Shell Beach

Nachdem mer jetzt 2 Nächt ufem gliche Campingplatz gsi sind in Monkey Mia gats witter richtig Coral Bay 😊 Det isch planet das mer öpe ei Wuche bliebed, es isch nämli eine vode beste Ort zum Schnorchle, Tauche und Fische in WA 😁

Han doch immerno 3x wüchentlich onlineenglisch Unterricht und mini Englischlehrerin isch ursprünglich Amerikanerin aber steckt momentan in Tasmanien (eh chline Insle wo zu Australie ghört) südlich vo Melbourne fest. Sie isch richtig ihversüchtig über mis sunnige und warme Wetter ☀️ täglich 30 Grad 😍🙌 Sie het gfröget wie campe so isch und ich han den gseit es gfallt mer uuu mega, segi selber positiv vo mir überrascht 😂 und ahgfüegt hani (mer brucht nöd viel zum glücklich si und eifach lebe). Im Auto het de Kurt den gfunde obi würkli nöd meine mer brucht nöd viel luxus zum glücklich si, will mir hend ja en Jetski, Tauchfläsche, Surfbrett, Paddleboard etc . 😅 OKAY, han den nüm gwüsst was sege 🙈😂 das nennt mer denfall luxuriöses Campe und Reise in Australie und ah das chönti mi echt gwöhne 😋

Ufem Wäg hemer en Stop amne kilometerlange Muschelstrand 😍 wit und breit 1000igi Muschle, UNGLAUBLICH 😆

Was im Moment schönste isch am Reise es het nöd soviel Touriste 😅Læs mere