Letzt Tag in Ecuador

Da hüt eich absolut gar nüt uf eusere To-Do-Liste gstande isch, hemmer am Morge gar nid pressiert. Nachem Zmorge simmer im Garte vom Hostel nochli ghöckled und hend d‘Sunne gnosse. Irgendwenn simmer denn richtig Städtli. Zersch simmer chli am Fluss Yanuncay nahgloffe, wo no schöni Hüser am Ufer gstande sind. Wieder imne schöne Innehof hemmer en Kaffi gnoh, wo eh alti Frau chli mit eus Gschwätzt het. Denn simmer wieder chli umegloffe, bis mer is nögste Kaffi gloffe sind. So hett eich euse ganzi Tag usgseh. 1Mal wos chli fester ahgfange het Regne simmer no ines Museum, wo ganz viele Prachtstück us de Inkaziit usgstellt het. Mir sind denn no ines Päärli inegloffe, wo im Flug vo Madrid uf Quito nebed eus im Flüger gsesse isch und mir sit do in Quito und in Otovalo mal gseh hend. Es isch eifach immer wieder en unglaubliche Zuefall, dassd würklich immer die gliiche Lüt gsehsch. Am Abig simmer is AMAY Restaurant go esse, wo unglaublich geili Woks gha hett. Nachem Znacht simmer zrugg is Hostel, hend namal dusched und eus ready für die langi Busfahrt uf Peru gmacht. Natürlich isch im Hostel au na de Marvin 🇩🇪 gsi, woh in Baños im gliiche Schlafruum wie mir gsi sind. Er isch au grad uf de gliich Nachtbus cho und denn hemmer zemme es Taxi gnoh. De Nachtbus isch eich ganz oke usgstattet gsi. 2 Stöckig mit 2 noble WCs. Mir hend na es Sandwich übecho und d‘Sitz sind au riesig gsi. Nur leider hetmers nid 180* C chöne abeklappe. Trotzdem hani woner abgfahre isch (22:00) bis mer ah de Grenzi gsi sind (1:30) pennt. Vom Grenzübergang hani recht bammel gha. Vorallem will de vo CostaRica uf Nicaragua echt nid ohne gsi isch. Aber de da isch ja mal en totale Witz gsi. Eigentlich dörf mer au nur nach Peru mkt 3 Impfige, ich han aber nur 2. Aber die Lüt am Zoll hend mich kei einzigi Frag gstellt und de Maah wo mir de Stempfel für Peru geh het, het sogar Suiza falsch gschriibe. Also absolut keis Problem gsi. Mir hend im ganze au nur 1 knappi Stund gha. Denn hani im Bus mini Ohrestöpsel ineda und nomal pennt bis es am 8i am Morge langsam hell worde isch. Und Jetzt simmer gspanne was Peru so bringt.Read more