Maui (Hawaii)

Hawaii, ach Hawaii..
Mit Abstand die best Ziit woni uf dere Reis gha han.
Ahgfange hets über e Textnachricht uf em Hostelworldchat wo de Alex us Holland gfrägt het ob öpper öppis mache will. Am Ahfang sind eusi Gspräch rächt bescheide gsi. Nach de erste 2 Bier und sim hammer Flamingooutfit isch alles chli interessanter worde und es paar Minute später sitzt eifach en rächt verwirrte St. Galler näbed eus ane. De Dominic aka Big D. Immer lustiger isch es worde je meh lüt dezuegstosse sind und nach de erste paar Trinkspiel sind au alli Witz lustiger worde.
S Hostel het jede Taag gratis Toure ahbotte, natürli based on tips. Die erst Tour isch zu 2 verschiedene Stränd gange, de eint het viel Schildkröte gha. De Evan, euse Fahrer hets aber rächt druf gha eus alli mitenand z connecte. Vo Trinkspiel im Van bis zu Funfacts Rundene und biichte vo peinliche Sache het er eus zwunge. Gliichziitig hemmer aber durch das alli es mega Vertraue gha. Die eint het sogar verzellt dass sie letscht Jahr erfahre het dass sie adoptiert isch, ihri Adoptiveltere aber nani wüssed dass sie das weiss..
De absoluti running gang isch gsi: "hey james?... fuuuuck youuu". Er het das aber amel vertreit und rächt zruggeh :) schliesslich het er eus wn monet spätwr immerno vermisst.
Nach dere Tour simmer wiiterhin alli binenand bliebe und zämme in "Usgang". Natürlich isch de Zämmehalt ah dem Tag nanig so guet gsi wie denn am Schluss, aber s isch wüki schön gsi mit so vielne verschiedene Nationalitäte z vibe, sogar mit de Amis.
Wiiter simmer ide erste Nacht no mitem Uber an nächste Strand gfahre. Leider isches en Steistrand gsi und s hend sich fascht alli de Fuess ufgschnitte. So au iich. Am nägste Tag hemmer eus für e 20km Wanderig ihgschriebe, mit de ufgschlitzte Fuesssohle und de Wunde volle Sand isch es aber chli schwierig worde. So hani also alles nomal gründlich desinfiziert und mit tape abkläbed, bis ich gar nüt meh gspührt han.
D Wanderig isch denn besser als geplant gnage und d Landschafte sind meeega abwächsligsriich gsi.
Wommer fertig gsi sind simmer denn anen Ort gfahre zum de Sunneuntergang über de Wulche z bewundere, dete sind denn no anderi lüt vom Hostel gsi wo kein Platz gha hend ade Tour.
Nach Sunneuntergang no schnell in Safeway go znacht pischte und e Faketelefonnummere ahgeh, dassmer discount überchömmed und denn wieder is Hostel.Read more