Nulstil søgning
Bali 2025.☀️🏝️
  • Nati Friedli
  • Yannic Huber
  • Nati Friedli
  • Yannic Huber

Bali 2025.☀️🏝️

Et 11-dags eventyr af Nati & Yannic Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • Start på rejsen
    7. september 2025
    Bali 2025.☀️🏝️
    2232

    Tag 1: Auf und davon.🥰

    7. september 2025, Forenede Arabiske Emirater ⋅ 🌙 34 °C

    Soo hüt isch euses Abentür ändlich los gange.
    De Flug vo Züri uf Abu Dhabi isch tiptop verloffe.
    Im Zug uf Züri hani aber möse feststelle, dass de Yannic nochli Geografie-Nachhilf brucht. Sini Frog, ob mer uf Tunesie flüge, het mih auso scho grad echli verwirrt 😂.
    Z Abu Dhabi ahcho hei mer ned so wit studiert gha, dass mer eusi Getränk natürli ned chönd durd Sicherheitskontrolle nä. So hei mer eusi Rivella so guet wies gange isch abegegxet und de Räscht leider möse zrug lo 😢.
    Mer hend d Raucherkabeuschen do au sehr interessant gfunde.
    Und natürlich: hani z Züri und z Abu Dhabi mih obligati Starbucks-Bsuech gmacht 🥰.
    So jetzt luege mer was de nöchsti Flug für eus bereit het.🥰
    PS: de Bluetmond hei mer au gseh 🥰    Læs mere

    Se oversættelse
  • Bali 2025.☀️🏝️
    22

    Tag 2: Holy Macarony 😍

    8. september 2025, Indonesien ⋅ ☁️ 25 °C

    Soo mer sih ahcho im Paradies. Ich ha nur 2 Wort defür: Holy Macarony 😍 mer sih total gflasht wie schön das es do isch. Wie fründlich d Mönsche do sih und wie abartig crazy dä Strossevercher isch 😅.
    D Ahkunft do in Bali isch eso abgloffe: ich ha alles organisiert, alli Formular und Fötzle usgfühlt, de Yannic chunt ohni Problem mit em E-Visa bem Automat dure.. Und ich? Natürli hani sicher öbe 40 Minute fürd Passkontrolle möse go ahstoh well de Automat gfunde het: Du kommst hier net rein. Die wo mih kenne wüsse natürlich dasi mer fasch id Hose gmacht ha und dänkt ha jetzt muesi weder hei 😂 het de aber alles problemlos klappet und euse Privatchauffeur de Nangang isch denne mit eus zum Hotel tuckerlet.
    Eusi Föteli sih hüt eifach mou es wilds Chrüsimüsi, so wie de ganz Tag au echli gsih isch 😅 Morn wirds de hoffentlich echli gordneter. Und hoffentlich au echli erholter. Mer freue eus ufs Bett.
    Besti Grüess usem Dschungel.🌳    Læs mere

    Se oversættelse
  • Bali 2025.☀️🏝️
    Schlangefrucht, gschänkt vom HotelDi beste Socke hani debi 😂Jop, do si 2 Plazäntas ufem Foti 🙈ANANAS🍍Früsches Kokosnusswasser 🥥🌴Glüehwürmli ❤️Das Grüsch isch vo öbis Ähnlichem wie e Grille 🦗4Das si Frösch 🐸

