Winding down in Labuan Bajo

Eusi Wuche Tauchsafari uf dr Moana isch hüt am Morge zEnd gange :( sLebe an Board, die wunderbare Dive Spots und gueti Gsellschaft hemmer sehr gnosse! Mer hend Josephine & Carsten, Madlen & Robin, Andi & Michi, eusi Leiterin Mel, Guide Rudi und Waiter Darno (wo allne "Sir" gseit het, unabhängig öb Maa oder Frau) is Herz gschlosse, i dere Wuche simmer scho zimli zämägwachse. Mer hoffed uf es Wiederseh in dr Schwiz oder in Dütschland!
Nachere Wuche ohni Haar wäsche und durchschnittlich 23h a dr früsche Luft resp. under Wasser blibemer etz nu en Nacht im Hafestädtli Labuan Bajo und gwöhned eus wieder an feschte Bode under de Füess (aktuell schwankts nu chli...) Mer mached eus mal schlau, wasmer in de negschte 10 Täg da uf Flores chend mache.
Nacheme fuule Namittag und General-Überholig simmer numal is Städtli gfahre und hends eus bim Italiener "MadeInItaly" so richtig la guet ga la: Pizza, Pasta und Vino Rosso!Read more