Reimposta ricerca
Nadine und Jan Südostasien
  • Jan Wohlgemuth
  • Nadine Woolley
  • Jan Wohlgemuth
  • Nadine Woolley

Nadine und Jan Südostasien

Thailand, Kambodscha* und Indonesie mir chömed
*ääh Vietnam Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più nuovi
  • Inizio del viaggio
    1 aprile 2022
  • Nadine und Jan Südostasien

    3 days in Bangkok

    5 aprile 2022, Tailandia ⋅ ☁️ 27 °C

    Mit de negative Testergebnis hemmer scho am erste Abig chöne d Stadt go erkunde. Mier sind an Jodd Fairs Markt, wo mer de Beni und sin Brüetsch, wo sit 15 Jahr in Thailand lebt, troffe hend. Am nöchste Tag simmer via Chatuchak Market mit ihne und ihrne Fründe go beache und aschlüssend go esse und trinkee 🍻. Am 3. Tag hemmer eus no chli Sightseeing durch Bangkok gönntLeggi altro

    Guarda la traduzione
  • Nadine und Jan Südostasien
    21safety first! 🏍🚨2

    Bangkok - Chiang Mai - Pai

    8 aprile 2022, Tailandia ⋅ ⛅ 25 °C

    Mit em Nachtzug, wo btw würkli voll in Ordnig gsi isch, simmer vo Bangkok nach Chiang Mai und denn wiiter mit em Bus uf Pai gfahre. D Busfahrt nach Pai isch sehr kurvig, schnell und holprig gsi... de Jan het's jedefalls nöd eh soo guet vertreit. Die nöchste 3 Täg hemmer denn Pai erkundigt. D'Nadine het denn scho mal die erste Nebewürkige vom Esse amne Night Market dörfe über sich erga la. Pai isch zu dere Jahresziit leider recht troche und heiss gsi und es het au viil Smog gha. Es isch aber trotzdem e recht schöni Gegend!Leggi altro

    Guarda la traduzione
  • Nadine und Jan Südostasien
    1Doi Inthanonde star vo de drag show 👯‍♀️😂🍼Sticky Waterfalls

    Chiang Mai

    15 aprile 2022, Tailandia ⋅ ⛅ 34 °C

    Eigentlich hemmer eus scho es AirBnB reserviert gha, aber wo mer denn det acho sind, het's eus so fest gruuset, dass mer last minute no es Hotelzimmer gno hend für zwei Nächt. Nacher hemmer ines Hostel gwechslet, wo mer paar tolli neui Lüüt kenneglernt hend und au en Mini-Chochkurs hend chöne mache. Vo Chiang Mai us, hemmer paar sehr cooli Tagesusflüg gmacht wie bspw. en Töff-Tour durch d Berge, en Tour zum Doi Inthanon (de höchst Berg vo Thailand mit 2565 m.ü.M.) oder e Fahrt zu de Sticky Waterfalls, wo mer hend chöne de Wasserfäll entlang deruf laufe. Es absoluts Highlight sind aber uf jede Fall d Nightmarkets in Chiang Mai gsi. Es git soo viel zum entdecke und aluege und s Esse isch absolutely amaaazing (üse favorit: Khao Soi Curry-Suppe! Fazit: Chiang Mai und Umgebig isch grande!😍 10/10.Leggi altro

    Guarda la traduzione
  • Nadine und Jan Südostasien

    Phuket

    17 aprile 2022, Tailandia ⋅ ☀️ 31 °C

    Mit üsem erste Inlandflug (scho chli schlechts Gwüsse hemmer) simmer nach Phuket greist. Phuket het eus nöd e so mega fest gfalle. Es het viel Resorts, es isch recht tüür, touristisch und au nöd so schön. En Tag am Strand inklusive fettem Sunnebrand und feine Seafood sind trotzdem lohnenswert gsi. Nach zwei Nächt hemmer eus uf de Weg nach Khao Sok gmacht.Leggi altro

    Guarda la traduzione
  • Nadine und Jan Südostasien
    1Bluetegel-Attacke 🙃

    Khao Sok

    21 aprile 2022, Tailandia ⋅ ⛅ 31 °C

    D'Natur im Khao Sok Nationalpark isch genial. Mir hend i Bungalows ufm Wasser übernachtet, hend Höhlene agluegt, sind go kayake, go schwümme und sind durch de Jungle gwanderet.

