Floripa

Florianopolis, au bekannt als Floripa het im Voruus viel versproche. So isches denn au gsi!
De Eron het im 17h Bus nöd meh als 4Stund pennt. Bi mir sinds mindeschtens 12 gsi. Päch für ihn.
S Hostel isch top gsi, falsch buecht hemmer denn halt es 4er Zimmer für eus allei gha :) Ein beheizte Innepool, ein grosse Ussepool und Massageahgebott im Ussebereich (0.55.-/min) sind schomal gueti Vorussetzige für ruhigi Erholigstäg gsi. Wer bis da ane glaubt het, dass mer eus würkli erhollt hend, tüscht sich starch🤣
Am erste Tag simmer im Hostelbereich und schnell am Strand gsi, sind denn aber nöd in Usgang und sind bi Ziite is Bett. Nacher ischs aber losgange 🙂

Was isch alles passiert:

- Tag 2: De Tag isch stürmig gsi, drum simmer de Taag duur Hostel bliebe. Vo Stromusfall zu schreiende Gäscht hetts alles gha. Am abig isch denn eusi Uberfahrerin ines parkierts Auto inegfahre (sodass bi dem de Alarm losgange isch) und isch denn mit eus hinedrin abghaue 🤣. Ihre kommentar zu eus: "Disculpa"
1h später isch sie denn im gliiche Club gsi wie mir. Tatsächlich hets ih dem Schuppe allerart Persone gha, die einte easy furchterregend, anderi ziemli "normal". S beste ah allem isch aber de Wintichläber ah de Empanadas-Vitrine gsi woni per Zuefall entdeckt han.

- Tag 3: wieder hätts gstürmt, aber nid so krass.
De Eron und ich gönned eus e Päärlimassage 😍 und e Kokosnuss am Strand.
Hüt isch euses Uber es Partyuber gsi.
Us irgend eme Grund isch denn bide Rückkehr diheime es chlises Fänschterli kabuttgange. @eron weisch du wie?

-Tag 4: mal wieder bis am 2 am Namittag pennt und denn gad go ässe. Wieder Stürm, drum en Hosteltag, am Abig aber wueder Usgang. Ufem Heiwäg hetts mitem Uberfahrer no en Hot Dog geh wos zuebereitet händ wie uf eme indische Bazar, bis hüt gahts eus aber beidne no guet.

-Tag 5: eron gaht hei, und ich gang mit es Paar dödel id Stadt go ässe. D Stadt isch usgstorbe (Sunntig), die einzige Mänsche uf de Strass sind die wo immer uf de Strass sind... und am Abig wieder in Usgang..

-Tag 6: Ich starte de Tag wieder am 2 am Namittag und sege allne dass ich hüt sicher nümme in Usgang gahne.
Per Zuefall hani no en nette Luzärner kenneglernt wo gern mal in Usgang gah wür... 3 Mal chönder Rate wommer denn wieder mit ere zämmetrummlete Gruppe glandet sind.. Sunneufgang bewunderet am 6i am Morge und denn ab is Bett. Am 11i isch nämli de Checkout gsi.

-Tag 7: Nomal id Stadt go ässe und nach eme Schwumm im Hostelpool mit de Badhose am Rucksack an Flughafe für uf Rio.

2 Sache wo sich durch die ganze 7 Täg zoge händ:
- D Priise im Hostelrestaurant sind gwürflet oder usglöslet gsi. Spaghetti mit Tomatesauce sind tüürer gsi als es Stake mit Biilag..
- Entweder muesch Portugiesisch chönne oder denn sehr guet Spanisch zum chli öppis verstah, ansuste handlet sich d Unterhaltig immer ums gliiche: BacalhauRead more