Reset search
Malaysia und Indonesien
  • TaKi
  • Fäbäl
  • TaKi
  • Fäbäl

Malaysia und Indonesien

A 40-day adventure by TaKi & Fäbäl Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    October 2, 2023
  • Malaysia und Indonesien

    Flughafen Zürich

    October 2, 2023 in Switzerland ⋅ ☀️ 25 °C

    Nun ja, der Flug um 10:50 wurde gestrichen. Was soll man da noch erzählen….
    Wir waren fast den ganzen Tag in Zürich. Fazit Shoppen: Ein Paar neue Schuhe, Leggins, Bücher und zwei Nackenkissen für den Flug der hoffentlich um 19:30 startet.
    Die Frage ist noch… wo können wir unsere Einkäufe verstauen? der Platz im Handgepäck ist limitiert😉    Read more

    See translation
  • Malaysia und Indonesien
    11

    Kuala Lumpur

    October 3, 2023 in Malaysia ⋅ ☁️ 32 °C

    Spot am Obe si mir endlich in Kuala Lumpur acho. am morge hei mir als ersts es feins Zmorge imenä benochbarte Cafe gnossä. Nohhert hets e Abstecher ins Aquarium geh und de KL Park hei mir no chli bestunt.
    Vom KL Tower us (Fernsehturm) het mä e super Usblick uf diä bekannte Petronas Towers und s 2. höchtse Gebäude vo de Welt dr Merdeka Tower (gseht us wiä ä Schwertfisch).
    Uf em 69 Stockwerk vo eusem Hotel hets nohhert e Abküehlig im Pool geh mit hammer Usblick.
    Am Obe hei mir e gfüehrti Streetfood-Tour durch KL buechet. De TK, wiä er sich vorgstellt het, isch unglaublich lieb und fründlich gsi und het eus diä Bestä Eckä zeigt. Harmlos agfange mit fritertem Schwein und Fisch us Banane-Blätter isch es witer gange zu Durian und Froschschenkel. Drbi het öbber vo eus Durian (Stinkfrucht) nid ungern gha und s ganze Stück verdrückt. Nach emenä küehlä Bier und Cocktail si mir glücklich widr im Hotel acho.    Read more

    See translation
  • Malaysia und Indonesien
    1

    Cameron Highlands

    October 6, 2023 in Malaysia ⋅ ☁️ 21 °C

    Nach zwoi Täg in dr Multi-Kulti Stadt hei mir eus für e Abstecher ufs Land entschidä. D Cameron Highlands si uf 2‘000 m gläge und bietä ä willkommeni Erfrüschig zu de Hitz in Kuala Lumpur.
    Doh obe werdä Tee und Gmües ahpflanzt und gärntet und d Spure vo de Kolonialzyt si nid nume am Ortsname erkennbar: mä gseht Golfplätz und englisch aghuchti Hüser wo in de früeher 20er Johr de wohlhabende Lüt als Erholigsort dient hei.
    Es mische sich Inder, Chinese und Maleien, so dass es zum Znacht villi Sache zur Uswahl geh het. Touriste wo doh ufe finde si mehrheitlich asiatisch, so dass em Fabi sini Hoffnig uf e schwizerdütschi Konversation het müsse begrabe werdä.
    E mosige Regewald, bunti Schmetterling, dr Bsuech vo erä Teefabrik und spezielli Pflanze si definitv eusi Highlights doh obe.    Read more