    Guarda la traduzione
  • Nadine und Jan Südostasien

    Abtaucht in Ko tao

    27 aprile 2022, Tailandia ⋅ ⛅ 30 °C

    D Mageproblem sind nach drü Wuche auno bim Jan ahcho. Scheisse 🥲. Die wunderschön Insle hemmer i eusem rustikale Bungalow aber scho chli chöne gnüsse. Mit rustikal isch gmeint, dass mer's mit ere fette Echse, Ratte, Kakerlake und riesige Spinne teile dörf. D'Nadine het denn nach zwei Nächt us unerklärliche Gründ, s Hotel welle wechsle.... Am dritte Tag hemmer eus entschiede s Open Water Tauchbrevet z absolviere wo mer nacher grad no s Advanced ahghenkd hend. So simmer mit eusem holländische Tauchlehrer namens Bo, wos würklich super gmacht het, 5 Täg lang am tauche gsie. Viel meh als esse und schlafe hemmer nebedrah nüme möge mache. D Insle und ihri Tauch- und Schnorchelgebiet sind uf jede Fall atemberaubend. 😍Leggi altro

    Guarda la traduzione
  • Nadine und Jan Südostasien
    Zum d'Nachfrag nach wietere Janmittöffhelmbilder zbefriedige @maxFrüchteboy1Topp 3 pizza everso vieli Tintefisch (mit viel stink)1Bein verdreht

    Ko Pha-ngan

    3 maggio 2022, Tailandia ⋅ 🌧 29 °C

    Als nächsts simmer uf Ko phangan und hend e cooli Unterkunft am Strand gfunde. Mir sind an Nachmarkt, in Nationalpark go Wasserfäll ahluege und will’s so schön gsi isch, simmer grad namal go tauche. Und nach eme Monet thailändischem Esse, hemmer sehr fest nach europäischem Esse craved und hend en bombastischi Pizza im Städtli gfunde.Leggi altro

    Guarda la traduzione
  • Nadine und Jan Südostasien
    no glücklich
    wie wiit mer grad mal cho sindzweite Versuechready für 11 h Zugbald hemmer'sNadine uf sich ellai gstellt1is Flugi gschafft yey

    Ko Phangan - Bangkok

    4 maggio 2022, Tailandia ⋅ 🌧 28 °C

    Puurs Ghetto... Mir hend uscheggt und sind uf die 13:00 mitem Taxi an Hafe gfahre zums Bot uf Chumpon zneh (3h). Währenddem isch es voll am aberegne gsi. Nach öppe ere Halbstund Verspötig simmer mitem Motorboot (chlises Speedboot) abgfahre. Denn het's nach öppe 5 min Fahrt ahgfange… D Welle sind so jensiets gross gsi, dass mer zwüschedure im freie Fall über d Welle tätscht sind, alli Mitfahrer:inne immerwieder ufgschreit hend und mer öppe 3x denkt hend, dass euses letschte Stündli gschlage het. Am Jan isch chotzübel und er isch chridewiis gsi. De Kaptain (also eigentlich drü Kaptains, wo sich all drü Minute abgwechslet hend, will's obviously au nüm wiiter gwüsst hend) het nach 20 Minute Horror ohni vorwärts z'cho zur Erliechterig vo allne Insasse entschiede umzchehre. So hemmer en Tag am Hafe verbracht zum usefinde wiemer euse Nachtzug no chöntet verwütsche oder was mer für anderi Optione hettet. Für eus isch aber klar gsi: uf das Boot gömmer nüm, obwohl's 2 h nomal en Versuech gstartet hend. Für de Nachtzug het‘s deshalb nüme glanget. Mier hend aber bi besserem Wellegang mit de grosse Fähri uf Surat Thani chöne fahre. Dete hemmer ein Nacht imne Hotel verbracht und hend am nöchste Morge de Zug nach Bangkok gno. Nach 11 h Zugfahrt simmer erliechteret im Hotel acho mit em Wüsse, dass mer ohni Problem euse Flug nach Vietnam verwütschet. Höhöö! Nöchsts Problem: Währenddem d Nadine ihres Visa scho am Morge früeh becho het, chunt am Jan sis eifach nöd…. So flügt d Nadine halt ohni Jan uf Hanoi. Immerhin simmer nöd die Einzige mit Visa-Problem gsi und de Jan het de Abig in Bangkok mit de Daisy (Holländerin, au ohni Visa) verbracht. Am nöchste Tag het de Jan sis Visa no becho und het am Abig uf Hanoi chöne flügeee. Haappy End!Leggi altro

    Guarda la traduzione
  • Nadine und Jan Südostasien
    thank you for having us, and thank you for the ruggewehPuppetheater

    Hanoi

    8 maggio 2022, Vietnam ⋅ 🌧 29 °C

    Nach üsne turbulente Täg vor de Abreis nach Vietnam, hemmer e mega cooli Ziit in Hanoi dörfe ha (het guet ta). D'Stadt isch sehr lebendig (verkehrstechnisch 😅 wie au sozial) und het sehr viel z büüte. Mir hend recht viel Ziit mit de Daisy verbracht, hend fein gesse (uf chline Stüehl), sind es Puppetheater go luege, ufeme Wulchechratzer gsi, viel durch d Stadt gschlenderet und au im Usgang gsi. Es Highlight in Hanoi isch definitiv au d Massage gsi, wo mer eus gegönnt hend. Die isch nämlich ziemlich speziell und recht tüür gsi für vietnamesischi Verhältnis. Und zwar hend eus blindi Persone, wo im Rahme vomne Integrationsprogramm e Masseur/euse-Usbildig gmacht hend, massiert. Besti Massage vo eusne Läbe. Es isch würkli sehr idrücklich gsi, was die beide für es Gfühl für de Körper gha hend.Leggi altro

    Guarda la traduzione
  • Nadine und Jan Südostasien
    11121

    Sa Pa

    11 maggio 2022, Vietnam ⋅ ☁️ 20 °C

    D'Reis uf Sa Pa isch wieder mal filmriif gsi. Es het eig guet agfange mit de Mitteilig, dass mer es "Upgrade" becho hend i eusem Nachtbus. VIP. Und d Kabine het würkli komfortabel und grosszügig usgseh...für ein Person. Aber scho bim inecho hemmer eus gwunderet, warum denn zwei Lüüt i dene Kabine hocked... Surprise: Die Kabine sind für zwei Persone denkt 😃. Wo's denn het sölle los ga, het de Bus denn nüme welle... ca. 1 h nach hoffnigsloser Flickversüech und eim Buswechsel hemmer denn aber chöne losfahre. Isch uf all Fäll kuschlig und amüsant gsi mit üsne Mitfahrtgesellle. Mit wenig Schlaf simmer in Sa Pa acho und vo eusere lokale Trecking-Füehrerin abgholt worde. D'Treckingtour durch d Riisterrasse vo Sa Pa isch trotz Rege atemberaubend schön gsi. Bi üsere Füehrerin dehei hemmer denn Znacht gesse und übernachtet. So hemmer en chline Iblick is Lebe vo de Locals becho. Ziemliche Realitätscheck gsi. Au im Umgang mit de Tier hemmer öfters mal leer müsse schlucke (ich glaub, d'Bilder spreched für sich). Am nöchste Tag simmer zrugg is Dorf gloffe und am Namitag mit ere Schwiizer Seilbahn (ageblich längsti vo de Welt) uf de höchsti Berg vo Indochina (3143) gfahre. Sehr schön gsii. De dritti Tag isch nöd sehr spektakulär gsi und mir freued eus jetzt uf Ha Giang.Leggi altro

    Guarda la traduzione
  • Nadine und Jan Südostasien
    in Asie isch alles z chli für de Jan. Au Caveshie wird us Hanf Stoff hergstellt"es git kei schlecht Wetter, nume schlechti Chleider" 🥲scho fast in China1Buechweizefeld (aka best insta spot)endlich mal grüeni Riisfelder2brumm brumm

    Ha Giang Loop

    15 maggio 2022, Vietnam ⋅ 🌧 22 °C

    Es wiiters Highlight vo eusere Reis!😍 Die letzte 4 Täg hemmer de Ha Giang Loop mit em Töff erkundet. Zeme mit eusem Guide, em Diem, simmer es paar vo de schönste Ort vo Nordvietnam go agügsle. Trotz wechselhafte Wetterbedingige und teils chüele Temperature, isch es sehr sehr sehr schön gsii. 12/10Leggi altro

    Guarda la traduzione
  • Nadine und Jan Südostasien

    Ninh Binh

    17 maggio 2022, Vietnam ⋅ ☁️ 26 °C

    Mir hend eus chruzfristig dezue entschlosse, vor Hoi An en Zwüschestop in Ninh Binh izlegge. In Ninh Binh hemmer e Bootstour gmacht, wo mer au durch verschiedeni Grottene gruederet sind. Denn simmer au no verschiedene Tempel go aluege und uf irgend en Berg ufegloffe. Durch das, dass Corona zu dem Ziitpunkt immer no spürbar gsi isch, het's sehr wenig Tourist:inne gha. Het sich uf all Fäll glohnt und sind positiv überrascht worde vo de schöne Natur.Leggi altro

    Guarda la traduzione
  • Nadine und Jan Südostasien
    1no body shaming aber die frau meints eifach chli z guet mit em dene dogos

    Hoi An

    19 maggio 2022, Vietnam ⋅ 🌧 27 °C

    Mir sind mit em Nachtzug vo Ninh Binh uf Da Nang gfahre. In Da Nang simmer denn zerst mal vo Taxifahrer belagert worde, wo würkli sehr ufdringlich gsi sind. Schlussendlich hend eus denn zwei Töfflibuebe mitem ganze Gepäck mitgno und uf Hoi an bracht. Die ganz Story dezue folgt. Im Homestay simmer zersch mal vo 5 schwer übergwichtige, aber dennoch zuckersüesse Hünd begrüesst worde. Grundsätzlich hemmer genau das gseh und gmacht, womer in Hoi An gmacht ha muess: Zum Schnieder gah und Laterne ahluege. Es isch e sehr herzigi Stadt und het e wunderschöni Fuessgängerzone. D'Lüüt sind aber teils sehr ufdringlich und es isch nöd selte vorcho, wo mier eus nüm so wohl gfüglt hend und eus alles chli zu touristisch gsi isch. D Hündli hend's aber wieder guet gmacht und es het sich definitv glohnt gha, Hoi An z bsueche.Leggi altro

    Guarda la traduzione
  • Nadine und Jan Südostasien
    Vietnamese Pancakes"Tankstell"22

    Central Highlands

    23 maggio 2022, Vietnam ⋅ ☁️ 27 °C

    Wie scho atönt, simmer vo zwei Töfflibuebe vo Da Nang uf Hoi An bracht worde. Sie hend eus denn bimne Kafi ihri Agebot a Töfftoure unterbreitet. Zerst simmer recht skeptisch gsi, aber nachdem mer verschiedeni Reviews agluegt hend und mer au scho devo ghört hend (merci Sara), hemmer eus dezue entschiede, nomal 4 Täg mit em Töff unterwegs z si. De Suu (euse Guide) het all euses Gepäck uf sin Töff gschnallt und mir sind s zweite ufeme Scooter unterwegs gsi. Am erste Tag simmer d Tempel vo My Son go aluege und hend debi es sehr netts Pärli vo London kenneglernt. Denn simmer wiiter in Richtig Berge wo mer scho s erste Mal komplett verregnet worde sind. S Wetter ide nöchste Täg isch sehr wechselhaft bliebe. Mir hend immer wieder Halt gmacht bi verschiedene Tempel oder Iheimische/minoritäre Völker. Währenddesse hemmer viel über s Land glernt und de Suu het au viel vom Vietnamchrieg verzellt und was es us sinere Perspektive mit de Bevölkerig gmacht het. Es sind idrücklichi und sehr schöni Täg gsi. Es isch aber mit de Ziit au sehr astrengend worde und d Nadine het au starchi Hüftschmerze becho vom viele Töfffahre. Vo dem her simmer denn au mal froh gsii, gsund und zfriede in Na Trang acho z'si und mit em Zug wiiter nach Ho Chi Minh z'reise.Leggi altro

