The Blue Mountains

Hüt hemmer vo Sydney en Usflug zude Blue Mountains gmacht. Will mir euse Jucy vor paar Täg abgeh hend hemmer für hüt es Auto gmietet. Mitem brandneue wiise Blitz simmer abdüst, ufd Autobahn und nach unschlagbare 15 Minute hets ufem Display scho chli orange glüchtet. Aber easy de BMW vode Nadia kennt nüt anders als orange uflüchte☠️😂
Irgendwenn het sich denn aber s fahre so komisch ahgfühlt, dass mer bi de nächste usfahrt use sind. D Laura het usem Fenster gluegt und seit: „Du bro, mir hend absolut kei Luft meh im Reife!“
Sozege uf de Felge simmer den zmitzt uf de Strass vorer rieese Krützig stoh blibe.

Jap, sehr ungäbige Standort für en Platte🥲. Aber genau will mir am dümmste Ort stoh blibe sind und mir eus wahrschinlich vo witem ahgseh het, dass mir absolut kei Ahnig hend wie mer es Rad wechslet, het eus denn en sehr fründliche Mah ghulfe. In öbbe 10 Minute heter das Krüppel-Notrad denne montiert. Währenddesse hend sicher öbbe 5 Lüt hilf ahbote!

Mit dem Notrad döfmer max. 100Km fahre. Will mir aber absolut kei Bock gha hend nomol alles zrugg z fahre hemmer denkt: No risk, no fun. und sind den schön brav mit maximal 80km/h 200Km zude eusem Usflugsziel und wieder zrugg gfahre. En Vorteil hets auno gha, mir sind so langsam gfahre dass mir kei Tank brucht hend🤓

Ah dere Stell:
EIN HOCH AUF AUSSIES! Ihr sind alles geili Sieche👏🏻

Jetzt no zude Blue Mountains: War gut, hat spass gemacht.Read more