    See translation
  • Malaysia und Indonesien
    2

    Ostküste

    October 8, 2023 in Malaysia ⋅ 🌧 30 °C

    Dr Ostä vo Malaysia isch bekanntlich no sehr konservativ und nid so touristisch wiä d Westküstä & zudem isch dört grad Rägesaison. Trotzdem hets eus in diä Richtig vrschlage und mir hei unterwegs e Halt am Tasik Kenyir gmacht (ein vo de gröschtä Süesswassersee doh).
    Vo de Familiä wo uf dem Huusboot läbt si mir spontan zum Zmittagässe iglade wordä und si hei eus ihre Bou zeigt wo si grad dra si (e neus Huusboot wo si möchte vrmietä).
    Näb de Strosse erhascht mä ab und zue chlini Äffli und villi Lüt wo chlini Ständ betribä und Frücht vrkaufe.
    Nach erä Übernachtig in Paka hei mir am nögste Tag s 1. mol s Meer gseh und e Tagesusflug uf diä schöni Inslä Pulau Redang gmacht. Am Obe si mir vomenä Platzregä überrascht wordä. s Ässe doh isch sehr guet und günstig. Für 12 RM, das si umgrechnet 2.50 Franke, bechunt mä ä früsch kochts Znacht inkl. Getränk. Dr Alkohol isch chli türer, aber für schwizer Verhältnis immerno okay. d Lüt si sehr lieb und möchte oft Fotis mit eus ha, d Kinder winkä und bsunders d Tanja findet sä mega härzig.    Read more

    See translation
  • Malaysia und Indonesien
    1

    Taman Negara - Nationalpark

    October 10, 2023 in Malaysia ⋅ ⛅ 32 °C

    E lange Wäg dur villi Palmölbaum-Plantagene füehrt zu dem schöne Ort. Zudem muss s Auto uf dr andere Site parkiert werdä und dr Fluss via Boot überquert werdä. Scho am erschtä Obe hei mir e Dschungelwanderig in dr Nacht gmacht. Diä „grosse“ Tier wiä Tapir, Reh, Puma und Elefant hei mir leidr nid zgseh, au dr „Tiger von Malaysia“ het uf sich loh warte. Defür hets Skorpion, Viper Schlange, rise-Ameise, giftigi Spinne und anderi Insektä z bestune geh.
    Am nögste Tag hei mir e 3 stündigi Wanderig dur e Dschungel unternoh. Bi 92% Luftfüechtigkeit z laufe het eus zimli zuegsetzt, so dass 8 km wanderä an dem Tag gnueh gsi si. 😅 Am Rande vom Dschungel hei mir s 1. mol es Hotel mit Fullpension gnoh, wobi eus dr „Western Food“ nüm so schmeckt und mir euses asiatische Ässe vo dr Stross vrmisse.
    Euses Highlight isch definitiv e Flussfahrt dur e Dschungel gsi mit villä härzige Äffli und einm rise Waran.    Read more

    See translation
  • Malaysia und Indonesien
    1

    Melakka

    October 13, 2023 in Malaysia ⋅ ⛅ 33 °C

    Dur sini günstigi Lag zwüsche Singapore und dr indonesische Insle Sumatra het Melakka scho früeh als Handelshafe für Gwürz dient. Spöter isch es denn zur Kolonie vo de Chinese, denn Portugiese, denn Holländer und am Schluss vo de Brite wordä bis es 1957 unabhängig wordä isch. Diä villä vrschidenä Iflüss si immerno erkennbar. Es git e belebts China Town mit dr berüehmte Jonker Street wo mä allerlei Köstlichkeitä und „Chrims-Chrams“ bechunt. Mir zwoi Europäer si us em Stune nüm use cho; Wachteleier-Spies, fritierti Baby-Krabbe, Durian Glace, Süessigkeitä namens Drachebart-Hoor und und und…
    Alti Festigä und christlichi Chillenä bilde e Kontrast zu de farbig belüchtetä Innestadt wo dur sis chline Flüssli und diä villä Bars und Spuntenä an d Pirate-Stadt Tortuga erinnert. Mir hei in Melakka drei tolli Täg vrbrocht, bitz öbbis über d Gschicht und Kultur glernt und si IMMER uf dr Suechi nach em bestä Ässe gsi!    Read more