    Tag 3: its a raining man, halleluja 🌧️

    9. september 2025, Indonesien ⋅ 🌧 23 °C

    Di ersti Nacht im Hotel isch super gsih. Mer sih so k.o. gsi, dass mer bereits am 7ni im Bett gläge sih. Darum sih mer de am nöchste Morge au bereits am 7ni hellwach gsih 😅.
    S Zmorge isch en Traum gsih, vorallem au mit dere Ussicht ufe Rägewald 🥰.
    De Plan wär eigentlich gsih, Ubud go unsicher mache. Es het aber de ganz Tag soo fest grägnet, dass mer entschide hend, mer Vertage das.
    Uf dih haubi 4i isch denne euse Reiseleiter cho und het eus no mit diverse Infos zuedeckt. Er het gmeint mer sele bem Laufe immer guet ah bode luege, es heig zum Teil 1 Meter tüfi Löcher id Kanalisation zmits ufem Trottoir. Er het gfunde: Stinkt und Schmerzt 😅.
    Churz vor de 5ne sih mer de vo eusem Tourguide, em Made, abgholt worde und hend e chlini Tour dur Risfälder und dure Rägewald gmacht. Mer hend au es traditionells balinesischs Grundstück dörfe bsueche. In Bali isch es schinbar en Bruch, d Plazänta nach de Geburt be de Grosseltere vors Hus z legge. Wöu die als Gschwüsterti vom Chind ahgluegt wird. Uf de linke Site vor Tür wenns e Bueb isch und rächts, wenns es Meitli isch.
    Ich froge mich, wie mini Eltere das wöre finde? 🤔😂
    Im Rägewald hei mer de paar Tierli ahtroffe wo sehr interessanti Grüsch vo sich gäbe, meut d Videos lose 😅.
    Nach emene richtig feine Znacht sih mer de no i Fireflies Garden. Wägem Räge sih aber leider nur paar wenigi Glüehwürmli ome gsih.
    Jetzt gniesse mer no de Obe, luege am Gwitter zue und hoffe, morn wirds chli tröchner 😅.    Læs mere

    Se oversættelse
  • Bali 2025.☀️🏝️

    Tag 4: wortwörtlich is Wasser gfalle 🌧️

    10. september 2025, Indonesien ⋅ 🌧 24 °C

    De hütig Tag het ned so entspannt ahgfange. Mer hei uf dih haubi 9ni es Uber bstellt gha für ah Hafe. Ich be de am 20 vor 9ni verwachet, well mih de Uberfahrer zuetextet het 😅. Er isch de so lieb gsih und het uf eus gwartet. Mer hend eus im Eiltempo ready gmacht und sind denne los.
    D Fahrt ah Hafe abe isch sehr abentürlich gsih. Es het es zimmlechs Unwätter gä gha und e grosse Teil vo de Strosse isch unterwasser gstande. Es het Strosse und Hüser wäggschwemmt und es isch es totals Chaos gsih.
    Am Hafe ahcho isch eus de gseit worde, dass ufgrund vom Unwetter alli Bootstoure gstriche sih. Darum hei mer hüt leider ned chönte go Schnorchle mit de Mantas 🥲. Aber d Sicherheit geit natürli vor.
    Mer hend eus de defür entschide, zrug is Hotel z go, well s Wätter eifach immernoni guet gsih isch.
    Mer hend de richtig guet Zmittag gässe und sih nochli go bädele, aber isch echli blöd gsih, sih wägem Räge ganz nass worde 🤪.
    Jetzt sih mer nochli durd Strosse spatziert und hend en Schwizer troffe wo usgwanderet isch und do sis eigene Chalet eröffnet het. Mer hei mit däm nochli Quatscht und sih de weder retour.

    Hüt hani emotional gseh viu ufs und abs gha. Mer hend hüt au dih anderi Site vo Bali dörfe kennelehre und das fahrt rächt ih. Die Problem mit de Kanalisation, d Strosse, s Abfallproblem, d Strossehünd.. do blüetet eim s Härz und es macht eim nochdänklich.. do merkt me weder das mers ir Schwiz wörk meu schätze..
    Mängisch lit Freud und Leid so nöch benenand.    Læs mere

