Winding down in Singapore

Geschter Abig simmer guet in Singapur acho und sind grad als erschts en saftige Burger mit Curly Fries ga esse - uf das hemmer eus so gfreut gha! Für vil meh het eusi Energie denn aber nid glanget, darum hemmer de Samschtigabig mit Lion King im Hotelbett verbracht.
Hüt hemmer denn so richtig usgschlafe - und tatsächlich meh oder weniger bis zum Mittag duregschlafe! Wohl dringend nötig gsi. Dernach hemmer mal chli planet, wasmer in de negschtä Täg wend mache - es git so viles zgseh da! Am Bela sini Tipps plus sTourist Handy wo eus sHotel zur Verfüegig gstellt het hend eus scho mal en erschti Prio vorgä.
Endlich ufgstande und duschet simmer ca am 2 mal usem Hotel cho und in dr Nöchi vu Chijmes (es ehemaligs Chloster) ines dütsches Resti :) hoch leben Käsespätzle! Dernach hemmer euses HopOnHopOff Ticket welle ga poschte - und bi dere Glegeheit nu gschnell ins naheliegende Shoppingcenter wege paar Chlinigkeite ga luege ga... aber da in Singapur chamer "chli" und "shoppe" nid sinnvoll im gliche Satz erwähne! Das Shoppingcenter isch mind. 3x so gross gsi wie bi eus - isch aber doch so unbedütend, ases nur knapp bi Google Maps erwähnt isch...
Später hemmer eus mit dr erschte HopOnHopOff Fahrt en erschte Idruck vu dr Stadt gmacht - und es gfallt eus sehr! Alles isch sehr suuber und gepflegt, en coole Mix zwüschet Kolonialstil und Skycrapers. Nur s Marina Bay Sands Hotel het a dr Martina nid so gfalle, für sie gseht das Schiff eher nachere Seegurke us :)
A propos Marina Bay Sands: das Viertel isch ursprünglich mal Wasser gsi und isch mit importiertem (!) Sand ufgschüttet worde. So isch de Stadtstaat um stattlichi 25% gwachse (8'000 Fuessballfelder).
Später simmer nu chli dOrchards Rd derabgschländeret - unglaublich vil Lüt hets in dere Ichaufsmeile! Denn uf Empfehlig vum Bela ind Emerald Hill Rd ga aperöle und zrugg in Hotelpool ga abchüele :)Read more