Fishing Part 1

Biz früeh für mich zum ufstah 6.00 Uhr 🙈😅 aber da es scho hell gsi isch verusse isches no gange. Und nachem erste Kaffi het er mich au dörfe ahspreche😂 han s'ersti Mal zum z'Morge Pancakes mit Nutella und Banane gmacht 😍 mjammii (und da er nöd sonen süesse am Morge isch; hani sine au no dörfe esse haha☺️)

Kollege vo ihm hend es Boot debi gha und mer sind mit ihne goge fische. Mis erste Mal fische und die erste 3h bini schier verfuulet, so langwilig wenn'd kein Fisch fangsch 😂 und endli hends mal eine gfange und den hends gseit; de isch z'chli und rüehreden eifach wieder zrugg is Meer. Hetsch mis Gsicht sölle gseh..bin so entsetzt gsi 😂🤦‍♀️endli hemer den irgendwo mitte im Ozean eh Ahsammlig vo Vögel gfunde wo probiert hend en Fisch z'packe. Also hend mir s'Boot dreht und sind quer dur de Vogel/Fischschwarm dure. Und wuhuuuu ein Fisch nachem andere het ahbisse 🐟🙌 zwei Fischlis hemer au verlore wegeme böse Grossefischli 🦈 eifach weggschnappet het ois de Hai s'Fischli.

Da ich kei Ahnig von Fische gha han und au nöd di geduldigsti bin hani mi freiwllig gmolde zum s'Boot zstüre 🚤 das het Spass gmacht 😍 han immer möse ufpasse damiti nöd so scharfi Kurvene schnide willi ja Fischerruete im Schlepptau han 😄

Wür aber meine isch en erfolgriche Tag gsi 😉 euse TK isch voll mit feine Fischlis 🐟 isch mega interessant gsi wie sie die Fisch den filetiered und wie wenig mer würkli wegrüehrt. Abr eimal isch mer fast schlecht worde woni die Innereie gseh han 🙈Read more