    Se oversættelse
  • Bali 2025.☀️🏝️
    4

    Tag 5: Tarzan und Jane.🌳🐒🦎

    11. september 2025, Indonesien ⋅ ⛅ 24 °C

    Hüt het de Tag viiiiu entspannter ahgfange. Mer sih gmüetlich go Zmörgele, hend denne sogar no es Vertauigsnickerchen chöne mache und am 10ni sih mer abgholt worde. Nach enere 2 stündige Fahrt sih mer in Munduk ahcho.
    Als aller ersts sih mer zwöi typische Schwizerchääs Touris ih sone richtigi Tourifalle inegheit 🙈😅 dä het diversi Tierli debih gha und es isch de so schnell gange und mer hend alles ide Hand gha 🤦🏼‍♀️😅.
    Aber jo, nach däm isch es de endlich los gange mit eusere Dschungeltour😍. Euse Guide, de Henry, het eus so viu spannends überd Tier und Pflanze verzellt. Zudäm hei mer au sehr viu interessants über dih diverse Tempel glehrt.
    Nach de Tour sih mer mit emene traditionelle Kanu übere See chauffiert worde.
    Im Ahschluss hei mer de anes Kafi und Tee tasting dörfe. Do hei mer unteranderem de Luwak Kafi dörfe probiere. Das sih die Kafibohne wo vom Luwaktier (eh sogenannti Schleichkatze😅) gfrässe wärde und im ahschluss weder uskakt wärde 🙈😅. Das isch seehr tüüre Kafi.. und leider ehrlichgseit au sehr guete Kafi 🫠😂.
    Nachem Kafitasting hets de no es richtig feins, traditionells Zmittag gä. Wo mer de fertig gässe hend und richtig k.O. sih gsih, isch es de no zu eusere letzte Station gange: zu de Wasserfäll 🥰. Euse Guide het gseit es sig nur en Wäg vo 500m 🫠🙈. Mer glaube, er het eher 500 Höhemeter gmeint… es isch död Bärg uf und Bärg ab gange, ich han also gmeint jetzt het mis letzte Stündli gschlage und ich lo mer s Ässe nomol lo dure Chopf go 🫠. Aber wo mer död sih gsih hei mer gwüsst, das het sich absolut glohnt.

    Jetzt sih mer zrug im Hotel, richtig k.O. aber defür mit wunderschöne Erinnerige im Chopf. Die Nacht schlofe mer sicher guet 😴😴😴.    Læs mere

    Se oversættelse
  • Bali 2025.☀️🏝️
    Chline Frächdachs 🥰Däm fählt di eint Vorderflosse, ufgrund vo PastikmüllDie Babies sih 3 Täg alt und hüt frei glo wordeDäm fählt leider au e Vorderflosse ufgrund vo NetzDä het hindedure e brochne Pantzer well er ine Schiffsschrube cho ischYannic und Maltesers 🥰Little Mars jr. 🥰Früsch gschlüpfti Babies 🥰D Eierschale vo de früsch gschlüpfte BabiesD Mülldeponie...

    Tag 6: Voller Hochs und Tiefs ⛰️

    12. september 2025, Indonesien ⋅ ⛅ 24 °C

    Dä Morge het weder einisch meh mit emene wunderbare Zmorge ih eusem Hotel gstartet. Währendem hei mer sogar no Bsuech vomene chline Frächdachs becho 🥰.
    Nachem ässe hei mer eusi 7 Sache packt und sih mit em Uber (aso do isch es Grab) richtig Süde. Mer hend richtig Boomermässig jetzt Uber (aso äbe Grab 😂) voll für eus entdeckt.
    Euses Ziel: Turtle Conservation And Education Center (TCEC). Mer hei do e chlini Tour gha durs Center. Do hend sih verschideni Schildchrötli, vom Ei bis zu de usgwachsnige wo uf ergend en tragischi Art und Wis verletzt worde sih. Sig das dure Ghöder im Meer wie zum Bispiu Plastiksäck, oder dur Fischernetz, dur Schiffsschrubene, ilegali Jagt oder au durch zum Bispiu Haie. Mit viu Härzbluet wärde do di verletzte Schildchrötli weder ufpepplet damit si de hoffentlich weder cheu frei glo wärde. Zudäm deu sih död au d Eier usbrüete und me het när d Möglichkeit, bem frei lo vo de Babies mitzhälfe. Das isch es wunderschöns Erläbnis gsih. Het aber leider au en extrem Fade bihgschmack gha. De Grund isch, dass mer die wunderschöne Gschöpf frei glo hei aber halt leider rundume öberall dä Ghöder isch. By the way: in Bali gits 3 verschideni Arte vo Meeresschildchrötli 🐢🐢🐢.
    Usserdäm hei mer grad no dörfe miterläbe, wie früschi Babies gschlüpft sih 🥰.

    Nachdäm mer s Centrum verlo hend sih mer keni 10 Meter wit cho und mer isch e chline Strossewelpe umd Bei gschmichlet 🥺. Dä het so gjömmerlet und ich hät ihm so gärn wele hälfe. Aber ich ha nüt für ihn chöne mache und ich be ehrlich, do sih mer d Träne nur no abegloffe 😞.

    Ufem Rückwäg hei mer no witeri extremi Usmass vom Abfallproblem ahtroffe. Mer hei e chline Teil vor Mülldeponie gseh. S Problem do isch de extremi Tourismus wo natürlich mega viu Abfall produziert. Dezue chunt das leider dih nötigi Infrastruktur für dih richtigi Entsorgig fählt. Und was es au ned besser macht: die extreme Naturphänomen wo mer jetzt au hutno hei dörfe miterläbe mit em Räge und de Überschwemmige. Das schwemmt de ganz Ghöder au no ah Strand ah wo de ebe viune Tier zum verhängnis wird.

    Mit sehr gmischte Gfühl sih mer de weder retour zum Hotel. Zum das ganze chli z verdaue hei mer eus defür entschide, zersch mou en Mittagsschlof z mache. Mer sih richtig k.O. gsih.

    Nachdäm mer verwachet sih hei mer afo öberlege uf was mer lust hei. Mer hend eus de defür entschide, nochli dur Ubud z schländere und echli go z lädele. Nachem lädele hets natürli no Hunger gä und mer hend im Restaurant Pistachio es super feins Znacht dörfe gniesse mit enere tolle Band.

    Dä Tag hüt het eus weder einisch meh zeigt das Freud und Leid sehr nöch cheu benenand ligge. Mer sih dankbar für alles wo mer hend und ich glaube die Täg do in Bali gebe eus en nomol viu besserig wohrnähmig ufd Natur und zeigt eus eifach wie wichtig das es isch, dass mer alli meu Sorg träge zu eusere Natur. 🌳

    Jetzt leu mer de obe uf eusem Balkon loh usklinge und luege was de morgig Tag für eus bereit het.✨    Læs mere

    Se oversættelse
  • Bali 2025.☀️🏝️
    13Mangosteen 😍✨En asiatische Chrot 🐸En asiatische Schmalmaul-Frosch🐸En Tokay Gecko 🦎En Gottesabätterin 🪳En Baby Tokay Gecko 🦎En asiatische Husgecko 🦎 inkl. Spinne 🕷️3Es Glüehwürmli 🥰🪲En Zikade 🪳en huuuere Lärm mache die Ficher 🙈

    Tag 7: Relax, take it easy.🎶

    13. september 2025, Indonesien ⋅ ☁️ 24 °C

    Hüt isch alles seeehr gmüetlich gsih.
    Mer hend als ersts mol richtig usgschlofe und sih denne gmüetlich go zmörgele.
    Als ersts hei mer denne es Mittagsschlöfli gmacht, well mer so vollgfrässe gsih sih 😅.
    När sih mer mou uf en chlini Erkundigstour uf eusem Hotelgländ.
    Hüt isch es zwar Bewölkt aber defür rächt Heiss gsih.
    Nach däm chline Tüürli sih mer mou no e Rundi go bädele. 🏊‍♀️ Zudäm sih mer au nochli im Legistuel umegläge. Ich han ih dere Zyt online be Kambly dih neui Brätzeli Limited Edition bstellt 😂.
    Wo mer eus de fertig abküehlt hei, si mer nomol z Ubud go umeschländere.
    Död hei mer viu glädelet und es hammer geils Kafi entdeckt 😍. S Mango Mango Café. En absoluti empfählig wenn der mou uf Bali chömet.

