Suche zurücksetzen
Ecuador
  • Marco Polo
  • Marco Polo

Ecuador

September - November 2019 Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
ÜbersichtKalenderFotos
  • Marco PoloEcuadorReisender

    Gmüetliche Tauchtag #2

    11. November 2019 in Ecuador ⋅ ⛅ 24 °C

    Bim zweite Tauchgang simmer bimene Schiffswrack vomene alte Dampfschiff go tauche, dass isch riisig gsi, aber au uuh chalt. Mir sind defür no miteme wunderschöhne Sunneuntergang belohnt worde.

  • Marco PoloEcuadorReisender
    1

    Erste Tag vo de G Adventur

    12. November 2019 in Ecuador ⋅ ⛅ 24 °C

    Nachdem mer am Morge gmüetlich zmörgelet hend und euse Tauchusflug sind go bueche, hemmer den am Namitag d Gruppe troffe vo eusere Tour. Es isch en luschdige huffe vo Englender, Schwiizer, Neuseeländer und emene Australier. Mir hend eus all grad supper verstande und s sind riisig begeistered und interresier.
    Nacheme bsuech im Invozentrum, simmer zunere Bucht go Schnorchle. Bimene chüele Bier und vo Seeleue umgeh, hemmer den no de Namitag mit Sunneuntergang abgschlosse.    Weiterlesen

  • Marco PoloEcuadorReisender

    Uf em Weg zu de Isla Isabela

    14. November 2019 in Ecuador ⋅ ⛅ 23 °C

    Mir hend woedermal früeh müsse/dörfe ufstah, da mer richtig viel uf em Programm gha hend. Drum hend au all zerschd nomal chli gschlafe uf em Speadboot. Zmittagpause hets uf de Insle Floreana geh. So wie ich das mitbecho ha Wohned dede nur öbbe 150 Persone. Mir sind zerschd no zunere Stradbar go en Kaffi, Bierli neh und den go esse.
    Nach em esse isches wieder mit em Speadboot richtig Isla Isabela wiitergange.    Weiterlesen

  • Marco PoloEcuadorReisender

    Isla Isabela

    14. November 2019 in Ecuador ⋅ ⛅ 23 °C

    Mir hend grad nach em ahcho nochli ziit zum poste gha und sind den mit eme Laschdwägeli mit Sitzflächi hinedruf abgholtworde und den isches direckt zum Campingplatz. Dede hemme zum glück kei Zelt müsse ufstelle, die sind scho ufgstellt gsi und es hett sogahr Madratze gha.
    Nachem Znacht simmer den no am Lagerfüürli gsese und hend nochli Bierli und Coco Loco drunke und nätürlich no Marshmelows brötled.    Weiterlesen

  • Marco PoloEcuadorReisender

    Schnorchle und Blaufuesstölpel

    15. November 2019 in Ecuador ⋅ ⛅ 24 °C

    Hüt Namitag simmer mit em Boot zu de los Tuneles, zerschd simmer aber no bi Mangrove go Schnorchle und hed ganz viel Schildchrotte, Riffhaie und no Seepferdli gseh.

    Zmittaggesse hemmer den bi de Los Tuneles.
    Nach em esse simmer no die speziell Landschaft und Blaufuesstölpel go ahluege.    Weiterlesen

  • Marco PoloEcuadorReisender
    Dörf ich vorstelle de Supper Diego
    De Kaktus isch zwüsched 200 und 300 Jahr alt oder meh

    Santa Cruz ganz viel Schildchrotte

    16. November 2019 in Ecuador ⋅ ⛅ 22 °C

    Jea früeh ufstah 4.30, wie unmenschlich, aber mir wend ja zu de nögschde Insle. De Zmorge hemmer chönne mitneh und sind den mit em Taxi zum Hafe und vo ded us mit em Boot richtig Santa Cruz. Dede ahcho simmer schnell euses Züg im Hostel go deponiere und den direkt los zu de Charles Darwin Research Station. Dede züchteds d Schildchrotte vo allne Insle und wens gnueg gross und de Panzer gnueg feschd isch lönds die den uf de jewilige Insle frei. Das ganze isch notwendig, will schuschd di chline vo Chatze oder Hünd gfresse werded.
    I de Station isch au de Lonesome Georg usgstellt, er isch de letschdi vo sinere Art gsi.
    Au isch das d Heimat vom Super Diego, de heisst so will er im aleigang sini ganz Art gretted hed. De hett nur eis im Chopf, ich glaube ihr wüssed all was das isch.😂    Weiterlesen

