Medellín (Kartell vom Pablito)

Ewigs langi Reis vo Rio über Sao Paolo ud Medellín mit viel Klimahlag, langi Warteziite und wenig Schlaaf. Am 10 am Morge ändlich im Hostel ahcho, aber s check in isch leider erscvt am 3 möglich... öppis vom blödschte wo d Selina Chetti ständig macht (au wenns freii Bettene git). Ufgrund vom schlächte Wätter und dere lange Reis, bini denn en ganze Taag chrank gsi.
Schnell hani realisiert wie günschtig alles isch.
Im Zimmer hani en Italo känneglernt wo denn mit mir uf usflüüg isch und e Engländerin wo am Mittag nach ihrere Partynacht chum het chönne stah, will sie immerno so uf droge gsi isch. Schön wie sie eus offe gschilderet het, welli Droge sie alles gno het.
Mit dem Italo und sim Fang vo Palomino simmer denn mit eme Uber is 2h entfärnte Guatapé wommer chli gässe und fötteli gmacht händ. Das uber isch eus denn für 60.- de ganz Taag zur Verfüegig gstande.
Irgend sonen Typ bim Guatapéstei het denn gmeint ich därf nid eifach ih das wisse Auto stiige und fötteli mache, das ghöri ihm. Ich hanmi no gfrägt warums ufem Biifahrersitz es Spaghettigricht gha het.. oups 🙂
Denn hämmer es privatboot mit Fahrer buecht zum um de Lago de Guatapé fahre. Ganzi 6.- pro Person (6 Persone) häts kostet. Mir sind denn ahbde Feriehüüser vom J Balvin verbiigfahre, Maluma, James Rodriguez, am Escobar sis zerbomte Huus mit eigener Disco und ah dem vo sim Brüeder wo hüt no drin wohnt. Zum de See vergrössere het denn de Staat vor 30Jahr eifach no es kompletts Dorf gschwämmt (bidem Foti wo s Chrüüz usem Wasser chunnt).
Nach praktisch nur 2 Täg, ere guete Bandeja Paisa mit öpperem woni in Uruguay känneglernt han und schlächter Wätterprognose für die nägste Täg, bini denn uf Cartagena de Indias gfloge, immer mit de Idee ih 2 Wuche nomal uf Medellín z gah.Read more