    See translation
  • Malaysia und Indonesien

    Lombok

    October 17, 2023 in Indonesia ⋅ ☁️ 29 °C

    Nach emenä agnähme Flug vo KL si mir am Obe in Lombok (Praya) acho. Mit em Taxi si mir nach Nipah in euses Hotel gfahrä. Wobi s Hotel eher es Motel und s Motel eher e Backpacker-Zwüschestopp isch. Es git nur ei einzigä Indonesier wo doh schafft. Er heisst Eshan und versorgt eus mit Ässe, Trinke, goht mit eus go schnorchlä und macht drbi immer e Spässli. Mit siner Frau betribt er am Strand no e chlis Restaurant wo er am Mittag früsche Fisch, Nasi Goreng & villes mehr ahbietet. Dört hei mirs eus zwoi Täg loh guet goh loh. In dr Bucht gseht mä am morgä villi Wasserschildkröt wo chöme cho Seegras mampfä. Bunti Ketteli und Hose hei mir eus au loh ufschnurä (also d Tanja). Am dritte Tag hei mir (wiä alli Touris) e Roller gmietet und si im Nordä diä bekanntä Wasserfäll go bestunä. Leider het sich Lombok sit Covid nid recht erholt und d Touris fehlä doh. Schade, denn es git würkli schöni Stränd. Aber wenn si voll mit Abfall sind und diä Iheimischä Plastik an dr Stross vrbennä, lockt das au nid würkli ah. D‘Lüt würke e chli verbitteret und villi gäbe sich glich nid müeh zum öbbis an dr Situation z änderä.
    Trotzdem gniessä mir d Zyt doh und freue eus uf euses nögste Abentür…    Read more

    See translation
  • Malaysia und Indonesien
    1111

    Lombok - Gunung Rinjani

    October 20, 2023 in Indonesia ⋅ ⛅ 23 °C

    Am 7ni am morge isch es los gangä. Drei guet bouti Argentinier, ei Franzos und es Schwizer Päärli hei sich zämme mit ihrem Guide Adi in e 3 tägigs Abentür gstürzt.

    Am 1. Tag isch es 1464 m ufe gange. Drbi hei mir nur euses private Gepäck müsse träge. Zelt, Schlofsack und Ässe isch vo drei Gepäckträger ufegstemmt wordä und das in Zecheschläppli! Unglaublich diä Leistig! Nach mä schöne Sunneuntergang uf 2600 m und feinem Znacht (meistens Ris & Chicken) si mir früeh ins Bett.

    Am 2. Tag si mir am morge um 2:30 vom Adi mit feinem Kaffi gweckt wordä und bewaffnet mit Stirnlampe und warme Jagge e steilä Wäg uf e höchste Punkt vom Kraterrand (3726 m) ufe zum de Sunneufgang z bestune. D‘Ussicht het sich glohnt und mir si unglaublich stolz gsi hei mirs gschafft, zumal d Wäg uf mä Vulkan us Sand und Gröll bestönd und mä immer zrug rütscht. Nach 1000 m abwärts und mä Zmorge isch es am gliche Tag witergange zum See vom Krater. Dört hei mir eusi Füess in heissä Quellä badet, Zmittag gässe und mit mä Überraschigskueche em Fabi si Geburi gfiiret.
    Am gliche Tag si mir uf e anderä Ussichtspunkt uf em Kraterrand, so dass mir an dem Tag über 1743 Höhemeter zrug gleit hei. Ändlich s Tageszil erreicht, hei mir de mitbrochti Gipfelwy klöpft. Es hei hüt alli e Schluck drvo wölle. Au em Adi hets gschmeckt, obwohl d Indonesier süscht eher Riswy trinke.

    D‘ Nacht im 2. Zeltlager isch stürmisch & kalt gsi und s Zelt vom Schwizerpäärli hets komplett verchutet. Zum Glück het de liebi Ehemaa zmitz in dr Nacht alles chöne richtä.

