Kameltrekking Thar Desert

Nach so viu Städt und Kultur isch es für üs wieder höchsti Ziit worde, wieder es Abentüt zstarte - es Kameltrekking ide Thar Wüsti!

Nachdem mir uf de Fahrt härä mit Zwüschestopps ire Abandoned Village und amne See isch es los gange - mir Drü mit eim Guide und eim "Lehrling". Nach guet 1.5h riite riite, dür die sehr grüeni Wüsti, si mir bi üsere Sanddüne acho😍
Nachemne Chai hei mir üses Bett under de Sterne ufgstellt und sie hei üs es feins Znacht überem Füür kochet. ZHighlight vo dem Tag isch aber ersch no cho, vorem ischlafe de endlosi Sternehimmel mit Sternschnuppe bebachte😍

Während Delphine und ich am Morge meh oder weniger erholt ufgwacht si, isch dNoémie leider nid so fit gsi - über Nacht het si e Grippe entwicklet... De 2. Tag Kamelriite isch für si drum ou dütlich weniger spassig gsi. Die 2. Nacht hei mir ohni "Camp" verbracht und drum dMätteli direkt i Sand gleit - e coole Erfahrig, Kombination us Sunnecreme, Schweiss und Sand pberau führt aber nid derzue, dass me sich bsonders suber fühlt😂

Nach emne schöne Sunneuntergang hets ou hie wieder Znacht gä bevor mir no es letschts mau de indisch Sternehimmel gnosse hei. Am nächste Morge isch es den für dnoémie mit em Jeep und für üs mitem Kamel zrüg is Dorf und vo dert uf Jaisalmer gange!

Nach ere wohlverdiente Duschi geits iz uf dSuchi nachemne Picknick für 20 Stunde Zugfahrt nach Dehli - ob mir öppis äsbars Brot finde? 😊Okumaya devam et