Fucking birds = Emu's

Soviel gschlafe wie ih de letzte Täg hani scho lang nüm. Denn nachem unglaubliche Sunneuntergang (de ersti wo mer Mal nöd im Auto verbracht hend) öpis Znacht kochet und gli gats ab is Bettli 😊 was wotsch au mache wenns dunkel isch, defür bisch am Morge bi Sunnufgang früeh uf. Bin na im kuschlige Bett glege und de Kurt mit voller Begeistereig OMG, chum go luegge überall Emu's 😍 Bin biz en Morgemuffel abr das hani scho erwähnt gha wo mer eus s'erstmal Troffe hend (als Vorwahrnig) 😂
Also bini us dem huere Swag kroche und han au uuu Freud gha, aber die het nöd lang aneghebt 😂🙈 HUERE Mistficher...nei echt!! Die griffed eim (wortwörtlich) ah, wenn du Esse fürenimmsch.
Mir hend eus mit Badtüecher verteidiget etc. und den hani min Toast mit mim Spiegelei au nur 2 Sekunde uf de Tisch gleit. Mis Spiegelei isch den nüm det gsi woni mi umdreht han 🙄 und de halbi Toast wo mer de doofi Emu na übrig lah het isch im Sand glandet 🙈 Da mer im Stress gsi sind weg de Delfinfüetterig am Strand hani den halt glich das feinpaniere Toastbrotstückli gesse 😅😂

Selfmade Sushi - hettedmer en Fisch gfange hets de drin gha, aber Vegi Sushis sind au nöd schlecht für de Ahfang 😄Leia mais