    Am 3. Tag hei mir diä letschtä 1961 Höhemeter abwärts in Agriff gnoh, wobi mir immer wird vo Gepäckträger überholt wordä si. Wiä machä diä das nume? Ihri Bambusstange mit Gepäck wägt ca 30 kg und Zecheschläppli gäbe würk kei Halt.
    D Flora het gwächslet vo Vulkangestei zu tropischem Rägewald und dr Adi het eus Kakao- und Kaffibohne zum probierä vo de Bäum gholt. D Süessi het eus dr nötigi Atrib für diä letschtä Meter geh. Will am Schluss si d Bei eifach nume no gloffe, dr Rest het nüm wölle.
    Alli si gsund und vorallem stolz widr im Hotel acho und jedä het sich uf e Duschi, e Stuhl und es WC gfreut.

    Rinjani du bisch es wahnsinns Kaliber, aber mir hei di bezwunge und dini Schönheit au vo innä gseh. Dankä für das wunderschöne unvrgässliche Abentür.    Read more

    See translation
  • Malaysia und Indonesien

    Gili Air

    October 22, 2023 in Indonesia ⋅ ☀️ 29 °C

    Gili Air isch eini vo de 3 Gili Insle wo vor Lombok gläge si. Mit em Speedboot isch si vo Lombok in 15 Min erreichbar. S Wasser isch kristallklar und d Insle isch so chli, dass si mit em Velo in 1h cha umfahre werdä. Allgemein gits keini Motore, nur Kutschenä, Velos und E-Scooter.
    In dem chline Paradies hei mir eus nach euser astrengendä Wanderig chöne erhole . D Tanja het sich e Pedicure gönnt und de Fabi e Gsichtsbehandlig.
    Am Strand gits villi härzigi Bars, Ritseili und Hüttli us Bambus wo mä e leckers Bintang oder e Cocktail cha schlürfe. Es locke au härzigi Lädeli zum shoppä, so dass mir e neus Cap und e Strandkleid gfunde hei. s Highlight isch sicher de wundervolli Sunneuntergang wo täglich alli Bsuecher vo de Insle an d Westküste lockt.
    Mit villä anderä Touris hei mir eus uf e Schnorchelusflug begeh. Am Afang si mir nid so happy gsi, will s Boot eifach völlig überlade gsi isch. Unter Wasser si mir denn aber mit de schönschtä Koralleriff belohnt wordä, wo mir jemols gseh händ. Kofferfisch, Flötefisch, Schildkröt, Doktorfisch, Papageiefisch und villes mehr hei mir gseh und diä andere Touris si eus gar nüm ufgfalle.
    Leider hei mir kei Unterwasserkamera drbi gha, aber d Erinnerigä an de wunderschöni Usflug si in eusnä Köpf gspeicheret.    Read more

    See translation
  • Malaysia und Indonesien
    Kelor Island
    1Padar IslandPink BeachFischer2KomodowaranRanger

    Labuan Bajo - Bootstour

    October 27, 2023 in Indonesia ⋅ ⛅ 30 °C

    Euses Abentür in Labuan Bajo het im Hafe vo der Stadt agfange. Wiä mä uf dr Karte gseht, hets in dr Umgebig ganz villi Insle und diä hei mir uf euser 3 tägige Bootstour (inkl. Crew) erkundet.
    Dr 1. Stopp isch d Insle Kelor gsi - sehr toll zum fötele und d Ussicht gniessä. Witer ischs gange mit mä Schnorchelusflug uf d Insle Manjarite. Nach em Sunneuntergang hei mir vor de Insle Kalong gankeret. Tuusigi vo Flughünd si verwache und us de Mangrovewälder use gfloge - wunderschön! S schaukelndä Schiff het eus nohhert in Schlof gwoge.
    Tag zwoi het früeh agfange mit em Sunneufgang uf dr wunderschöne Insle Padar. De Pink Beach het eus mit sim dur Koralle gfärbte Sand und em klare Wasser sehr beidruckt. Dr Klassiker isch natürli dr Bsuech vo de weltbekannte Komodowarane oder wiä se diä Iheimische nennä „Dracons“ gsi. D Männli chöne bis zu 3 Meter lang werdä und bis zu 200 kg schwer. Zum Glück het dr Ranger e Stäcke drbi gha. 🫣 S Allerschönschtä isch dr Schnorchelstopp vor dr Insle Taka Makassara gsi, wo mir bereits us em Boot dutzendi vo Mantas gseh hei. Nur wenigi Zentimeter hei eus vo denä mayestätsiche Wese trennt, für eus es Gschänk so öbbis dörfe z erläbe.
    Am letschtä Tag hei mir vor dr Insle Kanawa nomol sehr vill Fisch dörfe bestunä. 🐠🐟🐡
    Was au immer sehr luschtig gsi isch, si diä überus foto-afine Asiate wo mit eus uf em Boot gsi si. Si händ in denä 3 Täg mehr Fotis gmacht als mir in 6 Wuche. 😂    Read more