    Guarda la traduzione
  • Nadine und Jan Südostasien
    De Jan het ws. nöd überlebt🥲1

    Ho Chi Minh

    25 maggio 2022, Vietnam ⋅ 🌧 34 °C

    In Ho Chi Minh hemmer eus vor allm am gschichtliche Hintergrund vo Vietnam gwidmet. D Bilder und d Gschichte, wo im Kriegsmusuem usgstellt gsi sind, sind erschütternd gsi und hend eus sehr mitgno. De Usflug zu de Cu Chi Tunnel (es unterirdischs Netzwerk vo de Viet Cong's us Chriegsziite) isch eus chli z langwierig gsi, aber trotzdem au sehr idrücklichLeggi altro

    Guarda la traduzione
  • Nadine und Jan Südostasien
    Balangan Beachersti Wavesafter surf friise sitzt

    Uluwatu

    2 giugno 2022, Indonesia ⋅ ⛅ 30 °C

    Mier hend's uf Baliiii gschafft! De Flug uf Bali isch ohni wiiteri Problem verloffe, hend aber denn bi de Ireis extrem lang müsse warte... In Uluwatu isch alles chli so wie mer sich Bali vorstellt: fancy Lädeli, Kafis mit emne Überagebot ah Avo-Toasts und Acai-Bowls, höchi Priise und viel Lüt, wo sich sehr selbstüberzügt als "digital nomads" bezeichne würed. De westliche Touch ide Chuchi hemmer aber nach zwei Mönet asiatischem Esse scho au mal wieder cool gfunde. Nachdem mer zwei Täg imene Bungalow gsi sind, wo de Jan am Morge immer chli Gagi vomne Gecko uf sinere Bettsiite gha het, simmer in es Surfcamp gange. Für eus isch ds ideal gsi, will so de Jan uf sim Niveau und ich uf mim hend chöne los ga. S Surfe (au wenn mengisch chli scary) isch eh super Abwechslig gsi zum vorherige Programm und het sehr guet ta.Leggi altro

    Guarda la traduzione
  • Nadine und Jan Südostasien
    1

    Rinjani Trecking Tour

    10 giugno 2022, Indonesia ⋅ 🌧 14 °C

    Vo Nusa Lembongan simmer via Bali (zum s Visa verlängere) wiiter uf Lombok. In Lombok simmer wieder wie gewohnt komplett vo Locals belageret worde. Sig's für es Taxi oder für en Trecking-Tour uf de Rinjani. Mier hend aber alli abgwimmlet und sind schnellstmöglich is Hotel. Vo dert us hemmer eus denn doch defür entschiede, en Treckingtour uf de Rinjani z mache anstatt go surfe z'ga. Mier hend denkt, dass segi besser für de Zäche vo de Nadine, wo sie sich bim Surfe am Riff ufkratzt het (voll die gueti Idee gsi...). Die folgende Zahle zu eusere Treckingtour sprechend für sich:

    1 Vulkan - 3 Täg - 2 Nächt ufm Steibode - 22 h wandere - 3100 hm ufe - 0 ° C - 3600 hm abe - 1 Hot Spring für biz Erholig - 1 entzündte Zeihe - 2 Mensche am absolute Aschlag - schön isch es trotzdem gsi    Leggi altro

    Guarda la traduzione