Cold remedies: gourmet food & drinks

Nachdem mer herrlich i eusem 2m breite (aber nur 1.80m lange) Bett usgschlafe hend, simmer ind Larcomar Shopping Mall. Leider nur mit mässigem Erfolg: abgseh vumene reduzierte Hemd füre Sämy hemmer nüt zum Fülle vu eusne Koffere gfunde... derfür umso meh zum Fülle vu eusne Mäge! I dr Huus-eigne Trattoria vu dr Larcomar Mall (übrigens ind Klippe vu Lima inebaut) hemmer herrlich gspise - de Sämy het sich scho im Fisch-Himmel glaubt :)
Leider hemmer eus wohl ufem Bus geschter verchälted, somit simmer nid zspat zrugg i eusem King Size Bett gsi und hend en usdehnti Siesta ghalte.
Am Abig hemmer eus numal mit dr Ussicht ufes feins Mahl ufgrafft - und sind nid enttüscht worde: glücklicherwis hemmer sogar ohni Reservation nu zwei Bar-Plätz i eim vu de beschte Restis in Lima chenne ergattere ("Rafael") und herrlich gspise und Cocktails gschlürft. Zum erschte Mal sit langem hets wieder Mal San Pellegrino und guete japanische Hibiki Whisky gä, high Life pur - trotz Verchältig :)Read more