Reimposta ricerca
Nadine und Jan Südostasien
  • Jan Wohlgemuth
  • Nadine Woolley
  • Jan Wohlgemuth
  • Nadine Woolley

Nadine und Jan Südostasien

Thailand, Kambodscha* und Indonesie mir chömed
*ääh Vietnam Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
PanoramicaCalendarioFotografie
  • Nadine und Jan Südostasien

    Kuta Lombok

    15 giugno 2022, Indonesia ⋅ ⛅ 30 °C

    Nach de Wanderig hemmer eus e paar Täg Erholig und au chli Luxus gegönnt. De Zäche vo de Nadine het sich durch d Trecking-Tour starch entzündet und de Apotheker het eus z Gfühl geh, de müsse glii amputiert werde (it's too late my friend). Mit chli Bätte und Antibiotika isch aber no alles guet gange. Het aber gliich es paar Täg Bettrueh für d Nadine bedütet. Ich bin denn no go surfe, währenddem d Nadine am Strand chillt het. Wie mer's au nöd andersch erwartet hend, hemmer eus nach em Wandere au no verchältet und sind beid chli agschlage gsi.Leggi altro

    Guarda la traduzione
  • Nadine und Jan Südostasien
    1

    Gili Air - Ubud - Canggu

    21 giugno 2022, Indonesia ⋅ ⛅ 29 °C

    A üsne nächste drü Destinatione hemmer nöd so viel Ziit verbracht. Die sind
    teils scho sehenswert, aber definitiv keiis Highlight vo de Reis gsi. Gili Air het ere Geisterinsle gliiche... Perfekt aber um sich vollständig vo de Erchältig z'erhole🙏🏼. Me als gesse, gschlafe und chli gschnorchlet hemmer eig nöd gmacht. Wiiter simmer nach Ubud greist. Obwohl mer demit grechnet hend, dass es relativ touristisch wird si, het das, was mer vorgfunde hend, all eusi Erwartige übertroffe... im negative Sinn. Es het eus recht trurig gmacht, was de Massetourismus us dem Ort gmacht het. D Riisterasse sind umge gsi vo riesige Hotelkomplex und alles, was gange isch, het mer kommerzialisiert. Vo Ubud us simmer denn no uf Kintamani es Kafi go ne, wo mer en super Ussicht uf de Batur-Vulkan gha hend. Das het sich würkli no glohnt. Spöter in Canggu het's eus wieder fast de Nuggi usetätscht: Nöd eimal hemmer uf eusere Reis so viel Touris uf eim Fleck atroffe. De Hype schiint real z'si: d Priise sind höch, wie au d Wahrschinlichkeit im Wasser es Brett an Grind z'becho. Mir hend so schnell wie möglich wieder weg welle.Leggi altro

    Guarda la traduzione
  • Nadine und Jan Südostasien
    das sind so ca. 65 kg1er het gseit, ich söll gumpe...

    Vulkan Nummero 2 - Ijen

    23 giugno 2022, Indonesia ⋅ ☁️ 13 °C

    Will mer so schnell wie möglich vo Canggu hend weg welle und d Welle zum Surfe nöd guet usgseh hend, simmer uf Java gflüchtet und hend nomal e Vulkanwanderig gmacht. Mier sind am 1 ide Nacht losgfahre und nach ere ungefähr einstündige Autofahrt losgwanderet. Ca. am halbi 4i simmer dunne im Krater acho und hend s blaue Füür, wo durch d Verbrennig vom Schwefel entstaht, chöne bestuune. Usserdem hemmer chöne zueluege, wie d Mienearbeiter eine vo de härtesti Jobs vo de Welt usüebed (in FlipFlops und ohni Gasmaske schlepped sie täglich ca. 300 kg de Berg uf und ab und das für en Hungerslohn vo 1 Stutz pro 15 kg. Lebenserwartig: 50i). Het eus wieder mal vor Auge gfüehrt, wie privilegiert mir eigentlich sind. Nachem Sunneufgang ufm Kraterrand simmer wieder richtig Hostel und hend eus chli Schlaf nachegholt.Leggi altro

    Guarda la traduzione
  • Nadine und Jan Südostasien

    Medewi

    25 giugno 2022, Indonesia ⋅ ⛅ 25 °C

    Well au d Ziet langsam aber sicher knapp wird, hemmer eus entschiede zrugg nach Bali zgah anstatt wieter in Weste auno uf de Mount Bromo zgah. So simmer 3 Nächt imene mega schöne Homestay mit coole Lüt in Medewi gsie. D Ayu het eus jede Abig mit mega feine indonesische Menüs bechocht. Nebed Surfe het mer nöd allzu viel chöne mache, und au fürs Surfe isch es nöd immer optimal gsie. Isch aber eh tolli Ziet mit coole Lüte gsie.Leggi altro

    Guarda la traduzione
  • Nadine und Jan Südostasien

    No bizli surfe und denn ab nach Hause

    2 luglio 2022, Indonesia ⋅ ⛅ 28 °C

    Nach Medewi hemmer no e knappi Wuche Ziit gha bevor s wieder hei’s gaht. Nach langer Diskussion hemmer eus defür entschiede, nomal paar Täg go surfe z ga in Uluwatu. Einisch simmer no an Fischmarkt in Jimbaran go Zmittag esse und sind no chli go shoppe ufm Weg det hi. Es wiiters mal hemmer Yoga, Sauna und Massage in Ulu gnosse.
    Denn hemer eus wieder uf de Heiweg müsse/chöne mache. Ufm Flug isch de Jan nomal so richtig chrank worde und de Flug het sich zunere einzige Tortur für ihn entwicklet. Aber nach drü so schöne Mönet, het er’s verchrafted. Mir sind guet ide Schwiiz glandet und vo Nicole, Stephen und Nanouk in Empfang gno worde. Hello, we back!    Leggi altro

    Guarda la traduzione
    Fine del viaggio
    2 luglio 2022