Island go tauche und hoffentlich mini erschte Mantas gseh! Es isch zwar erst Saisonstart und sWetter no chli unsicher, aber ich probiers eifach!

    Nachher gahts wiiter richtig Sunshine Beach evtl. Noosa, wo ich mini Surfskills möcht verbessere.

    Airlie Beach isch würkli wunderschön gsi und ich han die Ziit da mega gnosse. Jetzt freui mi aber riisig uf snächste Abentür!
    Read more