Pisco & sand dunes

Hüt hemmer wieder Mal herrlich in eusem Kolonial-Hotel chenne usgschlafe :) unglaublich wiemer de ganz Tag cha im Bus hocke, nüt mache ussert Film luege und döse - und am Abig ischmer trotzdem sooo müed :o
Nacheme usdehnte Zmorge simmer zunere Vineyard/Pisco Tour bi eim vu de unzählige traditionelle Wiiproduzente ufbroche. Da wird de Wii nu mit blutte Füess presst, in Lehm-Tanks fermentiert und im Fall vu Pisco dernach nu destilliert. Nach de churze Tour hemmer nu chenne degustiere... zerscht zuckersüessi, Sirup-ähnlichi Wii und denn bis zu 45% Pisco - wo teilwis nid gross anderscht als leere Vodka schmöckt... meischtens trinkt mer Pisco als Pisco Sour, daderzue mischt mer 60ml Pisco mit 30ml Limettesaft, 20ml Zuckersirup und chli Eiwiss imene Shaker mit Iis und füegt am Schluss nu es paar Tropfe Angostura oder Amargo Chuncho derzue...
DMittagshitz hemmer denn am Pool vu eusem Hotel verbracht - und später simmer nu uf die höchsti vu de umliegende Düne ufekraxlet: zwei Schritt vor, ei Schritt zrugg, ... sUfekämpfe het sich glohnt, dobe het mer en schön zweiteilte Usblick gha: links unendlich wiiti Wüesti und rechts dStadt Ica wo an mängne Stelle scho vu Wanderdüne bedeckt isch.
Etz simmer wieder im Bus ufem Weg uf Paracas - hüt sinds aber nur knapp 1.5h Fahrt.Read more