13. 2. Tag Sägutour ⛵

Hüt morge erwachet ufere chline Insle ir Karibik. Was gits schöners! 😍
Rendez-Vous Caye isch eifach ä Troum!
Mir bechöme es Käffeli und häufe churz d Zäut zämeruume.

Öppe am haubi 8i geits witer und ufem Katamaran gits Zmorge.
Brot, Frücht, Bohnä, Späck, Eier und Chääs.
Mir mache öppe z gliche wie am Vortag, mir hänke d Fischerruete use, göh ga Schnorchle, entspanne ufem Boot und düe Speerfische.
Hüt simer sehr erfolgrich. I fah e Barracuda mit dr Fischerruete. 🐟😍🥰 So e coole Moment gsy. D Crew faht bim Speerfische e Hogfisch und zwöi Zackebarsche. Das gits aus hüt zum Znacht oder morn zum Zmittag! 🥰😍

Mir gniesse dä Trip ufem Wasser i voue Züg!

Am Abä chöme mer uf Ragga Caye ah und chöi nach zwöi Täg ungerne Duschi. So öppis schöns nach 10 Schichte Sunnecreme und Salzwasser! Gloubet üs! 😂
Uf Ragga Caye wärde mir d Nacht verbringe und drum duet Crew fliessig Choche und Grille. Äbäfaus wird wieder d Bar bereitgsteuet und mir hei eifach e mega cooli Zyt mit dä Lüt!

Es päärli het dä Trip gmacht um ufemne chline Inseli ihri Eheverspräche zum 25. Hochzytstag z erneure. Di 14 Köpfigi Gruppe und d Crew isch drbi gsy. Es isch e mega rührende Moment gsy!

Dr Linton het wieder zouberet und es git äs mega feins Buffet.
Mit dene Fische womer hei gfange, Härdöpfustock, Riis, Teigware, Fisch- Knusperli. Äs richtigs Festmahl.

Da aui im Zäut und mitem Sturm nid so wahnsinnig guet und viu gschlafe hei, isch hüt früecher Fyrabe.Læs mere