Markha-Valley Tag 1

Nach em Usflug a Pangongsee isch gester Pousä und Plane agseit gsi... Mir hei gmüetlich usgschlafä, e chli gshoppet, umpackt und die wiiteri Ziit hie planet, vilich geit de Plan ja chli besser uf aus bis ize😅

Hüt isch es när losgange mit em Trek. Eigentlich wär planet gsi ab Zinchen loszloufe ungefähr 1.5 km vorher isch zStrass leider nümm befahrbar gsi und mir si dert gstartet :)

Über Strass, Wanderwäge, dürs Flussbett und quer düre Fluss - zLuxusgirl natürlich mit Sandale - si mir när Richtig Yurutse gloufe. Näb Bärge in allne Farbe - rot, grün, brun und grau- hei mir ufem Wäg ou ä grossi Gruppe Gämschi direkt vor üs dörfe beobachte. Yurutse, zerste "Dorf" uf dem Trek mit emne Homestay, dBezeichnig Dorf isch jedoch sehr wiit hergholt es het nämlich nur eis Huus, isch üses hütige Ziel gsi.
Mit de wenige andere Trekker hei mir de Nami ner mit Gützli und Tee verbracht... Ize si mir gspannt uf zZnacht wo mir bechöme 😋Read more