  • Marco PoloEcuadorReisender

    Lavatunel und meh Riseschildchrotte

    16. November 2019 in Ecuador ⋅ ⛅ 21 °C

    Uf em Weeg zu de Farm hemmer no bimene Lavatunel halt gmacht. Das isch no recht ihdrücklich gsi zum dede durelaufe/chrüche. Natürlich hets scho uf em Weeg mega viel Schildchrotte gha.
    Uf dere Farm ahcho hets den nur no Riseschildchrotte gha, die hend das gebiet mega gern, drum sind so viel dede. Mir hend den au no so en Panzer chöne ahlegge, sind also no recht schwer.Weiterlesen

  • Marco PoloEcuadorReisender
    2

    Letschde ganzi Tag uf de Galapagos

    17. November 2019 in Ecuador ⋅ ⛅ 22 °C

    Ja hütt simmer au wieder recht fuhl gsi. Mir hend eus am Morge vo de Gruppe verabschided und sind den gmüetlich go Käffele, Chleider chaufe und chli i de Hängematte fuhllänze.
    Am Abig hemmer no müsse de Haifischli, Roche und Seeleue am Hafe go tschausege.Weiterlesen

  • Marco PoloEcuadorReisender

    Cuenca

    18. November 2019 in Ecuador ⋅ ⛅ 21 °C

    Ja hütt simmer nur Greist: Taxi, Bus, Wassertaxi, Bus, Flugzüg, Taxi, Bus, Taxi.
    Mir sind dementsprechend au recht müed gsi am Abig, dumm hemmer eus vonere Strassechuchi öbis z Esse gholt und sind den gli mal is Bett.Weiterlesen

  • Marco PoloEcuadorReisender

    Wöschtag

    20. November 2019 in Ecuador ⋅ ⛅ 19 °C

    Hüt hani no müsse mini Wösch id Wöscherei bringe und ha welle mis Handy repariere lah.
    Den simmer chli dur Cuenca gloffe.
    Am Abig hemmer den mit allne vom Hostel Znachtgesse und Yazzi gspiel.

  • Marco PoloEcuadorReisender

    Stadttour und Shoping

    21. November 2019 in Ecuador ⋅ ⛅ 19 °C

    Hüt hemmer s Ahgebot vo de gratis Stadttour gnütz.
    Mir hend glernd das de Panamahuet nöd vo Panama chunnt, sondern vo Ecuador. Den hemmer ganz viel Chile gse. (Da hets 62)
    Alti Hüser vo de Kolonialziit und de Mert.
    Die wo Tour gleitet het isch au supper gsi, mega begeistered und hett alle wunderbar erklährt.    Weiterlesen

  • Marco PoloEcuadorReisender

    Parque Nacional Cajas

    22. November 2019 in Ecuador ⋅ ⛅ 7 °C

    Hüt am Morge simmer wieder mal chli frühener uf zum in Nationalpark z gah, ich ha zwar faschd nöd ufmöge, aber zum glück hani mich den zemmegrisse und mir sind los. D Sandra isch so lieb gsi und isch uf em Mert grad nebed drah go Zmorge poste.
    Den simmer ca ei Stund busgfahre zum Nationalpark wo ca uf 4000 m.ü.m liit.
    D Landschaft isch de hammer gsi.    Weiterlesen

  • Marco PoloEcuadorReisender

    Tschau Cuenca

    23. November 2019 in Ecuador ⋅ 🌧 13 °C

    Als Abschluss vo de Sandra ihrne Ferie simmer am Morge no gmüetlich go zmörgele und hend di restlich Ziit no uf de Dachterasse vom Hostel verbracht.
    Nach dem ich d Sandra zum Taxi begleited ha, hani den au nümme so viel gmacht.
    Znacht hets den wieder im Hostel mit allne zemme geh.
    Jetzt machi mich uf de Weeg mit em Nachtbus nach Latacunga.    Weiterlesen

  • Marco PoloEcuadorReisender

    Latacunga

    24. November 2019 in Ecuador ⋅ ⛅ 16 °C

    Hüt bini ca. Am 6i im Hostel ahcho und wil ich nonnig ha chönne Ihkecke und no keis Kafi offe gha hett, hani halt nochli uf em Sofa im Ufenhaltsrum gschlafe.
    So am 8ti bini den los und mal durs Stedtli gloffe uf de suechi nacheme Kafi. Bi den nachere ehwigkeit au fündig worde, ha nöd drahdenkt das sunntig isch und faschd alles zue isch.
    Am 11i hani den endlich chönne mis Zimmer bezieh und ha mich den nomal anegleit, da ich im Nachtbus nöd so viel gschlafe ha.
    Also eigendlich hani gahr nüt gmacht hütt 😁, aber s isch grad guet zum sich ad Höchi z gwönne. Bi da uf ca. 2750 m.ü.m und Morn gahts den wieder bis knapp uf 4000 m.ü.m ue.
    Drumm bini den au gli mal wieder is Bett.    Weiterlesen

  • Marco PoloEcuadorReisender
    1

    Quilotoa

    25. November 2019 in Ecuador ⋅ ⛅ 11 °C

    Bezite ufstah, gmüetlich zmörgele und den los zum Busbahnhof.
    Nach zwei Stunde Busfahre bini bi Vulkankrater ahcho.
    Und wow die Ussicht isch de hammer.
    Mit einere woni im Hostel kenneglernt ha bini den mal losglofe. Nach zwei Stunde laufe, hemmer eus den entschide zum umchere, da schuschd ziit nümme glanget hetti zum alles rundume laufe. Die cheibe Höchi merkt mer halt scho.
    Mir hend den en andere weg gno wommer denkt hend das mer dede guet cha zrugglaufe. Tja isch halt nöd so gsi, s isch meh en Weg fürd Hirte mit de Schöfli gsi. So en Hirt hemmer den au ahdroffe und er hett eus den zrugg uf de richtig Weg bracht. Also mir sind chli meh als ei Stund nur uf so Hirteweg ueh gloffe. Schlussendlich hemmers rechtzitig gschaft zum zu de Bushaltistell z cho und hend sogar no Ziit für es Bierli gha.
    Am Abig bini den no go en Burito bim Mexikaner go esse.    Weiterlesen

  • Marco PoloEcuadorReisender

    The Secret Garden Cotopaxi

    26. November 2019 in Ecuador ⋅ ⛅ 16 °C

    Hütt am Morge bini vo Latacunga mit em Bus uf Machachi, dede bini den vomene Taxi abghollt worde, wo mich zum Secred Garden bracht het. Das isch es mega schöhns Hostel uf ca. 3500 m.ü.m mit supper Usblick uf de Cotopaxi.
    Als mega überraschig hani da d Marion und de Thiery wieder troffe. Sie sind mit mir in Montañita i de Schuel gsi und au us de Schwiiz.

    Nach em Zmittag hemmer e churzi Wanderig zumene Wasserfall gmacht, de Weg hett eus dur de Nebelwald und durs Bächli gfüert, chlettere hemmer au no chli müesse und das alles i Gummistifel. Bim Wasserfall ahcho simmer den no schnell go bade, es isch arschchalt gsi.

    Wieder zrugg hets feins Bananebrot geh und nachane hett de Manager vom Hostel mit jedem einzel de nögschd Tag ahglueget.
    Nach em Sunneuntergang hets Pizza zum Znacht geh, underanderem Pizza mit Meerseuli, mhhh.    Weiterlesen

  • Marco PoloEcuadorReisender

    Wanderig zum Pasochoa

    27. November 2019 in Ecuador ⋅ ⛅ 13 °C

    Nachem Zmorge simmer ca. Z 10te los zum ca. 800 Höhemeter vom Hostel bis zum Gipfel vom alte Vulkan Pasochoa z wandere. Nätürlich sind no zwei Hünd vom Hostel mitcho d Yoda und Hayku. Zerschd simmer über en alte Inkapfad dur de Nebelwald, bis ca uf 3800 m.ü.m.. Nachere churze Pause isches wiiter durs Busch und Grasland richtig Gipfel. Die letschde 200 Höhemeter sind den no recht ahstrengend gsi, wills recht steil gsi isch und mer zum teil nochli hend müesse chlettere. Es hett sich aber wieder mal glohnt, da mer bis uf Quito gseh hend. Nacheme Teeli und eme Sandwich isches den zrugg abe is Hostel gange. Nacheme rechte Zmittag hett den s Jacusi mit Blick uf de Cotopaxi uf eus gwarted.Weiterlesen

  • 2026© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum