Punta del Este

Will eus Montevideo nöd so guet gfalle gmhet, simmer denn am letschte Tag relativ früeh uf de Bus nach Punta del Este wommer wieder es Selinahostel buecht händ. Das isch zwar chli elter gsi, hät aber dütlich meh lüüt gha und 2 Pool (eine devo beheizt). D öffnigsziite sind nöd würkli ihzhalte gsi. De beheizt Pool het offiziell am 11i am Abig gschlosse, s het eus aber au am 3 am Morge niemmer usegrüert 🙂 Jede Tag hetts im Hostel e Happy Hour vo 19:00 bis 21:00 geh wommer 2x1 überchoo het uf usgwählti Drinks. Wemmer chli mitem Personal gredet het, isch die Happy hour aber au easy vom 11:00 bis am 23:00 verlängeret. Abem 2. Tag isch "per Zuefall" au immer de Gintonic und s Bier im Ahgebott gsi 👏 Die junge Lüt usem Hostel sind alli rächt sozial, egal ob Uruguayer, Türke oder Israelis.

Punta del Este (oder wies de Eron gnännt het: Puta del Sur) isch en rächt beliebte Touriort für Riichi us de länder Argentinie, Uruguay und Brasilie. Entsprächend isch au alles nomal echli tüürer als in mtv gsi. De Strand isch guet, aber de Hafe mit de Robbe isch dütlich de schönner Teil. D Usgangszehne lauft jede Tag, isch aber nur am Wuchenänd würkli volle gsi. "Ich weisses nur voneme Kolleg."

D Uruguayer redet gliich wie d Argentinier, chönd aber nur wenig devo Englisch. S zahle mit Charte lohnt sich rächt, willmer kei MWST zahlt. D Olive sind defür unbezahlbar und das isch für mich es grosses minus 🙂

Jetzt gahts mit eme sehr edle Bus (mit Bett-Sässel) nach Florianopolis chli go euses Samba-Bei schwinge. 17.5h fahrt 😪Read more