Montevideo 🇺🇾

Mit de Fähre vo Buenos Aires uf Colonia del Sacramento und vo det us mit em Bus uf Montevideo simmer spaat am Abig ih eusem Selina-Hostel ahcho. S Selina in mtv het erscht grad Ahfang Jahr eröffnet. Dementsprächend isch au d Infrastruktur gsi.. S isch em guete Ruef vo de Selina Chetti leider nid eso grächt worde. E gueti Bar unwiit vom Hostel entfärnt het am Eron aber trotzdem no de Abig grettet. Warum? Sie hend 1liter-Bier gha. S europäische Stelle Artois isch nämlich sowieso s beschte. Ich zitiere de Eron: Europäisches Bier mit Südamerikanischem Bier z vergliiche isch wie wenn du d Bahnhofstrass mit de Plaza Cataluña vergliichsch 🤣
Guet die folgende Täg sind leider nöd eso ufregend gsi. In mtv isch leider nöd so viel los gsi, am Abig hemmer amel au nöd viel möge mache. S isch de Taag dur rächt heiss gsi!
Ich han nach 6 Täg entlich wieder Olive gässe (han scho rächti Enzugserschiinige gha). D Olive sind in Uruguay au würkli sautüür. S Ihksufe im Supärmärt isch au würkli tüürer wie bi eus ide schwiiz.
S guete ah Uruguay isch aber, dass kei Mehrwertstüür verrächnet wird, wenn mer mit ere usländische Karte zahlt. So hämmer also ide Restis immer 22% gspared 🙂Read more