11. Caye Caulker

Hüt heimer dr Morge getrennt verbracht drum gits 2 separati Teile. 😁

Teil Yannick:
I bi am 8i ufgstande und hami parat gmacht zum ga Touchäää. 😍🥰 I ha no nid gnue vom Wasser und mache drum no e Touchgang allei.
Mit Flosse bepackt gani zum Blue Wave Divers Center und hole mir ungerwägs no ä Hefeschnäck zum Zmorge. 😍
Mir si gsamthaft 7 Toucher ufem Boot gsy und aui allei. Auso niemer e Touchpartner derbi.
Mir mache 2 Touchgäng im Caye Caulker Marine Reserve. Ds isch öppe 5 min mitem Boot vor Insle wäg.
Z Highlight bim Touchgang isch definitiv dr Schildkrot woni ha gseh. 🐢🥰😍
Nachem Mittag öppe am haubi zwöi gani när früsch duschet ga d Rahel vom läse abhalte. 😁

Teil Rahel:
I bi hüt gmüetlech ga z'Morge ässe und ha mir nähr ä schöni Beach Bar gsuecht und ha i auer Rueh gläse. Schööööön🥰

Speter simer de no zumne Sägumeeting; mir göh nämlech morn für 3 Täg ufene Sägutour⛵⚓☀️🌊 Mir wärde i dene 3 Tag richtig Süde sägle und ungerwägs zwöimau ufere chline, abglägnige Insle übernachte. Drum mäude mir üs itz hie ab für die nächschte 3 Täg😁👋

Natürlich göhmer oh hüt wieder ga dr Sundowner näh, isch aber leider nid so spektakulär gsy wie die andere mau. 🥹
Aber mir hei Zyt gad chönne nütze und chli üsi witeri Reis plane.

Znacht gässe heimer bi Frans Beachside Grill. E chlini eifachi Chuchi direkt am Strand. Mitere Orginale Frou vo hie. Aui si Ihri Darlings, Loves oder Moms gsy. Mega härzig und schön. 🥰

Iz no e Bierli und es Gläceli zum dr Abä la usklinge. 😍Baca selengkapnya