    Nachdäm mer kei Geld me im Sack gha hei (geistesgägewärtig hei mer natürli ned alles mitgno 🤪) sih mer weder zrug zum Hotel go Znacht ässe. Im Zimmer hei mer eus denne no de Postcharte gwitmet.

    Jetzt Mampfe mer no chli Mangosteen ufem Balkon.✨

    PS: es Folge paar Föteli vom Yannic sine nächtliche Tierli-Erkundigstourene 😂.    Læs mere

    Se oversættelse
  • Bali 2025.☀️🏝️
    1112🥹🥹😅😅Sonnebrand lässt grüssen 🫠🦀

    Tag 8: Bem 2te Ahlauf hets klappet🤿

    14. september 2025, Indonesien ⋅ ☁️ 24 °C

    Hüt am Morge sih mer richtig ufgregt gsih nachem verwache. Mer hei hüt nomol en Versuech gstartet mit em Schnorchle. Als ersts hets aber natürlich weder es feins Zmorge gä. Am Yannic sis het super guet usgseh. Ich ha nüt chöne ässe weli so ufgregt gsih be 😅.
    Am 9ni sih mer denne mit eusem Grab (Uber) ah Sanur Harbour abe düüset. Död ahcho hei mer mol gluegt wie mer jetzt uf Nusa Penida öbere chöme.
    Das het sich de zimmlech schnäll klärt gha und churz drufabe sih mer scho im Schnellboot ghöcklet.
    D Fahrt het ca. 40 Minute duret. Z Nusa Penida ahcho hei mer eusem Guide, am Alit, gschribe, dass mer bereits ahcho sih und ob mer eventuell sogar früecher cheu starte. Das het alles eso tiptop klappet und churz drufabe sih mer scho im Boot richtig Manta Bay ghöcklet. Död ahcho hei mer eusne Auge chum chöne glaube, öber 20 Mantas sih död dürs Wasser gschwäbt und mer eifach zmitst drin.😍
    De 2ti Stopp isch denne ir Crystal Bay gsih. Död hets wunderschöni Koralleriff, Fischli und sogsr Schildchrötli gha 🐢.
    De 3ti Stopp isch ir Gamat Bay gsih. Ih dere Bucht hei mer de Fischli dörfe Fuetter gä 🐠.
    De letzti Stopp isch denne no de Wall Point gsih. Das isch es Koralleriff wo rächt Steil anere Wand isch und död hets au wunderschöni Fischli.
    Es isch es unglaublichs Erläbnis gsih. Im erste Momänt hani echli schiss gha. Aber woni mih uf die wunderschöne Tierli und Koralle ha afo fokussiere isch die Angst wie wägblose gsih.

    Nachem Schnorchle hets denne no es Zmittag gä und mer sih nochli dur Nusa Penida gschländeret, bis euses Boot zrug uf Bali isch. Btw.: das isch dih schlimmsti Bootsfahrt vo mim Läbe gsih 🙈🫠. Ich ha mehrfach gmeint mer geu jetzt under. Es isch stickig heiss gsih und es het alles nach Benzin gstunke 🙈. Be so froh gsih wo mer weder Land unter de Füess gha hei 😅.

    Zrug im Hotel hei mer festgstellt, dass mer beidi en komplette Sonnebrand hei 🦀. Und wöu mer so k.O. vom Schnorchle gsih sih, hei mer eus churzerhand defür entschide mit em Roomservice s Znacht is Zimmer z bstelle. De Yannic het uf englisch am Telefon Esse bstellt 😊.

    Jetzt geu mer de go Pfüüsele mit ganz viune tolle Erinnerige im Chopf.✨    Læs mere

    Se oversættelse
  • Bali 2025.☀️🏝️
    Manta, Fischlii, Schildchrötli 🥰
    D SUVA freut sich 😅En Husgecko 🦎En Husgecko 🦎

    Tag 9: Rain is Back 🌧️☔️

    15. september 2025, Indonesien ⋅ ☁️ 23 °C

    Jetzt isch bereits euse letzti Tag ahbroche. D Zyt isch leider viu z schnäll dure 😢.
    Als ersts sih mer weder fein go Zmörgele, zum Glück cheu mer das feine Zmorge de Morn no es letzts Mol gniesse.
    Leider hets jedoch bereits scho dih ganzi Nacht und när au de ganz Tag weder grägnet 🙈. Ich glaube eusi Sonnebränd sih no froh drum gsih 😅.
    Darum hei mer eus defür entschide, dass mer de hüttig Tag gmüetlich näme.
    Mer sih no es letzts Mol uf Ubud füre und död durd Strosse gschländeret. Mer hei jedoch zimmlech schnäll bemene Stand denne zwöi Pellerine kauft.
    Natürlich han ich denne no mis traditionelle Ferietattoo möse go mache 😋. De Yannic het keis Motiv für sich gfunde und het darum keis gmacht.

    S tattoowiere het natürlich echli hunger gmacht und im Räge hei mer ke lust me gha zum umelaufe. Darum sih mer denne ines Beizli en chline Appetizer go nä 😋.

    Gäge dih 17.00 Uhr sih mer de mol zrug is Hotel und hei afo mol gstartet mit Packe. Well de Räge immerno ahghalte het hei mer eus defür entschide, dass mer nomol be eus im Hotel öbis gönd go esse.

    Nachem Znacht sih mer no churz los ines chlises Lädeli ide Stross und hei es paar Snacks füre Heiweg morn pöstetlet. Ich mein wär kennt se ned? D Maltitos 😂.

    Jetzt höckle mer nochli ufem Balkon, lose am Räge zue, luege d Geckos ah, wo eus chöme cho bsueche und Mampfe nochli Mangosteen. ✨    Læs mere

    Se oversættelse
  • Bali 2025.☀️🏝️

    Tag 10: its the End.😢

    17. september 2025, Schweiz ⋅ ☁️ 11 °C

    Soo leider sih mer jetzt bereits weder zrug ide Schwiz. Natürlich sih mer au froh drum und freue eus verallem au uf eusi Tierli. Aber echli trurig sih mer scho au. Es isch wörk wunderschön gsih und mer hei so viu wundervolli Erinnerige dörfe sammle.

    Gester hei mer nomol fein chöne go Zmörgele und no es letzts mol d Usicht chöne gniesse. Bem Packe hets am Yannic de no eis ih Rücke ghaue 🙈 mer sih halt nümme dih jüngste 😅🥲.
    Am viertel ab 12 sih mer de vo eusem Chauffeur abgholt worde und es isch richtig Flughafe. Es meega Vercherschaos hei mer gha und so sih mer fasch 3 Stund unterwägs gsih 😅.
    Am viertel vor 7ni Zobe isch de de Flüger richtig Abu Dhabi. De Yannic het Filme gluegt und ich ha chöne pfüüsele. Z Abu Dhabi sih mer de en churze Mitternachtssnack go nä und de isch es scho witer ih nöchst Flüger. Natürlich mit Pumkin Spice Latte 😍🎃.

    Jetzt tuckerle mer hei und freue eus uf euse chline Zoo dehei.🥰✨    Læs mere

    Se oversættelse
    Slut på rejsen
    17. september 2025
  • 2026© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk