Jaisalmer

Üses Abteil im Nachtzug isch erstaunlicherweise es ganz normals Abteil gsi und mir hei üs sogar chönne vorstelle das mir die Nacht chönnte schlafe 😅 Nach de erste paar Haltestelle si denn aber immer meh Lüt igstige und mir si plötzlich 10gsi für 8 Bett und eine isch uf üsem Bett am schlafe gsi. Ihres Englisch isch sehr begrenzt gsi und drum heimer das Problem uf nachem Znacht (ds Indisch Pick nick Angebot isch sehr beschränkt gsi) verschobe. Womer de alli glich uf üsne Bette si gsi isch de d Nacht ou schnell verbi gange und de Kameltrek-Organisator het miteme Schild am Bahnhof uf üs gewartet. Wöu ersch 5i am Morge isch gsi simer zersch nomal is Bett bevor dasmer denn de Tag in Jaisalmer verbracht hei. Je witer das mir vo Delhi chöme desto besser gfalle üs d Städt. Es isch zwar immer no sehr warm aber mitem Wind und viu weniger Lüt ou besser zum ertrage. Mir hei sogar e schöne Ort für de Sunneuntergang mit Ussicht uf die ganzi Stadt gfunde.
Hüt am Morge heimer üs de no uf d Suechi nach de Post gmacht und üsi lezte Postkarte verschickt und freue üs ize uf 2 Täg I de Wüesti 🐫 Czytaj więcej