    See translation
  • Malaysia und Indonesien
    Komodo Resort
    StrandbarSeesterne

    Sebayur

    October 29, 2023 in Indonesia ⋅ ⛅ 29 °C

    Ei Wuche lang hei mir uf dr Insle Sebayur im Komodo Resort verbrocht.
    Diä meisti Zyt hei mir mit schnorchle & tauche verbrocht. S Hotel isch imenä Nationalpark gläge und d Unterwasserwelt vom Huusryff isch wunderschön. Weichkoralle, Hartkoralle, Seesterne, bunti Fisch und Fischschwärm so viel das Auge reicht. D Lüt vom Resort si sehr lieb und mir hei in derä Wuche mit ihnä bitz indonesisch glernt🤣. Es git nur 1 Hotel uf derä Insle, 1 Restaurant, 1 Bar und 16 Bungalows.
    Au hei mir vill gläse und ab und zue es Kajak gmietet. Es het eus sehr guet gfalle uf derä idyllische Insle.    Read more

    See translation
  • Malaysia und Indonesien
    Bus TourShopping Center an dr Orchard RdGardens by the Bay

    Singapur

    November 6, 2023 in Singapore ⋅ ☁️ 11 °C

    Dr letschti Stopp vo euser Reis isch Singapur gsi.
    Wow, was für e top organisierti Stadt. Suuber, fründlichi Lüt, e guet usgleits ÖV System und vill beidruckendi Sache zum entdecke. D Singapurer liebä guets Ässe und in derä Multi-Kulti Stadt bechunt mä würkli alles. Es git diä bekannti Orchard Stross, an derä reihä sich Warehuus an Warehuus und au punkto Kleider bechunt mä alles.
    Am 1. Tag hei mir chli Shopping gmacht und eusi Herbstgarderobe für d Schwiz ufgrüstet. Am nögste Tag ischs denn mit erä Hop on Hop off Tour quer dur d Stadt gange. Es git wahnsinnig vill Stadtteil; es Little India, China Town, es islamischs Viertel und natürli s Zentrum mit de grosse Finanzgebäude. Bi de botanische Gärte und bi de Gardens by the Bay si mir usgstigä und hei das ganze vo nöchem bestunt. In erä risigä Halle us Glas reihä sich Hunderti vo Orchidee und Pflanze us dr ganze Welt und alles isch sehr schön und liebevoll gstaltet. Diä bekannti Liechtershow mit Musik hei mir au erläbt, würkli sehr beidruckend.
    Em Fabi si Wunsch isch gsi, dass mir ins Universal Studios gönn, will er e grosse Fan vo 8er Bahne isch. Jurassic Park, Transformers, Minions und villes mehr isch in tolli Bahne und Shows packt worde.
    D Universal Studios in Singapur si schins nid so gross wiä diä in Amerika, aber uf alli Fäll e Usflug wert.
    So het eusi Reis in derä scho mehr westlich aghuchtä Stadt ihres Endi gnoh und mir si dankbar und mit villä unvrgässliche Erinnerigä zrug in d Schwiz gfloge.    Read more

    See translation
    Trip end
    November 10, 2023
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice