Hallo Peru!

Pünktlich geg die 10ni isch eusi Busfahrt beendet gsi und mir sind in Chiclayo ahcho. Nachem chliine süesse Cuneca simmer ih dere riise Metropole grad wieder chli überforderet gsi. Mir hend euse letzte Dollarschii ih die peruanischi Sols gwechsled, dass mer gnueg Geld für es Taxi is Zentrum hend. Doch es Taxi isches nid würklich gsi. Es isch sones TucTuc gsi, wos eusses Gepäck uf de Rücksitz gschnallt hend. Z‘Dritte hemmer chum Platz gha det druf und ich bin halbe dusse gsi. S‘Verchehrchaos chammer mit Ecuador aunid vergliiche. Spure gits kei und es hett es maximals gehuupe geh immer. Im Zentrum acho simmer zersch ih euses Hostel go iihchegge. Sie ahde Rezeption het kei Ziit verloore zum eus grad eh Tour für de Tag z‘bueche. Also hemmer eus churz umzoge und scho isch de Tourguide det gstande. Mir sind zum nögste Dörfli gfahre Lambayeque und hend det es Museum bsuecht über d‘Moche Periode, wo no vor de Incas gsi isch und am Namittag simmer no zu de Usgrabigsstätt gfahre. Geg die 7ni am Abig simmer den wieder in Chiclayo abgsetzt worde. Mir sind denn grad as Busterminal go Billet für morn nach Trujillo go poste. Ufem Rückweg hemmer na es Resti gsuecht, da vorallem ich sehr fest hunger vo dem lange Tag gha han. Mir hend den eh chliini Pizzeria gfunde und hend 2 Pizzas bstellt. Die Pizzas sind aber so unglaublich chlii gsi. Gfühlt wio so es Piccolini vo Buittoni. Sehr entüscht hemmer ufem Heiweg binere Bäckerei na es Stück Oreocheesecake kauft, wo mer im Hostelzimmer no gschletzt hend. Müed vo dem laange Tag, simmer denn ihpfuusedЧитать далее