Soreness, sunburns & blisters

Geschter hemmer ganz en gmüetliche Abig gha. Die Kiter sind ganz en gueti Truppe us Dütsche, Schwitzer, Schwede und Brite - sogar UNO mit Spezialregle hends glernt! V.a. bi de 7ni hets es grosses Gjaul gä... zudem hend sich geschter zimli all verbrennt, hend all glüchtet :) :/
De hütig Tag het zimli verkatered agfange... mer hend beid chum de Chopf im Bett chenne lüpfe, alles het eus wehtah! Zur Bekämpfig isch dMartina grad numal is Yoga, het aber wege wunde Händ fascht de downward facing dog nid chenne halte. A propos dogs, vu dene hemmer im Yoga au drü uf Bsuech gha. Si hend flissig bi de Glichgwichtsüebige understützt und immer Freud gha wenns es Gsicht zum Schlecke gä het :)
Dernach simmer wieder ga kite - en Erfolgstag isch hüt gsi! De Fredi isch hüt sini erschte paar Meter ufem Brett gfahre, de Wiggi isch upwind gfahre, de Sämy het sich am strapless Board versuecht und dMartina het ihri erschte 6 suuberi Wendige am Stuck gfahre!
Der Erfolg wird aber tüür mit nu meh Muskelkater bezahlt - am Abig hemmer eus fascht nüm chenne bewege. Au dHänd hend numal glitte, de Fredi het füürroti Handrugge und dMartina het all Finger voller Blase... Mer beaträged sogar, asmer hüt en temporäri Regeländerig fürs UNO 7ni ifüered um eusi Händ chli zschone!*Read more