Nadine Woolley

Gili Air het ere Geisterinsle gliiche... Perfekt aber um sich vollständig vo de Erchältig z'erhole🙏🏼. Me als gesse, gschlafe und chli gschnorchlet hemmer eig nöd gmacht. Wiiter simmer nach Ubud greist. Obwohl mer demit grechnet hend, dass es relativ touristisch wird si, het das, was mer vorgfunde hend, all eusi Erwartige übertroffe... im negative Sinn. Es het eus recht trurig gmacht, was de Massetourismus us dem Ort gmacht het. Vo Ubud us simmer denn no uf Kintamani es Kafi go ne. Das het sich würkli no glohnt. Spöter in Canggu het's eus wieder fast de Nuggi usetätscht: Nöd eimal hemmer uf eusere Reis so viel Touris uf eim Fleck atroffe. De Hype schiint real z'si: d Priise sind höch, wie au d Wahrschinlichkeit im Wasser es Brett an Grind z'becho. Mir hend so schnell wie möglich wieder weg welle.Read more